Ẹ́fịsọsapụ 4:24 - Ibani New Testament

²⁴ ọmịnị ịwọ ḅụ ma suabẹm n Tamuno kịkama sị tẹ́mẹ́nyẹ, anị ḅụ diearịnyẹ karakárá duma ḅụ ibiamịẹnyẹ ḅụ na pịghị tọ́ntọ́ ḅụ.

Ẹ́fịsọsapụ 4:24 ပူးပေါင်းရင်းမြစ်များ

Ibi Oku Ma Luk Anị Gịẹ Ḅara 1:75

Tọ́ntọ́ na pịghị karakárá mịẹnyẹ ḅụ fịnị ọ tórúku wámịna duma éné mamgba.

Ibi Oku Ma Jọn Anị Gịẹ Ḅara 17:17

Nnị fófóoma ị́yẹ́ fịrị ma pịrị karakáráma ḅụ ḅọ́rọ́; ị́yẹ́ ẹ́gẹ́rẹ́ ma anịị karakárá.

Romapụ 12:2

Mịnị tuminikiriapụ dua nnị nyẹ mịẹmịẹ ḅara pa nyẹ mịẹma, kụ́ma wárịso Tamuno biebẹ ọ dima, anịị káara ḅara pa ọmịna kúkúbie dima. Anịsa, o nimibẹm Tamuno ma tọ́nyẹ, ibi nyẹẹ, ọḅụ ḅẹ́lẹ́nyẹ pịghị kpain nyẹ.

Romapụ 13:12

Díi ma ḅọlọ ju lámam, énéḅa ḅárákúu imi, anịgo o ḅo wa kánákáná fịrị ma pa angaá ḅọ́rọ́ma sị warị baá ọ́mụ́gbinyẹ ma ákị sua.

Romapụ 13:14

Tụ́ma bịtẹ sua ḅara Kị́nị́nyánáḅọ Jizọs Krais ma sua si mịnị sịbịbie kiẹma ị ḅara warị ojumẹnị ma biiarị siinyẹ pa anị pịrịbẹ ḅara.

Romapụ 6:4

Wamịnị mingi sára ḅụ ḅọ́rọ́ nnị wamịnị na ori na dipi gbolomam wa pịghị ori na fịịm, anịgosi Daḅọ ma Krais saghịma ḅara ori ḅụ́gbérépuma kụ́rọ ḅụ, wamịnị sọ anị ḅara pa ịwọ duma kọbẹm.

Romapụ 7:6

Mị́sa, anị fịnị ḅara, ólóghó ma ḅárabie wa pághámaḅomam, tegó wa fịị parị ịkóli pa wa suanyẹ ma pịrịmam. Anịgosi wamịnị olom asọ ma duagha n gịẹ kóróma ólóghó ma bịpịsụ́ụ́ angaá, kụ́ma wamịnị ịwọ asọ ma duam Tẹ́mẹ́ ma bịpịsụ́ụ́ angaá.

Romapụ 8:29

Tamuno sẹlẹakịmaapụ ma, ọ pịghị n fófóoma wárim sị n ḅo ọ Tụwọ fịnị ḅara fịnịị, o Tụ́wọ ma parị nnị yiiḅọ sọ bẹ ḅara tọgha mịnaapụ ogboku.

1 Kọrịntịapụ 15:53

Ḅụrụ́ bẹ oju ma ḅụrụbịghaa oju suabẹm, n pịghị fịị bẹnyẹ ma dima fịịbịgha nyẹ ḅụ suabẹm.

2 Kọrịntịapụ 3:18

Wamịnị kị́nị́mamgba tórúku gbẹ́gha pa Kị́nị́nyánáḅọ ipine ma arịm anị bia wámịna tọ́rụ́bie sọọ ḅara, wa pịghị dima dima si pịghị okịkaarị ḅara, sámámgba ḅụ sẹnịarị ipine Kị́nị́nyánáḅọ ḅara saghị ḅo nyẹ ori anịị Tẹ́mẹ́ ma.

2 Kọrịntịapụ 4:16

Mịma go anị wámịna tẹ́mẹ́bie kụrọmagha sọ, wamịnị ọkọ minighaa, karakárányẹ ḅẹẹ wámịna ojumẹnị kẹ́lẹ́kẹlẹ ḅụrụarị, kụ́ma wámịna tẹ́mẹ́bie duma ma anịị ene gbọrụ gbọrụ ḅụ nnị anị mịẹ iwomaarị.

2 Kọrịntịapụ 5:17

Anịgosi, Krais na gbẹ́rẹ́nyẹ mịẹḅọ gonyẹ́ gonyẹ́, n ḅọ ịwọma nnị tẹ́mẹ́ḅọ sọmam olom nyẹ ma somam, iwọnyẹ ma ḅomam.

Galesiaapụ 3:27

Ọmịnị kị́nị́mamgba o mingi saramam sị o Krais na gbẹ́rẹ́ ḅụ ḅụ fịnị, mị́sa n Krais duma pa ọ́ suamam sọ́ḅọ́rọ́ ọmịna suabịtẹ.

Galesiaapụ 6:15

Mị́sa kịrịnyẹ oforii anị ḅụ, wamịnị tọ́ngọ pẹ́lẹ́ na anịgha wamịnị tọ́ngọ̄ pẹ́lẹ́gha na, nyẹ ḅụ sọọ nyẹ anị ḅẹ́ nnị ịwọma tumḅọ tẹ́mẹ́mam.

Ẹ́fịsọsapụ 2:10

Wamịnị anịị Tamuno ḅárafịrị, Krais Jizọs bie n tẹ́mẹ́apụ ibifịrị gosi, Tamuno tẹ́lẹ́ma maá nyẹ ḅẹ́ wamịnị anị mịẹ.

Ẹ́fịsọsapụ 2:15

O Juuapụ ologho ma kúnémam na pịghị anị dighi túminị́ mịẹbẹnyẹ na n mịẹbịgha nyẹ, sị ori mmẹẹ́ túminị́ ọrụ ma ḅụ ọ gbẹ́rẹ́ ịwọ túminị́ mịẹ ọ nana gbẹ́rẹ́nyẹ mịẹapụ, mị ḅara ma diin mịẹ.

Ẹ́fịsọsapụ 6:11

Tamuno pa ọ pịrị ọ́mụ́gbinyẹ mamgba sua kárámá ọmịnị ine sẹ kụ́rọ bẹ ḅara ẹ́kpẹ́dua ori epele ma ti bẹ sáá.

Taitọs 2:14

Ori ọḅụ pa wa pịrịm sị ori wa duapághámaḅoo bẹ ḅara siiamịẹnyẹ gonyẹ́ gonyẹ́ ḅụ sị mịẹsị wa fíafía, fịnị ori ngéré pịrị túminị́, sị sámámgba dọghụarị ḅẹ́ wa ibifịrị nwángị.

Hiburuapụ 1:8

Kụ́ma ọ Tụwọ gbolomanyẹ Tamuno ḅẹm, <

Hiburuapụ 12:14

Ḅụ́kọ́rọ́ma diin pa kị́nị́mamgba na fịnị pịghị ḅụ́kọ́rọ́ma tọ́ntọ́ duma kọọ mịma ofori, gbẹ́rẹ́ḅọ sọ ine Kị́nị́nyánáḅọ arịbịgha.

1 Pita 2:2

Ọmịnị nnị ịwọma yii awọ fịnị ḅara fịnị, sámámgba karakárá tẹ́mẹ́ju ndomingi ma ọ pụghọ tarị, tegó ọmịnị anị ḅụarị sáá ọmịnị ine sẹ́nị págháḅobẹm ọmịna dụaḅọ́rọ́ma ḅụ,

2 Pita 1:4

Mịná ipine na mịná ibi ḅụ ḅọ́rọ́, ori ọmịnị wa pịrị opuma dụḅa na nyẹ́la dienyẹ ma pa wa pịrịmam. Mịná diepịrịnyẹ ma ḅụ ḅọ́rọ́, ọ tuminikiri bie fịnị sị tuminiḅaarị pụghọ tarịarịnyẹ ma ḅarabie mangị págháḅobẹm, sị ori tọ́ntọ́ duma ma nyáná.