Ẹ́fịsọsapụ 4:31 - Ibani New Testament

³¹ Tẹ́mẹ́ ákụ mamgba na, owi tẹ́mẹ́ na igani gonyẹ́ gonyẹ́ ḅụ ọmịnị ọmịna ḅụ fófóoma anị ḅụ, ọmịnị ilúghú wirinumo wirima, ọ pịghị jụghọ jụghọ tarịgha duma gonyẹ́ gonyẹ́ wáriso.

Ẹ́fịsọsapụ 4:31 ပူးပေါင်းရင်းမြစ်များ

Fịrị Ḅara 21:30

Galagala warị ama gbọ́rụ́ ma ikelema, túminị́ ma warị gbẹ́rẹ́sa mangị sị Pọl kuu sẹ́ma sị ọ nụ́nụ́ pághámaḅo Tamunoopuwarị ma bie. Anị gbẹ́rẹ́kiri Tamunoopuwarị ma ḅụ́pọ́ gbẹm.

Romapụ 3:14

<>

1 Kọrịntịapụ 14:20

Ị jẹa mininiapụ ọmịnị awọamaapụ kịkama ọmịna kóróma ḅụ, siinyẹ gbolomanyẹ ḅụ ọmịnị awọamaapụ kịka, kụ́ma ọmịna kóróma ḅụ ọ sẹnịapụ dighi.

1 Kọrịntịapụ 5:8

Anịgosi o ḅo wa álálị ma wárị, mịnị olom yisti ma pa anị warịgha anịgha siiamịẹnyẹ na sii sịbịbie nyẹ́gha, kụ́ma fíafía na karakárá fịtúrú yisti bie ófórigha fịtúrú.

2 Kọrịntịapụ 12:20

Ḅáláfa ịḅụ imi ḅẹẹ a aningáa láa bẹ sa a bi ḅara ọmịnị ọkọfịnịbịgha, ọmịnị sọ pịghị dọghụ ḅara a ọkọfịnịbịgha. Ḅáláfa ịḅụ imi, bẹ kam sọ, na jụghọ nyẹ mọnị, na ọfịrị kúkúbie, na ngéré fịị, jẹ́apụ dughosima, na opu ibiamịẹnyẹḅọ na nyẹ mịẹ gálágálá ma, anịị a árị bẹnyẹ.

Galesiaapụ 5:20

susi n kara nyẹ pịrị, diri kọrị, kị́nị́ pa ị́yẹ́ iruonaḅọ mịẹ, kamkoro, jughonyẹ mọnị, owi tẹ́mẹ́, ịḅụ ibi ngéré dọghụ, puama dighi kubiri ogbo, ogbo kaa ḅẹlẹma.

Ẹ́fịsọsapụ 4:22

Anịgosi ọmịnị ọmịna olom ḅụ ma wáriso, mịẹsị ọ duma kọọarị ḅara pa duma kọọ nyẹ. Mịị olom ḅụ ma guluguluma nyẹ, anịị anị oḅori pa kị́nị́ sị pụghọ tarị nyẹ ma.

Ẹ́fịsọsapụ 4:25

Anịgosi, ọmịnị iruo kọma! Ọ́rụ́ḅọ ọ́rụ́ḅọ tụ́manyẹ ma dugho amịna jẹ́ mininiḅọ pịrị tegó wamịnị mamgba, wamịnị gbẹ́rẹ́apụ Krais oju ma ḅụ.

Ẹ́fịsọsapụ 4:26

Ḅọ́rọ́ ḅẹ́ ị́ igani igani, minima sị igani ma i suma siinyẹ bie suu, pịghị minima anị i nana fịnị énédima.

Kolosiapụ 3:19

Deeapụ ọmịnị ọmịna taapụ ḅẹlẹma si kụrọ ḅara pa nnị na ngaa ma.

Kolosiapụ 3:8

Kụ́ma ọmịnị mị́sa mịnanyẹ mamgba ḅụ, ḅụ sií, mịnanyẹ ma anịị, bieoḅu, opu bieoḅu, sitẹ́mẹ́ nyáná jụghọ pịrị, kị́nị́ dughosima na ọmịna ịlọ́lị ẹ́gẹ́rẹ́kọọ.

1 Timoti 3:11

Nna taapụ sọ anịị túminị́ osigha pa pịrị na ḅụ́gbẹ́ ẹ́rẹ́, nnị jẹ́apụ pa ẹ́gẹ́rẹ́bịgha; tọ́rụ́ diinapụ, túminị́ pịghị nna ḅụ biegbana nyánam nyẹ gonyẹ́ gonyẹ́ ḅụ.

1 Timoti 3:3

N ḅo iru ḅuu tọ́rụ́ ḅámábịgha, owitẹ́mẹ́bie pa nyẹ́ mịẹgha, kụ́ma tẹ́mẹ́ ọfịrịgha tumḅọ, kamsọsọghaḅọ; ori igbii ḅẹ́lẹ́mabịgha;

1 Timoti 5:13

Nnị mịnị ḅụ pa fịrị ḅụ suu dọghụgha ḅara ma, nnị ikelekelearị wárị wárị muarị; kụ́ma pịghị anị ḅụ siḅaá nyẹ, n saghị kị́nị́ pa ẹ́gẹ́rẹ́apụ sọbẹm na pịghị tọ́rụ́ pa jẹ́apụ nyẹ bie suuapụ, nnị ẹ́gẹ́rẹ́kọọ na ibighaa nyẹ ḅụ ẹ́gẹ́rẹ́kọọ.

2 Timoti 2:23

Ịḅụ si akị oḅoriapụ na nyẹ́nimighaapụ nụná nyẹ ḅụ; i kọkọ nimi ḅẹ anị kunema anịị kam sọọ.

2 Timoti 3:3

ḅẹlẹma bie ofori, siiḅụ́ḅárasipịrịdigha, kị́nị́ dughosima, ine ḅụ ọlọgha pa, nyẹ́ sima, ibinyẹ ḅẹlẹmagha,

Taitọs 1:7

Tamuno kubiri ogbo sịbịdáḅọ anịị Tamuno fịrị ma ḅara fịnịḅọ, ori ma anịị bịpị ḅụ lánaibighaḅọ, opuamịẹnyẹ tumḅọgha, owi tẹ́mẹ́ nyánágha, iru ḅụ tọ́rụ́ḅamaghaḅọ, ama owu ḅẹ́lẹ́maghaḅọ anịgha igbii pụghọ nyánághaḅọ.

Taitọs 2:3

Anị gbẹ́rẹ́ ḅara ma dugho sẹnị ẹ́rẹ́ámáapụ ma pịrị ḅẹ́ nnị nna ḅụ pa tọ́ntọ́ ḅụ warị ẹ́rẹ́ámáapụ duma kọọ na ibiḅara, n kị́nị́ dughosima ma anịgha omoni sọ iru pịrị kụ́ma nnị ibi nyẹ pa jẹ́apụ die.

Jems 1:19

Ọ mịma pa biekóróma ị́yẹ́ ibi mịnaapụ! Ibim ḅẹ́ kị́nị́mamgba álála nyẹ náa, kụ́ma álála ẹ́gẹ́rẹ́gha, pịghị álála bieoḅugha.

Jems 3:14

Ḅọ́rọ́ i tẹ́mẹ́bie i nyẹ́mọnịarị, pịghị ákụ nyáná pịghị ịḅụ ịḅụ nimi, epele ti karakárá ma sịbị sẹ ma ḅẹ́, ị opu nyẹ́nimim.

Jems 4:11

O jụghọ jụghọ dughosima ma, ịyẹa mịnaapụ, ḅọ́rọ́ o jụghọ jụghọ dughosima anịgha ḅẹ́rẹ́kọ jẹ́ Krais duaarị mị́naḅọ pịrị, ọmịnị ólóghó ma dughosimaarị pịghị ḅẹ́rẹ́kọ ólóghó ma pịrịarị. Ịrị mịnị ólóghó ma koko ḅogha, kụ́ma ḅẹ́rẹ́kọ ólóghó ma pịrịarịḅọ.

1 Pita 2:1

Tọ́rụ́kịrịkị́rị́ siiamịẹnyẹ gonyẹ́ gonyẹ́ pa angaá ḅọ́rọ́, mịnị epele ti ma anịgha mmẹẹ́ tọ́rụ agidi duma kọọ anịgha jughonyẹ mọnị anịgha wirinumo ẹ́gẹ́rẹ́kọọ.

1 Jọn 3:12

Wa Keni fịnị ḅára fịnịbịgha; ori sii tumḅọ ma nyẹẹ, ori o numboru Ebẹl fomḅam. O tegó o fomḅáa? Tegó ori amịẹnyẹ karakáragha gosi kụ́ma o numboru owitụ́wọ mịẹnyẹ karakáram.

1 Jọn 3:15

Amịna mị́naḅọ tarịghaḅọ gonyẹ́ gonyẹ́ anịḅọ ma kị́nị́ ḅá ḅáḅọ, ọ pịghị nimim ḅẹ́ kị́nị́ ḅá ḅáḅọ duma gbámásó nyanagha nḅọ duma bie.

Puu Findi 12:10

Anịsáa a warị sobie opu pụghọ náa dughoarị nyẹ ḅẹẹ, <