Ẹ́fịsọsapụ 5:8 - Ibani New Testament

⁸ Gbẹ́rẹ́sa biri ọ kánákáná ma bie imi, kụ́ma mị́sa ọ Kị́nị́nyánáḅọ awọ sọ maá sáá, ọ baá ma bie imi, anịgo o duma kọọ baá ma awọ ḅara.

Ẹ́fịsọsapụ 5:8 ပူးပေါင်းရင်းမြစ်များ

Matiu 3:8

Ọmịnị ibinyẹ mịẹ, diebẹnyẹ ḅẹ́ ọ sii ḅụ pịghịmam.

Matiu 4:16

Kánákánábie ngaapụ ḅoo opu baá árịmam. Kánákáná fịị kiri ḅụ ngaapụ nna ḅụ baá ma biabẹm.>>

Ibi Oku Ma Luk Anị Gịẹ Ḅara 1:79

anị bia kánákánábie fịnịapụ pịrịbẹm, fịị ḅarabie fịnịapụ, sị wamịna ḅụọ daa pa diin yọ ḅụ suu.>>

Ibi Oku Ma Luk Anị Gịẹ Ḅara 16:8

<

Ibi Oku Ma Jọn Anị Gịẹ Ḅara 1:9

Mịma anịị karakárá baá, tuminikiri ḅo sị túminị́ mamgba ḅụ biarị nyẹ.

Ibi Oku Ma Jọn Anị Gịẹ Ḅara 12:35

Jizọs dugho n pịrịm, <

Ibi Oku Ma Jọn Anị Gịẹ Ḅara 12:36

Baá ma ḅụ minini ịrị anị nyáná sáá, ọmịnị baá ma awọ sọ bẹ ḅara.>> Ori ẹ́gẹ́rẹ́ ma kọfáma sa, ori aningáa ma warịsom sị muu ọ ḅụ ḅọghu n fịnị angaá.

Ibi Oku Ma Jọn Anị Gịẹ Ḅara 12:46

A tuminikiri ma ḅomam baá ḅara, sị ịḅụ mininiḅọ gonyẹ́ gonyẹ́ mịnị kánákánábie fịnịbịgha ḅara.

Ibi Oku Ma Jọn Anị Gịẹ Ḅara 8:12

Jizọs sima ẹ́gẹ́rẹ́kọọ túminị́ ma pịrị sáá, o dughom ḅẹẹ, <>

Fịrị Ḅara 17:30

Ḅọ́rọ́maa sáá, túminị́ Tamuno nimigha sáá ori n dighi tọ́rụ́sim, warị tọ ḅẹ ọ́rụ́ḅọ ọ́rụ́ḅọ amịna sii ḅụ pịghịị.

Fịrị Ḅara 26:18

Ịrị nna tọ́rụ findibẹm sị pịghị kánákánábie nna akuoo ḅo baá bie soo, pịghị Satanị kụrọ bie nna akuoo ḅo Tamuno bie sua, sị nnị siiḅụḅarasipịrị nyáná bẹ ḅara, sị nnị ịḅụ nyáná minini ḅụ ḅọ́rọ́, sị pịghị nna kiri nyáná Tamuno sẹlẹakịapụ ma ogbobie.>

Romapụ 1:21

Nnị Tamuno ma nimim kụ́ma nnị ọ láa kuu pa ọ pịrịgha anịgha Tamuno ma ḅẹẹ ịmịẹḅam. Anịmanakaragha, nnị nyẹ kórómaarị sa nna kóróma mịnị ḅẹnyẹ ḅẹnyẹ ḅụ ofori, kánákáná warị nna oḅori kúkúbie ma bii.

Romapụ 13:12

Díi ma ḅọlọ ju lámam, énéḅa ḅárákúu imi, anịgo o ḅo wa kánákáná fịrị ma pa angaá ḅọ́rọ́ma sị warị baá ọ́mụ́gbinyẹ ma ákị sua.

Romapụ 2:19

Ọmịnị ibima nimim ḅẹ́, ọmịnị anịị Tọ́rụ́pụ́apụ daa karakárámaariapụ, ọmịnị anị pịghị kánákánábie fịnịapụ tọndọ,

1 Kọrịntịapụ 1:30

Kụ́ma Tamuno Krais Jizọs bie ọmịnị akuomam, Krais ḅụ ḅọ́rọ́ Tamuno ori opu níminyẹ pa wa pịrịmam, karakárá Tamuno tórúku, wa ḅoo Tamuno tọ́ntọ́apụ sọm n pịghị wa ḅọ́rọ́mamam.

2 Kọrịntịapụ 3:18

Wamịnị kị́nị́mamgba tórúku gbẹ́gha pa Kị́nị́nyánáḅọ ipine ma arịm anị bia wámịna tọ́rụ́bie sọọ ḅara, wa pịghị dima dima si pịghị okịkaarị ḅara, sámámgba ḅụ sẹnịarị ipine Kị́nị́nyánáḅọ ḅara saghị ḅo nyẹ ori anịị Tẹ́mẹ́ ma.

2 Kọrịntịapụ 4:6

Dugho Tamuno ma ḅẹẹ, <> Mịị gbẹ́rẹ́ Tamuno ma anị mịẹsị ọri baá bia wámịna tẹ́mẹ́bie sọọ nyẹ. Mịma ḅụ ḅọ́rọ́, wa Tamuno ipine nimi ḅụ sághị ḅoarị baá ma nyanam biarị nyẹ Krais tọ́rụ́ ogbo.

2 Kọrịntịapụ 6:14

Mini mininighaapụ na fịrịnwangị gboloma ma bẹ ọmịnị nnị na gbasịm, anị ine ọkọfịnịbịgha. Karakárányẹ na irima nyẹ na tọrọ́ pa gbẹ́rẹ́nyẹ mịẹbẹ. Baá na kánákáná na n tọrọ́ pa gbẹ́rẹ́ angaá ngaa bẹ?

Galesiaapụ 5:25

Tẹ́mẹ́ ma duma pa wa pịrịmam anịgo wámịnị ọ wáriso ọ wámịna duma bie ḅẹrẹtọ.

Ẹ́fịsọsapụ 2:2

Anịsáa ma ọ tuminikiri sii asọ nwángịm, ọmịnị ọgọnọ bie fịnị kụ́rọ sitẹ́mẹ́ táarịḅọ ma bịpị pughum, mị́sa ḅẹrẹtọ mini Tamuno osighaapụ ma pịrịarị Tẹ́mẹ́.

Ẹ́fịsọsapụ 4:18

Nna kúkúbie kánákáná ḅụ imi, nnị diekiri nyanagha Tamuno pịrịarị duma ma ḅụ, n nimi gbẹ́rẹ́nyẹ sọ ofori, n pịghị kụ́rọ sịbịbie nyanam.

Ẹ́fịsọsapụ 5:2

Ḅẹlẹma pịghị ọmịna duma bie ḅẹrẹtọ, Krais sọ wa ḅẹlẹma ḅara sị ọ ḅụ pa ibima kụ́nụ́ agbaa mịẹ na igwagwaá Tamuno pịrị.

Ẹ́fịsọsapụ 6:12

Tegó wámịna ọ́mụ́gbi ma, wa tuminikiriapụ na anị gbighaa, kụ́ma, sobie ju fịnịị sitẹ́mẹ́, táarịapụ, kụrọnyanáapụ na pịghị kánákáná tuminikiri ma bie fịnị opu kụrọ nyáná sitẹ́mẹ́.

Kolosiapụ 1:12

Bieḅẹlẹ ḅụ ịmịẹḅam pa Daḅọ ma pịrị mịẹḅọ sị o diekiri nyána Tamuno kokowarị ori tọ́ntọ́apụ pịrị ilanyẹ, baá amadakiri ma ḅụ.

Kolosiapụ 1:13

Ọ wa duapághámaḅomam kánákáná kụ́rọ ma ḅarabie sị wamịnị akuoo pa ọ ḅẹlẹma Tụwọ ma kọnsịn amadakiri bie sua.

Taitọs 3:3

Wamịnị sọ gbẹ́rẹ́sa biri pịghị oḅorisọm, bịpị osigha, nnị wa daa asọ irima. Wa pịghị omoni sọ wámịna ojumẹnị binyẹ gonyẹ́ gonyẹ́ pịrịm. Wa pịghị wámịna duma kọarị sisịbịbie sua ḅụ, jughonyemọni, jẹapụ imi wa ḅẹ́lẹ́maghaapụ, wamịnị sọ n ḅẹlẹmagha.

1 Jọn 1:7

Kụ́ma wa ḅọ́rọ́ baá ma bie asọ nwángị, ori ma sọ baá ma bie fịnị ḅara, anịsáa wa jụghọ jụghọ na mịẹgbólóma nyánam, ọ Tụwọ Jizọs Krais ọmbịnyẹ́ sii gonyẹ́ gonyẹ́ ḅụ wa sịrịsịarị.