Ẹ́fịsọsapụ 6:10 - Ibani New Testament

¹⁰ Kunema ḅụ, ọ kụrọ sẹ Kị́nị́nyánáḅọ ḅụ, na pịghị ọ ḅụ fịnị opu ịnyọ ḅụ.

Ẹ́fịsọsapụ 6:10 ပူးပေါင်းရင်းမြစ်များ

1 Kọrịntịapụ 16:13

Ọ tọ́rụ́ kiri láa, sẹ kụrọ minini ma ḅụ, ọ tẹ́mẹ́ kụrọapụ sọ; ọ kụrọ fịnịị.

2 Kọrịntịapụ 13:11

Kunemaá, i Daa awọ, ọmịnị ibima fịnịị, asọ nwángịị kpain ḅụ, ị́yẹ́ tẹ́ghẹ̄ẹ̄ bịpị ma pughuu, ọ gbẹ́rẹ́ tẹ́mẹ́ nyáná, o diin ḅụ ngaa, diin na ḅẹlẹma nyáná Tamuno ma ọmịnị na fịnịị.

Ẹ́fịsọsapụ 1:19

pịghị ori kụ́rọ, anị opuma dụḅa láa ḅara fịrịnwangịarị nyẹ wamịnị mininiapụ ma duma bie. Mị kụ́rọ ma na wámịna ḅụ fịrịnwangịarị nyẹ anịị pịghị anị gbẹ́rẹ́ opu ịnyọ ma,

Ẹ́fịsọsapụ 3:16

A tẹ́ghẹ̄arị ḅẹ́ Tamuno opu ngọ nyánáḅọ ori ipine ḅụ, kụ́rọ pa ọ pịrị, ọ Tẹ́mẹ́ ḅụ ḅọ́rọ́ ọmịnị ịnyọsua bẹ ḅara ọmịna tẹ́mẹ́bie.

Filipaiapụ 3:1

Kunemaá, ịyẹa mịnaapụ o bieḅẹlẹ ḅẹ ọmịnị Kị́nị́nyánáḅọ ma bie imii. A balagha sima parị a gịẹmaa nyẹ ma gịẹ anị pịghị sọnyẹ sọ ọ pịrịbẹm a ḅọ́rọ́ ọkọ mịẹmịẹ.

Filipaiapụ 4:13

A ine nyẹ gonyẹ́ gonyẹ́ mịẹbẹm Krais ḅụ ḅọ́rọ́, ori ịnyọ pa i pịrịarịḅọ.

Filipaiapụ 4:8

Kunemaá, ịyẹa nángwọ́apụ ọ mịnanyẹ ma pa ọmịna tẹ́mẹ́bie sua bima, ibi nyẹ gonyẹ́ gonyẹ́ sị túminị́ túminíarị nyẹ, tụ́manyẹ gonyẹ́ gonyẹ́, osigha nyánányẹ gonyẹ́ gonyẹ́, karakárányẹ gonyẹ́ gonyẹ́, fíafía nyẹ gonyẹ́ gonyẹ́, ḅẹlẹma na ibinyẹ na pighi kuu na ibi nyẹ.

Kolosiapụ 1:11

Wa pịghị tẹ́ghẹ́arị ḅẹ́ Kị́nị́nyánáḅọ ori ipine kụ́rọ mamgba pa ịnyọ pa ọ ḅụ sua, anị ḅụ ḅọ́rọ́ ọmịnị ine opu ngịrịma na inema nyáná bẹ ḅara, sị bieḅẹlẹ pịghị ọmịna tẹ́mẹ́bie bii.

2 Timoti 2:1

Mị́sa, irị i tụwọ, sẹ kụ́rọọ́ wa Krais Jizọs ḅụ nyáná tọ́rụ́kụrụkụ́rụ́ ḅụ ḅọ́rọ́.

2 Timoti 4:17

Kụ́ma Kị́nị́nyánáḅọ ma ịrị na fịnịm sị pighi ịnyọ pa i pịrịm, anịgosi a ine bifụfụụ́ oku ma dugho wásáma juughaapụ gonyẹ́ gonyẹ́ pịrịm ḅẹ́ n náa; n pịghị i duapághámaḅom ọkụ nama ma bịpịbie.

1 Pita 3:8

A kunemaarị: ọmịnị kị́nị́mamgba gbẹ́rẹ́ tẹ́mẹ́ nyáná, ḅụnjịrị nyáná, jụghọ jụghọ ḅẹlẹma mịnaapụ ḅara, ọmịnị ibiamịẹnyẹ nyáná pịghị ḅụ siterema jụghọ jụghọ pịrị.

1 Pita 4:11

Ẹ́gẹ́rẹ́ dugho wásaámaarịḅọ gonyẹ́ gonyẹ́ Tamuno ẹ́gẹ́rẹ́ ma dugho wásámáa, fịrịnwangịapụ Tamuno pa n pịrị ịnyọ mamgba pa fịrịnwangị, sị nyẹ́ gonyẹ́ gonyẹ́ ḅụ túmíní fịnị Tamuno pịrịbẹ ḅara Jizọs Krais ḅụ ḅọ́rọ́. Ipine na kụ́rọ na fịnị pịrịḅọ mú ḅẹsá ḅẹsá la. Anị ọkọ fịnị.

1 Pita 5:10

Ọ kẹ́lẹ́ tọ́rụ́siarị so sáá, tọ́rụ́kụrụkụ́rụ́ mamgba nyáná Tamuno ma, ọ sị ḅo bẹ ọ ḅo diekiri nyáná ọrẹ gbámásó ipine ma ḅụ Krais bie, ori ma pịghị ọ mịẹ kpaimabẹm, pịghị ọ sẹ kụ́rọ́mabẹm pịghị ịnyọ, na pịghị karakárá súghúise pa ọ pịrị.

1 Jọn 2:14

A gịẹ ọ fịrịmaarị, daapụ, tegó ọmịnị súghú saghị sa éné éné ḅọ ma nimimam. A gịẹ ọ fịrịmaarị, ásáawọ, tegó ọ kụrọm, Tamuno ẹ́gẹ́rẹ ma pịghị ọmịna bie imim, ọ pịghị siḅọ ma sọḅamam.