Ẹ́fịsọsapụ 6:21 - Ibani New Testament

²¹ Tisikọs, wámịna ibi numboru pịghị sẹ́kụrọ Kị́nị́nyánáḅọ fịrịnwangịḅọ nyẹ gonyẹ́ gonyẹ́ dugho ọ pịrịbẹm o nimi bẹ ḅara a fịnị ḅará na a nwángị kọọarị ḅara.

Ẹ́fịsọsapụ 6:21 ပူးပေါင်းရင်းမြစ်များ

Fịrị Ḅara 20:4

Sopata, Piirus tụwọ, Beriya ḅụ saghị ḅoḅọ ọ nana múm, anịị pịghị Tẹ́salonaika ḅụ saghị ḅoapụ Aristakọs na Sekondọs, Gayọs Derbe ḅụ saghị ḅoḅọ, Tisikọs na Trofimọs Esiya ḅẹrẹtọ angaá ḅụ sághị ḅoapụ, na pịghị Timoti nnị na muu ḅara.

1 Kọrịntịapụ 4:17

Anịma gosi a Timoti pa ọ fịrịmaarị a ibima ḅẹlẹma tụwọ, ibima kụrọ sẹ ḅo Krais asọ ma ḅụ, ọ pa o biekórómabẹm ị́yẹ́ dumafịnị ḅara Krais Jizọs ḅụ mịma anịị a pịghị diearịnyẹ sọsị gbọrụ pịghị ngámámgba ḅụ.

Filipaiapụ 1:12

A biim ḅẹ́ o nimi ịyẹa nángwọ́apụ ḅẹ́ ịḅụ pághá nyẹ ma ibima ḅárásuamam sị mịẹsị ibi oku ma toruku muu.

Kolosiapụ 1:7

Ọ Tamuno tọ́rụ́kụrụkụ́rụ́ ma gbolomanyẹ dáwọ ḅom Epafras ḅara, wámịna ibifịrị nwángị ḅụ gbẹ́rẹ́ḅọ, Krais ḅụ sẹ́kụrọ fịrịnwangịḅọ wámịna sịbị gosi.

1 Timoti 4:6

Ị ḅọ́rọ́ mịnanyẹ ma pa mininiapụ ma biekóróma kóróma, anịị a dugho kórómanyẹ ma, ịrị Krais Jizọs ibi fịrịnwangịḅọ sọ́bẹm, minini ma karakárá ḅụ n dighi pághámaḅoḅọ na pịghị ị́ duamaa karakárá dienyẹ ma.

2 Timoti 4:12

A Tisikọs fịrịmaa Ẹ́fịsọs múm.

Taitọs 3:12

A Atemas anịgha Tisikọs pa ọ fịrịma gbẹ́rẹ́kiri, ọmịnị ọmịna ịnyọ la ḅara mịẹsị ḅoo i nana dona Nikopolis ḅụ tegó mịị a bii ngaa a fịnị mịị oḅuu sáá.

Fịlẹmọn 1:16

Mịnị ómóniḅọ ḅaraghá, kụ́ma ómóniḅọ nẹngịḅọ, a ḅẹlẹma mị́naḅọ owitụ́wọ Krais bie. Ori ịḅụ nyẹ́lam, kụ́ma ọ pịghị ịḅụ nyẹlaḅam ómóniḅọ ḅara, na pịghị mị́naḅọ owitụ́wọ Kị́nị́nyánáḅọ ma bie.

1 Pita 5:12

Sailas a minini akị ḅo ḅẹ́ ori karakáráma Krais asọduaḅọ, ori anị ḅárásua si a mị kálá ábálálá ma gịẹ ọ fịrịma ḅọ. A ọmịna tẹ́mẹ́ kụrọma dọ́ghụm sị ị́yẹ́ dugho págháma nyẹ ma dugho ḅẹ́, mị anị Tamuno karakárá tọ́rụ́kụrụkụ́rụ́ ma anị ḅụ sẹ kụrọ.

2 Pita 3:15

Kị́nị́nyánáḅọ ingịrịma ma ákị, sọ́ḅọ́rọ́ o findi ị pịrị ḅụ́pọ́ ọ pa ḅọ́rọ́ dụaḅọ́rọ́ma nyáná, wámịna ibi mị́naḅọ Pọl, Tamuno pa ọ pịrị níminyẹ pa ábálálá gịẹ ọ fịrịma ḅara.