Wa nimim ḅẹ́ wámịna olom ojumẹnị ma nnị anị na Krais ḅaupálịm mgbẹsẹ sị́ ọ́gọ́nọ, sị n siiamịẹnyẹ ojumẹnị ma guluguluma bẹ ḅara, sị anị ḅụ ḅọ́rọ́ wamịnị jẹ́ pa siiamịẹnyẹ ómóniapụ sọbịgha ḅara
Ọ naamam, a pa ngá ḅara a Juuapụ tẹ́ghẹ̄ ma kọọarị sáá, a ọḅụdighigha ḅara pa Krais asọduaapụ ma pa tọ́rụ́siarịma ḅara, a pịghị ị́yẹ́ ịnyọ láa ḅara mịẹm árị ḅẹ́ a Tamuno kubiri ogbo ma gulugulumam.
Ori na gbẹ́rẹ́ ḅụ ḅụ fịnị ḅụ anịị nnị ọmịnị tọ́ngọ̄ pẹ́lẹ́ nyẹ túminị́ ḅara pa pẹ́lẹ́ ngá nyẹ́gha, mịma anịị siiamịẹnyẹ duma ma pẹlẹsii, kụ́ma Krais ọ ḅara pa tọ́ngọ̄ ma pẹ́lẹm.
Wamịnị, wa mị tọgha túminị́ nyanam, wa gbiri ikelekelé si onyẹ́sẹ wa pịrịapụ, anịgo anị ibim ḅẹẹ wa pa ngása, warịị wa pụ́nụ́marịnyẹ gonyẹ́ gonyẹ́ na pịghị wa fángálámaarị sii ma, sị wa pịghị ingịrịma nyána si wámịnị ine kụ́rọ́ma si wámịna tórúku fịnị mangị ma mangịị.
Anịgo ọmịnị ọ ḅụ sighima ịlọ́lị duma na siiamịẹnyẹ gonyẹ́ gonyẹ́ ḅụ. Ọmịnị ọmịna ḅụ pa Tamuno bie suu, sị ọ pa ọmịna tẹ́mẹ́bie sua ẹ́gẹ́rẹ́ ma daakị, anịma anịị ine dụaḅọ́rọ́ma pa ọ pịrịbẹnyẹ.
Ọ nimim ọ sịbị mgbe sáá sị pa ọ dụapághámaḅo ọmịna tádọ́apụ ḅọ́rọ́ma ọ pịrị ofori ofori duma bie. Anị odoḅala anịgha pị́naḅala fịnị ḅara fịnịgha, tumḅọ ine álála sima bẹnyẹ.
Ọ tọgha sa ngumamam ḅọ́rọ́maa sa, ọ Tamuno nímighaapụ ma dua n mịẹarịnyẹ mịẹ sa, ọmịnị ọmịna duma famam, ḅụ ọlọgha ámánwángị, kuraghaa nyẹ pụghọ tarị, iru ḅụ tọ́rụ́ḅáma, fị na ḅụ bieḅẹlẹ, iru ḅụ ti kóróma, pịghị oḅori pa kị́nị́ sị, opuma ḅụ pa n kara tamuno tẹ́ghẹ̄ pịrị.
Nnị dighiḅọ tọ́rụ́siarị ma pịghị tọ́rụ́siarị pa n gbẹ́bẹm. Nna ḅụ, tuminikiri tọ́rụ́ ḅẹlẹ anịị nna ojumẹnị tarị nyẹ gonyẹ́ gonyẹ́ pa anị pịrị kị́nị́mamgba tórúku n ḅara sụụma ọ nana nyẹ́fịarị sa n ḅụ́gịrịrị na kpọti dighiḅọ ọ pịrịm. Sámámgba nnị oḅori pa kị́nị́ si asọ n ḅụ ḅẹlẹarị.