Ẹ́fịsọsapụ 4:32 - Ibani New Testament

³² Anịmanakaragha ọmịnị ibitẹ́mẹ́ na lolomakúkúbie nyáná jụghọ jụghọ pịrị, o sii wáriso jụghọ jụghọ pịrị, Tamuno Krais ḅụ ḅọ́rọ́ sii wáriso ọ pịrị ḅara.

Ẹ́fịsọsapụ 4:32 ပူးပေါင်းရင်းမြစ်များ

Matiu 6:12

Wámịna sii ḅụ ḅárási wa pịrị wamịnị sọ sii wáriso siinyẹ pa wa mịẹapụ pịrịmaá ḅara.

Ibi Oku Ma Mak Anị Gịẹ Ḅara 11:25

Ị sẹ́fịnị sị tẹ́ghẹ́arị sáá, tumḅọ pa ị mịẹ siiamịẹnyẹ gonyẹ́ gonyẹ́ sii wáriso n ḅọ pịrị, ị́yẹ́ sobie Daḅọ so ị́yẹ́ sii wáriso i pịrịbẹ ḅara.>>

Ibi Oku Ma Luk Anị Gịẹ Ḅara 1:78

Wamịna Tamuno ori lolomakúkúbie ḅụ ḅọ́rọ́ dụaḅọ́rọ́maḅọ pa wa pịrịbẹm, sọ́ḅọ́rọ́ sobie sághị kóróḅo baá, wamịna ọ́gọ́nọ biarị

Ibi Oku Ma Luk Anị Gịẹ Ḅara 11:4

Wamịna sii ḅụ ḅárási wa pịrị. Wamịnị sọ siiḅụḅarasi siinyẹ pa wa mịẹapụ pịrịarị ḅara. Wa daa pa daádighi bie suama.> >>

Ibi Oku Ma Luk Anị Gịẹ Ḅara 17:4

Ọ ḅọ́rọ́ gbẹ́rẹ́ éné bie sọ́nọ́ma sa pa siinyẹ pa ị mịẹmịẹ, ọ pịghị mị siiamịẹnyẹ ma miẹsa gonyẹ́ gonyẹ́ ori ị dámáḅoarị sị ḅẹẹ, >>

Ibi Oku Ma Luk Anị Gịẹ Ḅara 6:35

Kụ́ma ị́yẹ́ iruonaapụ ḅẹlẹma, ibinyẹ mịẹ n pịrị, igbii pa n ḅọlọ, tọ́rụ́ pa ị́ n ḅarabie nyáná ḅo ḅẹnyẹ dighigha pa. Anịsáa, anịị ọmịnị opu gbẹ́ẹnyẹ nyáná bẹnyẹ ọ pịghị sóghólóḅa Tamuno awọ ma sọọ bẹnyẹ tegó ọ ḅẹlẹma nyáná, nyẹ tọ́rụ́ sọghaapụ ma pịrịm na pịghị sii túminị́ na.

Ibi Oku Ma Luk Anị Gịẹ Ḅara 6:37

<

Fịrị Ḅara 28:2

Ánị ngá fịnị túminị́ ma opu ḅẹlẹma pa wa diem. Iti saghị kórómam, éné ma sọ́ pịghị oḅuum, nnị warị fịnị tọnọ wa pịrị sị wa timi.

Romapụ 12:10

Ọ mịnaapụ ḅara pa jụghọ jụghọ ḅẹlẹma, osigha pa jụghọ jụghọ pịrị ọ́ ḅụ nẹ́ngịma.

1 Kọrịntịapụ 13:4

Ḅẹlẹma nyánáḅọ ngịrịma nyánam, anị pịghị kị́nị́ balam, anị kị́nị́ nyẹ mọnịghaa, anịgha ḅụ sághị sóghólóma anịgha bịpịkpọ.

2 Kọrịntịapụ 2:10

Ọmịnị siiḅụḅarasi siinyẹ pa ọmieapụ pịrị sa, irịsọ pịghị siiḅụḅárasi n pịrịm. Ḅọ́rọ́ karakáráma, a siiḅụḅarasi ḅẹnyẹ ḅẹnyẹ pịrịm, a anị mịẹarị Krais tórúku ọmịna sịbị gosi.

2 Kọrịntịapụ 2:7

Ḅẹ́ mị́sa, o siiḅụḅárasi ọ pịrị sị ọ tẹ́mẹ́ mịẹ kụ́rọ́ma sị opu tẹ́mẹ́sii gbẹ́rẹ́sa o dighiákị so bigha ḅara.

2 Kọrịntịapụ 6:6

Wa wámịna ḅụ fiafiama ḅụ ḅọ́rọ́ wámịna níminyẹ, ngịrịma na ibiamịẹnyẹ wa wámịna ḅụ diemam ḅẹẹ wamịnị Tamuno fịrịnwangịapụ Tamuno Tọ́ntọ́ Tẹ́mẹ́ ma ḅụ ḅọ́rọ́ pịghị wámịna karakárá ḅẹlẹma,

Ẹ́fịsọsapụ 5:1

Ọmịnị kọkọ Tamuno kpọma ḅẹlẹma awọ anịgo ọmịnị ọ daa nyẹ mịẹ.

Jems 5:11

Wamịnị n karịibimaapụ pa n siim nnị ingịrịma nyánam gosi, ọ kọkọ Jobu ingịrịma gbolomanyẹ naamá, ọ kọkọ pịghị nimi Tamuno sua ọ pịrị ḅara kunema ma ḅụ. Ḅẹ́ Kị́nị́nyánáḅọ ma tọ́rụ́kụrụkụ́rụ́ na lolomakúkúbie ọ ḅụ bim.

2 Pita 1:7

Tamuno dighi ḅáláfaa ḅụ, ibitẹ́mẹ́ nyáná mịnaapụ pịrịị, ibitẹ́mẹ́ nyáná mịnaapụ pịrị ḅụ ḅẹlẹma pa anị ḅụ sua.

1 Jọn 1:9

Wa ḅọ́rọ́ wámịna sii kịẹ Tamuno pịrị, ori ọrẹ minini nyẹ warịbẹm, pịghị karakárányẹ ma mịẹ, ọ wámịna sii ḅụ ḅárási wa pịrịbẹm pịghị wa sịrị fiafiama wámịna irima fịrị gonyẹ́ gonyẹ́ ḅụ.

1 Jọn 2:12

A gịẹ ọ fịrịmaarị, ị́yẹ́ ibi awọ, tegó nnị ọmịna sii ḅụ ḅárási ọ pịrịmam Krais sịbị gosi.