Ẹ́fịsọsapụ 5:11 - Ibani New Testament

¹¹ Túminị́ nwángịarị sọnyẹ ḅụ ófórigha fịrị ma na mịẹnyẹ nyáná ma, anịị kánákánábie fịnịnyẹ ma. Anịmanakaragha nnị pághámá ḅo éné ogbo.

Ẹ́fịsọsapụ 5:11 ပူးပေါင်းရင်းမြစ်များ

Matiu 18:15

<<Ḅọ́rọ́ ị́yẹ́ mịná owitụ́wọ i miẹsimam, muu ọ mịẹ isima nyẹ ma pa o die, ọmịnị mmẹapụ ogbobie ọ ḅọ́rọ́ ị pughu pughu ị́ ị numboru owitụ́wọ nyanaḅomam.

Ibi Oku Ma Luk Anị Gịẹ Ḅara 3:19

Jọn kpọma igani Ḅẹ́rẹ́tọ́ḅọ Hẹrọd pịrịm tegó, o mú o numboru owi Herodias taa akị yaam, ọ pịghị tọgha tọgha siinyẹ mịẹmam.

Fịrị Ḅara 26:18

Ịrị nna tọ́rụ findibẹm sị pịghị kánákánábie nna akuoo ḅo baá bie soo, pịghị Satanị kụrọ bie nna akuoo ḅo Tamuno bie sua, sị nnị siiḅụḅarasipịrị nyáná bẹ ḅara, sị nnị ịḅụ nyáná minini ḅụ ḅọ́rọ́, sị pịghị nna kiri nyáná Tamuno sẹlẹakịapụ ma ogbobie.>

Romapụ 13:12

Díi ma ḅọlọ ju lámam, énéḅa ḅárákúu imi, anịgo o ḅo wa kánákáná fịrị ma pa angaá ḅọ́rọ́ma sị warị baá ọ́mụ́gbinyẹ ma ákị sua.

Romapụ 16:17

Mịnaapụ, a ọ tẹ́ghẹ̄m ḅẹ́ ọ tọ́rụ́ pa puama dighiḅoarịapụ ma ḅụ gbánā, mininiapụ mịẹarịapụ sị n bịghị pighi asọ mgbẹsẹ dighiḅọ ọ dáwọ ḅomaá dienyẹ ma pịrịarịapụ. Ḅụ kile nna ḅụ!

Romapụ 6:21

Ọ tẹ́ sọnyẹ nyánáḅọ, mị́sa ọ ḅụgịrịrịmaarị nyẹ ma ḅụ? Ọḅụkụ́nọma fịị anị mịnanyẹ ma dighiḅoarị nyẹ!

Galesiaapụ 6:8

Tumḅọ ḅọ́rọ́ nḅọ ojumẹnị tárịnyẹ dipi dipi anị ḅụ ḅọ́rọ́ nḅọ fịị sughuḅobẹm, kụ́ma nḅọ ḅọ́rọ́ Tẹ́mẹ́ ma ḅụ dipi dipi nḅọ anị ḅụ ḅọ́rọ́ gbámásó duma sughuḅobẹm.

Ẹ́fịsọsapụ 4:22

Anịgosi ọmịnị ọmịna olom ḅụ ma wáriso, mịẹsị ọ duma kọọarị ḅara pa duma kọọ nyẹ. Mịị olom ḅụ ma guluguluma nyẹ, anịị anị oḅori pa kị́nị́ sị pụghọ tarị nyẹ ma.

Ẹ́fịsọsapụ 5:12

Anị opuma ḅụgịrịrịmam bịpị ḅụ dugho Tamuno nímighaapụ ma mịẹarịnyẹ ḅọghu angaá ḅụ.

Ẹ́fịsọsapụ 5:7

Anịgo, ọkọ fịnị túminị́ na mịẹgbólóma nyẹ nyáná ma.

Kolosiapụ 1:12

Bieḅẹlẹ ḅụ ịmịẹḅam pa Daḅọ ma pịrị mịẹḅọ sị o diekiri nyána Tamuno kokowarị ori tọ́ntọ́apụ pịrị ilanyẹ, baá amadakiri ma ḅụ.

1 Tẹsalonaikaapụ 5:7

Dii bie anịị túminị́ múno múnonyẹ; dii bie anịị túminị́ iru ḅụ tọ́rụ́ḅáma ḅáma nyẹ.

2 Tẹsalonaikaapụ 3:14

Jẹ́apụ ine imibẹm anị ngá mini wa pa fịrịmaarị oku ma osiibịghaapụ. Ọmịnị ọ ḅụ ẹbị anị túminị́ ma fịnị angaá ọ pịghị nnị na mịẹgbólóma nyẹ nyánáma, sị n ḅụ́gịrịrị ḅẹ́ ḅara.

2 Tẹsalonaikaapụ 3:6

Wámịna Daa awọ, wa Wámịna Nyánáḅọ Jizọs Krais ẹrẹ ḅụ kụ́rọ́ma dugho ọ pịrịarị ḅẹẹ ọ ḅụ fóofóo ma mini nna ḅara pa fịrịnwangị dọghụghaapụ fịnị angaá na pịghị wa pa n pịrị againma ma duaghaapụ fịnị angaá.

1 Timoti 5:20

Kị́nị́mamgba tórúku igani siinyẹ mịẹapụ pịrị sị kọọapụ anị ḅụ ḅọ́rọ́ ḅáláfaa.

1 Timoti 5:22

Mangị pa nyẹ mịẹma, anịị ḅara pa kị́nị́ sịbị gbánā ḅụ ị n ḅo sághị Kị́nị́nyánáḅọ fịrị ma pịrịarị sáá. Diekiri nyáná ma jẹ́apụ siiamịẹnyẹ ḅụ; ịḅụ kpainma wárii.

1 Timoti 6:5

pịghị sámámgba nna tẹ́mẹ́bie ịlọlịapụ na ḅẹrẹ kpángịrị, mịnị tọ́ntọ́ ẹ́gẹ́rẹ́ ma karakárá nyánágháapụ. Nnị kórómaarị ḅẹ́ Tamuno nimi ma anịị ḅọ́rọ́ igbii nyána asọ.

2 Timoti 3:5

Tamuno kịkama duma nyáná kụ́ma ori kụ́rọ ma pighi. Nnị na ḅẹnyẹ ḅẹnyẹ nyáná ma.

2 Timoti 4:2

oku ma dugho wásáma, arịị ḅẹ́ ị anị dugho wásámaarị sáá ma karakárá o karakáragha o mịẹsị nnị akanyaḅo, iganịị pịghị nna tẹ́mẹ́ mịẹ kụ́rọ́maá, ị pịghị ngịrịma ḅara pa nyẹ́diearị ḅara.

Taitọs 2:15

Mịnanyẹ ma die, ị́yẹ́ sịbịdaa kụ́rọ ma pa n tẹ́mẹ́ kụrọma pịghị igani ị naarịapụ pịrị. Minima gbẹ́rẹ́ḅọ so idighisima.

Puu Findi 18:4

Anịsáa a jẹ́ pụghọ naam sobie, dughoarị nyẹ ḅẹẹ, <<Ọ págháḅo, ịyẹa túminị́! Ọmịnị a bie sághị págháḅo! O diekiri nyánábịgha árị siiamịẹnyẹ ḅụ; A daa bẹ fomḅara ḅụ sọ ọ dienyẹ nyánábịgha ḅara!