Ẹ́fịsọsapụ 4:28 - Ibani New Testament

²⁸ Furuarịḅọ fịnịfịnị, n ḅo mịnị fúrú ma, kụ́ma amịna ḅara pa ibifịrị nwángị pa amịna ḅụ pịrị pịghị ine ḅárásua igonyiapụ pịrị.

Ẹ́fịsọsapụ 4:28 ပူးပေါင်းရင်းမြစ်များ

Ibi Oku Ma Luk Anị Gịẹ Ḅara 19:8

Zakịosị warị saghị sẹ, sị Kị́nị́nyánáḅọ ma ḅẹẹ, <>

Ibi Oku Ma Luk Anị Gịẹ Ḅara 3:8

Nyẹ mịẹ, diebẹnyẹ ḅẹẹ, ọmịna sii ḅụ ọ pịghịmam, ọmịnị pịghị sághị dugho ma ọmịna ogboku bie ḅẹ́ Ebraham anịị ọmịna tádóḅọ. A dugho ọ pịrịm ḅẹẹ Tamuno ine mị mgbọ́lụ ma ḅụ túminị́ tẹ́mẹ́bẹm sị nnị Ebraham furoawọ sọọ.

Ibi Oku Ma Jọn Anị Gịẹ Ḅara 12:6

Ọ mịma dughogha ḅẹ́ ori igonyiapụ ma balam, kụ́ma ori fúrúḅọ gosi. Ori igbii akpa ma dighiarịḅọ ẹrẹ́sị, sa ḅụ akị muu sa láa ọ kálá igbii nyẹ ákịkịm pa ḅárásua ọ ḅụ pịrị.

Ibi Oku Ma Jọn Anị Gịẹ Ḅara 13:29

Judas ori igbii koko ḅọ gosi, jẹ́apụ kórómam ḅẹẹ Jizọs ọ ḅẹarị ḅẹ́ o muu fị na ḅụ na ma ḅụ n binyẹ fẹ, anịgha nyẹ pa igonyiapụ pịrị.

Romapụ 12:13

Ị nyánányẹ pa nyẹ́ḅụ kụ́rọ mịnaapụ ma na die, pịghị ḅụ́pọ́ findi igoniapụ pịrị.

1 Kọrịntịapụ 4:12

Wa wámịna ḅara pa ịnyọsua fịrị nwángịm. Nnị nyẹ karị wa pịrị sáá, wamịnị n karịibimam; nnị wa pa tọ́rụ́siarị ma sáá, wa ngịrịma nyánam;

2 Kọrịntịapụ 8:12

Anị ḅọ́rọ́ ọ́taárịarị ḅẹẹ ọ nyẹ pịrị, Tamuno ọmịna pịrịnyẹ ma daákịbẹm, ọmịnị nyáná sị pịrị bi ḅara, ọ nyanagha nyẹ ḅụghaa.

2 Kọrịntịapụ 8:2

Nnị tụ́ma daádighi arịm, nnị n pa tulu ḅọ́rọ́ ḅụḅáláḅálá gosi, kụ́ma nna bieḅẹlẹ nna ḅụ nẹngịm mịẹsị nnị nna nyánányẹ pịrịm balagha ḅara ḅụ, karakárányẹ ḅẹẹ nnị siminiapụ.

Galesiaapụ 6:10

Anịgosi wa asọ nyáná sa gonyẹ́ gonyẹ́ wa ibinyẹ mịẹ kị́nị́mamgba pịrị, ẹ́rẹ́soma Krais ḅụ mininiapụ ma.

1 Timoti 6:18

Kụ́rọ ḅara pa dugho n pịrị ḅẹ́ nnị ibi nyẹ mịẹ, nnị opuma ibifịrị nwángị, n ḅara findi wásáma, sámámgba n tẹ́lẹ́ma jẹ́apụ na nyẹ die ḅụ.

Taitọs 3:14

Wámịna mịnaapụ Krete ḅụ fịnị mininiapụ ma ibifịrị nwángị ma pa nna mịẹmịẹnyẹ mịẹ, nnị ine éné éné ḅụ npalịma nyẹ nyáná nna ḅụ pịrịbẹ ḅara. Nnị sọ́nyẹ bie ofori duma kọọma.

Taitọs 3:8

Mịị karakárá dughonyẹ, a bim ḅẹ́ ọmịnị anị dugho, anị dugho ḅarị, sị Tamuno ma ḅụ mininimáapụ nimi bẹ ḅara sị nnị nna sa fama ibifịrị nwángị bẹ ḅara. Mịnanyẹ ma opuma ibim, anị pịghị sọ́nyẹ sọ kị́nị́mamgba pịrịbẹm.