Ẹ́fịsọsapụ 4:16 - Ibani New Testament

¹⁶ O sughubie anịị ojumẹnị mpara mamgba ḅụ fịnịnyẹ ḅọ́rọ́ ḅo gbẹ́rẹ́nyẹ mịẹnyẹ, oju gbọrụ isa mamgba oju gbọrụ ọlọ kobirim. Anịgo gbẹ́rẹ́ ọrụ anị ngá fịrị nwángịarị sáá anị nwángị na ibiḅara, oju gbọrụ mamgba ḅẹlẹma ḅụ nna ḅụ tákubiri sẹnịm.

Ẹ́fịsọsapụ 4:16 ပူးပေါင်းရင်းမြစ်များ

Ibi Oku Ma Jọn Anị Gịẹ Ḅara 15:5

<

Romapụ 12:4

Ọ́rụ́ḅọ ọ́rụ́ḅọ gbẹ́rẹ́ oju nyanam oju ma pịghị mụmbụ mụmbụ nyanam, mụmbụ mụmbụ ma pịghị nna kịrịkị́rị́ fịrị nyanam.

1 Kọrịntịapụ 10:17

Gbẹ́rẹ́ fịtúrú kpo ma imi gosi, wamịnị kị́nị́mamgba karakárányẹ ḅẹẹ wa dụḅam wamịnị gbẹ́rẹ́ oju, wamịnị kị́nị́mamgba gbẹ́rẹ́ fịtúrú ma diem.

1 Kọrịntịapụ 13:13

Mị́sa mịná tẹ́rẹ́anyẹ ma imi: minini, tọ́rụ́ dighinyẹ na ḅẹlẹma, kụ́ma nna ḅụ nyẹ mamgba nẹ́ngị nyẹ anịị ḅẹlẹma.

1 Kọrịntịapụ 8:1

Mị́sa ọ gịẹnyẹ ma gbolomanyẹ anịị nnị pa igwagwaá n kárá tamuno pịrị fị́nyẹ. Karakárányẹ ḅẹẹ, wamịnị kị́nị́mamgba nyẹ́nimim, n dugho ḅara, anị fịnị ḅara ọkọ fịnị níminyẹ mịẹ mịẹm jẹ́apụ sághị opuamịẹnyẹ mịẹ; kụ́ma ḅẹlẹma tumḅọ mịẹm n ḅọ sẹnị.

Galesiaapụ 5:22

Kụ́ma Tẹ́mẹ́ ma pághámaḅoarị sịmgbọlụ anịị, ḅẹlẹma, bieḅẹlẹ, diin, ngịrịma, ibitẹ́mẹ́ nyána jụghọ jụghọ pịrị ibinyẹ, tẹ́mẹ́ gbánā,

Galesiaapụ 5:6

Wa ḅo Krais Jizọs na gbẹ́rẹ́nyẹ mịẹ sáá, tumḅọ tọ́ngọ̄ pẹ́lẹ́ na tumḅọ tọ́ngọ̄ pẹ́lẹ́gha na mịẹnyẹ ofori. Nyẹ ḅụ sọnyẹ anịị minini ḅẹlẹma ḅụ ḅọ́rọ́ anị ḅụ die pághámaarị nyẹ.

Ẹ́fịsọsapụ 1:4

Ḅọlọmaa sáá, Tamuno náa tuminikiri ma tẹ́mẹ́gha sáá, ọ wa sẹ́lẹ́akịm ḅẹ́ wamịnị ori a túminị́ sọọ Krais ḅụ ḅọ́rọ́, ḅẹẹ wa tọ́ntọ́ ḅụ fịnị sị bịpị ḅụ laagha ḅara pa fịnị ọ toruku. Ori ḅẹlẹma gosi

Ẹ́fịsọsapụ 3:17

A pịghị tẹ́ghẹ̄arị ḅẹ́ minini ḅụ ḅọ́rọ́ Krais ọmịna tẹ́mẹ́bie ngábẹm sámámgba. A pa tẹ́ghẹ̄arị ḅẹ́ ọmiẹ bẹnyẹ gonyẹ́ gonyẹ́ ọ ḅẹlẹma ḅụ ḅọ́rọ́ anị mịẹ,

Ẹ́fịsọsapụ 3:7

A ḅo fịrịnwangịḅọ sọọ mị ibi oku ma pịrịm Tamuno pa die i pịrị tọ́rụ́kụrụkụ́rụ́ gosi, ọ pa i pịrịnyẹ ori kụ́rọ nwángịarị fịrị ḅụ ḅọ́rọ́.

Ẹ́fịsọsapụ 4:12

O mịma mịẹm pa Tamuno túminị́ tẹ́lẹ́ma warị pa Krais asọ duarịapụ ma fịrị pịrị, sị nnị ibima Krais oju ma, anịị Tamuno kubiri ogbo ma nama tẹ́lẹ́ma bẹ ḅara,

Ẹ́fịsọsapụ 4:15

Anịmanakaragha wa tụ́manyẹ ma dugho ḅẹlẹma ḅụ, wamịnị ine sẹ́nị sị mú Krais ḅụ káara, ori ma anịị sịbịdaḅọ ma.

Filipaiapụ 1:9

Tẹ́ghẹ̄ anịị a tẹ́ghẹ̄arị nyẹ ḅẹ́ ọmịna ḅẹlẹma sẹ́nị anịị anị sẹ́nịbẹnyẹ, tụ́ma níminyẹ ḅụ na pịghị kpain akanyaḅo ḅụ.

Kolosiapụ 2:19

mịị ḅọ mịnị Krais ọlọ sẹ́magha, anịị oju ma sịbịdáḅọ. Krais ma sughubie oju gbọrụ ma duma nyánáarị n pịghị iko na nda na, na kuromeni ḅụ ḅọ́rọ́ anị ọlọ gboloma, anị warị sẹnị Tamuno bii bii ḅara ḅẹẹ anị senị́ị́.

Kolosiapụ 2:2

A mịma mịẹm sị nnị tẹ́mẹ́kụ́rọ nyáná sị gbẹ́rẹ́ ḅẹlẹma ḅụ fịnị sị nnị ine bii fụ́fụ́ sị káara akanyaḅo nyáná, mị ḅara ma nnị Tamuno ḅọghunyẹ ma nimibẹm, anịị Krais ma ḅụgbọrụ.

1 Tẹsalonaikaapụ 1:3

Wa tẹ́ghẹ̄ Tamuno Daḅọ ma pịrị sa gonyẹ́ gonyẹ́, wamịnị ọ pa biekórómáarị pịghị dugho ọmịnị ọmịna míníni pa fịrị ḅụ sua ḅara. Ọmịna ḅẹlẹma mịẹsị ọmịnị ibima fịrịnwangị ḅara. Na pịghị ọmịna tọ́rụ́dighi Wányánáḅọ Jizọs Krais ḅụ kụ́rọ sẹ ḅara.

1 Tẹsalonaikaapụ 2:13

Jẹ́nyẹ imi wa go sámámgba ịmịẹḅam pa Tamuno ḅẹ́arịnyẹ, wa Tamuno oku ma akuoo ọ pịrị sáá, ọmịnị anị naam pịghị anị daakị, o tumḅọ ḅara ḅo oku pa anị daákịgha kụ́ma Tamuno ḅara saghị ḅo oku, anịị pịghị anịị, ḅẹ́ Tamuno ọmịnị mininiapụ ma duma bie fịrịnwangịarị.

1 Tẹsalonaikaapụ 3:12

Kị́nị́nyánáḅọ ma mịẹsị ọ nyáná jụghọ jụghọ pịrị ḅẹlẹma na ọ nyáná kị́nị́mamgba pịrị ḅẹlẹma opuma sẹnị sị ḅoo wa nyáná ọ pịrị ḅẹlẹma la ḅara láa.

2 Tẹsalonaikaapụ 1:3

Wámịna Daa awọ, sámámgba wamịnị ịmịẹḅam pa Tamuno ḅẹbẹm ọmịna sịbị goo tegó mịma anị karakáram ḅẹẹ wamịnị ọkọọ mịẹ ọmịna minini opuma sẹnịarị gosi ọ nyáná jụghọ jụghọ pịrị ḅẹlẹma sọ pịghị opuma duḅaarị.

1 Timoti 1:5

A mị bịpị ma pịrịm túminị́ ine karakárá kúkúbie ḅụ sághị ḅo ḅẹlẹma pa jụghọ jụghọ ḅẹlẹma bẹ ḅara, fíafía tẹ́mẹ́bie na pịghị karakárá minini ḅụ.

1 Pita 1:22

Ḅẹ́ mị́sa ọmịnị ọmịna ḅụ mịẹ yóriyórimamáa ḅara ma karakárányẹ ma mịẹ ḅụ, ọ pịghị mị́sa karakárá ḅẹlẹma nyáná jẹ́ mininiapụ ma pịrịmam, ọmịnị ọmịna tẹ́mẹ́bie gbọrụ pa ibiḅara pa jụghọ jụghọ ḅẹlẹma.

1 Jọn 4:16

Wa nimim pịghị minini Tamuno nyáná wa pịrị ḅẹlẹma. Tamuno ori anị ḅẹlẹma. Ḅẹlẹma ḅụ ngaaḅọ gonyẹ́ gonyẹ́ Tamuno na gbẹ́rẹ́ ḅụ ḅụ imii, Tamuno sọ nḅọ na gbẹ́rẹ́ ḅụ ḅụ imim.