Ẹ́fịsọsapụ 4:25 - Ibani New Testament

²⁵ Anịgosi, ọmịnị iruo kọma! Ọ́rụ́ḅọ ọ́rụ́ḅọ tụ́manyẹ ma dugho amịna jẹ́ mininiḅọ pịrị tegó wamịnị mamgba, wamịnị gbẹ́rẹ́apụ Krais oju ma ḅụ.

Ẹ́fịsọsapụ 4:25 ပူးပေါင်းရင်းမြစ်များ

Ibi Oku Ma Jọn Anị Gịẹ Ḅara 8:44

Ọmịnị anịị ọmịna daá ẹ́kpẹ́dua awọ, ọ pịghị ọmịna daa binyẹ mịẹ dọ́ghụm. Parị sáá éné éné ori anịị kị́nị́ ḅá ḅáḅọ, karakárá ma ọlọgha pa, gbẹ́rẹ́ karakárá sọ ọ ḅụbie ofori. Ori iruonyẹ dughoarị sáá ori ọrẹ ama bịpị fiearị, ori anịị iruonyẹ dugho dugho ḅọ pịghị iruonyẹ ma daḅọ.

Romapụ 12:5

Anị gbẹ́rẹ́ ḅara ma, karakárányẹ ḅẹẹ, wamịnị mánámánáapụ, kụ́ma wamịnị gbẹ́rẹ́ ḅụ ḅụ imii Krais bie, wa jụghọ jụghọ na ḅolom, gbẹ́rẹ́ oju ma mụmbụ mụmbụ ḅụ.

1 Kọrịntịapụ 10:17

Gbẹ́rẹ́ fịtúrú kpo ma imi gosi, wamịnị kị́nị́mamgba karakárányẹ ḅẹẹ wa dụḅam wamịnị gbẹ́rẹ́ oju, wamịnị kị́nị́mamgba gbẹ́rẹ́ fịtúrú ma diem.

2 Kọrịntịapụ 7:14

A i pa bịpịkpọ ọ pịrịm, ị pịghị ḅụgịrịrịmaghaa. Sámámgba wa karakárá ma dugho ọ pịrịmam, anị gbẹ́rẹ́ ḅara ma, wámịna bịpịkpọ Taitọs tórúku ḅo karakárányẹ sọmam.

Ẹ́fịsọsapụ 4:15

Anịmanakaragha wa tụ́manyẹ ma dugho ḅẹlẹma ḅụ, wamịnị ine sẹ́nị sị mú Krais ḅụ káara, ori ma anịị sịbịdaḅọ ma.

Ẹ́fịsọsapụ 4:22

Anịgosi ọmịnị ọmịna olom ḅụ ma wáriso, mịẹsị ọ duma kọọarị ḅara pa duma kọọ nyẹ. Mịị olom ḅụ ma guluguluma nyẹ, anịị anị oḅori pa kị́nị́ sị pụghọ tarị nyẹ ma.

Ẹ́fịsọsapụ 4:31

Tẹ́mẹ́ ákụ mamgba na, owi tẹ́mẹ́ na igani gonyẹ́ gonyẹ́ ḅụ ọmịnị ọmịna ḅụ fófóoma anị ḅụ, ọmịnị ilúghú wirinumo wirima, ọ pịghị jụghọ jụghọ tarịgha duma gonyẹ́ gonyẹ́ wáriso.

Ẹ́fịsọsapụ 5:30

Wamịnị anị ori oju ma ḅụ gbẹ́rẹ́apụ.

Kolosiapụ 3:8

Kụ́ma ọmịnị mị́sa mịnanyẹ mamgba ḅụ, ḅụ sií, mịnanyẹ ma anịị, bieoḅu, opu bieoḅu, sitẹ́mẹ́ nyáná jụghọ pịrị, kị́nị́ dughosima na ọmịna ịlọ́lị ẹ́gẹ́rẹ́kọọ.

Kolosiapụ 3:9

Iruo ẹ́gẹ́rẹ́kọọ jụghọ jụghọ pịrịma ọmịnị ọlọm oju ma na anị mịẹ mịẹnyẹ sịghịmáa ḅara ma,

1 Timoti 1:10

ọ sua pa yáakuu ḅụ ofori nwángị kọọarịapụ, amịna jẹ́ owiapụ na munoarịapụ, kịnịfuru igbii daapụ, iruo nyẹ́dughoapụ na nyẹ́karịfị si iruonyẹ dughoapụ na pịghị Tamuno karakárá dienyẹ ma na kuraghaa nyẹ mịẹarịapụ pịrịm.

1 Timoti 4:2

Ọkọfịnị nyẹ́die ma dugho wásámáarịapụ anịị mmẹẹ́ a tọ́rụ́ agidi epeletiapụ, nna tẹ́mẹ́bie fịịmam sọ ḅọ́rọ́ nnị ọfịrị ikúlélu pa dọ́ghụ́ma nyẹ.

Taitọs 1:12

Nna ikiakoroapụ ma ḅụ gbẹ́rẹ́ḅọ dughom ḅẹ́, <> Sịbị kụrọ pirinama fịnị ḅárá anịị n fịnị ḅára, fịrị ịnyọ nyanagha opufịnyẹ fị́fị́apụ.

Taitọs 1:2

mịị karakárá ma ḅụ ḅọ́rọ́ túminị́ tọ́rụ́ dighinyẹ nyánam gbámásó duma nyáná ḅụ, Tamuno ine epeletibịghaḅọ ma mị duma minini wa pịrịm tuminikiri na saghịgha sa,

Hiburuapụ 12:1

Wamịnị, wa mị tọgha túminị́ nyanam, wa gbiri ikelekelé si onyẹ́sẹ wa pịrịapụ, anịgo anị ibim ḅẹẹ wa pa ngása, warịị wa pụ́nụ́marịnyẹ gonyẹ́ gonyẹ́ na pịghị wa fángálámaarị sii ma, sị wa pịghị ingịrịma nyána si wámịnị ine kụ́rọ́ma si wámịna tórúku fịnị mangị ma mangịị.

Jems 1:21

Anịgo ọmịnị ọ ḅụ sighima ịlọ́lị duma na siiamịẹnyẹ gonyẹ́ gonyẹ́ ḅụ. Ọmịnị ọmịna ḅụ pa Tamuno bie suu, sị ọ pa ọmịna tẹ́mẹ́bie sua ẹ́gẹ́rẹ́ ma daakị, anịma anịị ine dụaḅọ́rọ́ma pa ọ pịrịbẹnyẹ.

1 Pita 2:1

Tọ́rụ́kịrịkị́rị́ siiamịẹnyẹ gonyẹ́ gonyẹ́ pa angaá ḅọ́rọ́, mịnị epele ti ma anịgha mmẹẹ́ tọ́rụ agidi duma kọọ anịgha jughonyẹ mọnị anịgha wirinumo ẹ́gẹ́rẹ́kọọ.

Puu Findi 21:8

Kụ́ma ḅáláfaapụ, mininighaapụ, pilemaapụ, kị́nị́ ḅáapụ, yáakuu ḅụ ofori nwángị kọọarịapụ, tọ́rụ́kịrịkị́rị́ dirikọ́rịapụ, susi n kárányẹ pịrịrịarịapụ, na iruonyẹ dughoapụ mamgba nna fịnị yọ anịị ọpọlịḅuruma pa dọghụarị kọrịfịnị ésiḅe ma, anịị mmẹẹ́ kárámá fịị ma.>>

Puu Findi 22:15

Kụ́ma nụ́ngọbie anịị obiri na pịghị tọ́rụ́kịrịkị́rị́ egberi ikiakoroapụ, yáakuu ḅụ ofori nwángị kọọapụ, susi n kárányẹ pịrịarịapụ na pịghị iruonyẹ ḅẹlẹmaapụ ẹ́gẹ́rẹ́ ḅụ na pịghị mịẹnyẹ ḅụ.