Ẹ́fịsọsapụ 4:15 - Ibani New Testament

¹⁵ Anịmanakaragha wa tụ́manyẹ ma dugho ḅẹlẹma ḅụ, wamịnị ine sẹ́nị sị mú Krais ḅụ káara, ori ma anịị sịbịdaḅọ ma.

Ẹ́fịsọsapụ 4:15 ပူးပေါင်းရင်းမြစ်များ

Ibi Oku Ma Jọn Anị Gịẹ Ḅara 1:47

Jizọs Natanieli árị sị ọ ḅoarị sáá, mịị o gboloma sị o dughonyẹ, <>

Romapụ 12:9

Karakárá ḅẹlẹma nyáná, siinyẹ ḅẹlẹmama, ibinyẹ ma ọlọ sẹ maá.

1 Kọrịntịapụ 11:3

Kụ́ma a biim ḅẹẹ sị ọmịnị akanyaḅo ḅẹẹ Krais ma, ori ma sịbịdá owitụ́wọ gonyẹ́ gonyẹ́ pịrịm, deeḅọ ma sịbịdá ọ taá pịrịm, Tamun ma ori ma pịghị sịbịdá Krais pịrịm.

2 Kọrịntịapụ 4:2

Wa ḅọghu na pịghị ḅụ́gịrịrịma fịrị mamgba sịghịmam, anịmanakaragha wa karakárá mamgba dughom túminị́ tórúku anị fịnị na ibiḅara, sị túminị́ wa nimi bẹ ḅara, pịghị nimi nna tẹ́mẹ́bie ḅẹ́ wa kọọ ẹ́gẹ́rẹ́ ma karakárányẹ Tamuno tórúku.

2 Kọrịntịapụ 8:8

A ólóghó sua ọ pịrịgha, kụ́ma pa o die jẹapụ kụrọma biiarị ḅara sị n ḅárásua. A ḅụ́kọ́rọ́maarị a pa nimi ḅẹ́ ḅara ọmịna ḅẹlẹma anị karakárá fịnị ḅara.

Ẹ́fịsọsapụ 1:22

Tamuno nyẹ mamgba pa Krais ḅụọ sughubie wárịmam, nyẹ gonyẹ́ gonyẹ́ ḅụ ori ọ pa sịbịdam Tamuno kubiri ogbo ma bie.

Ẹ́fịsọsapụ 1:4

Ḅọlọmaa sáá, Tamuno náa tuminikiri ma tẹ́mẹ́gha sáá, ọ wa sẹ́lẹ́akịm ḅẹ́ wamịnị ori a túminị́ sọọ Krais ḅụ ḅọ́rọ́, ḅẹẹ wa tọ́ntọ́ ḅụ fịnị sị bịpị ḅụ laagha ḅara pa fịnị ọ toruku. Ori ḅẹlẹma gosi

Ẹ́fịsọsapụ 2:21

Ori ma anịị wárị gbọrụ ma ọlọ gbolomaḅọ, warị mịẹsị anị dụḅa mú sị ḅo tọ́ntọ́ Tamunowarị sọọ Kị́nị́nyánáḅọ ma bie.

Ẹ́fịsọsapụ 4:25

Anịgosi, ọmịnị iruo kọma! Ọ́rụ́ḅọ ọ́rụ́ḅọ tụ́manyẹ ma dugho amịna jẹ́ mininiḅọ pịrị tegó wamịnị mamgba, wamịnị gbẹ́rẹ́apụ Krais oju ma ḅụ.

Ẹ́fịsọsapụ 5:23

Deeḅọ ma kụ́rọ nyáná ḅara ma ọ táa fịnị angaá anịị Krais so kụ́rọ nyáná ḅara Tamuno kubiri ogbo ma fịnị angaá; Krais ma ọ ḅụgbọrụ anịị Tamuno kubiri ogbo ma dụaḅọ́rọ́maḅọ, anịị ori oju.

1 Pita 1:22

Ḅẹ́ mị́sa ọmịnị ọmịna ḅụ mịẹ yóriyórimamáa ḅara ma karakárányẹ ma mịẹ ḅụ, ọ pịghị mị́sa karakárá ḅẹlẹma nyáná jẹ́ mininiapụ ma pịrịmam, ọmịnị ọmịna tẹ́mẹ́bie gbọrụ pa ibiḅara pa jụghọ jụghọ ḅẹlẹma.

1 Pita 2:2

Ọmịnị nnị ịwọma yii awọ fịnị ḅara fịnị, sámámgba karakárá tẹ́mẹ́ju ndomingi ma ọ pụghọ tarị, tegó ọmịnị anị ḅụarị sáá ọmịnị ine sẹ́nị págháḅobẹm ọmịna dụaḅọ́rọ́ma ḅụ,

2 Pita 3:18

Kụ́ma ọ pa senị́ị́ Wányánáḅọ na wámịna Ḅọ́rọ́maḅọ Jizọs Krais tọ́rụ́kụrụkụ́rụ́ na ori níminyẹ ḅụ. Ipine fịnị ọ pịrị mị́sa akị mú ḅẹsá ḅẹsá la. Anị ọkọ fịnịị.

1 Jọn 3:18

Ị́yẹ́ ibi awọ, wámịna ḅẹlẹma anị ẹ́gẹ́rẹ́ ḅụ na ḅẹ́lẹ̄ ḅụ kunema ma, kụ́ma wámịna ḅẹlẹma anị ḅụ die mịẹnyẹ ḅụ na pịghị karakárá ḅụ.