Ẹ́fịsọsapụ 3:19 - Ibani New Testament

¹⁹ Ọ ḅo Krais ḅẹlẹma nimii, anị opuma dụḅam, ọmịnị ine anị akanyaḅo famabịghaa sị Tamuno ma fịnị ḅara ọmịna duma bie sọ bi sị pịghị ọsụ sara.

Ẹ́fịsọsapụ 3:19 ပူးပေါင်းရင်းမြစ်များ

Matiu 5:6

Karịiḅi fịnị n pịrị nna tẹ́mẹ́ gbọrụ pa dọghụarịapụ ḅẹ́ nnị Tamuno dọghụnyẹ mịẹ, Tamuno n binyẹ ma mịẹ muu sịḅịlamabẹm!

Ibi Oku Ma Jọn Anị Gịẹ Ḅara 1:16

Ori tọ́rụ́kụrụkụ́rụ́ bi wasa ḅara gosi ọ wamịnị kị́nị́mamgba bomam, gbẹ́rẹ́ boma ḅụ akị mú jẹ́ la.

Ibi Oku Ma Jọn Anị Gịẹ Ḅara 17:3

Gbámásó duma ma nyáná bẹ ḅara, anịị ịnimii, ịrị ngéré karakárá Tamuno ma, na Jizọs Krais ị fịrịmaḅọ ma nimi.

Romapụ 8:35

Tụọ anịsa, wa fófóoma bẹ Krais ma ḅẹlẹma ḅụ? Ḅẹ́rẹ́ ine bẹ, anịgha nyẹ ḅụ kụrọ́ anịgha tọ́rụ́siarị anịgha ḅurutarị anịgha ịgónyí anịgha nyẹ pa kịnịlámányẹ anịgha fịị?

Romapụ 8:39

anịgha ọgọnọ ju anịgha póghóló yọ, anịgha tuminikiri nnị tẹ́mẹ́nyẹ gonyẹ́ gonyẹ́ ine wa fófóomabịgha Tamuno ma ḅẹlẹma ḅụ, wa nyánányẹ Krais Jizọs wámịna Nyánáḅọ ḅụ ḅọ́rọ́.

2 Kọrịntịapụ 5:14

Krais ḅẹlẹma anịị wa sumaarịnyẹ tegó anị wa ḅụ korom ḅẹ́ gbẹ́rẹ́ owitụ́wọ fịị kị́nị́mamgba pịrịm mịma dughoarị ḅẹ́ nnị kị́nị́mamgba fịịm.

Galesiaapụ 2:20

Nnị ịrị na Krais na ḅaupálịmam a pịghị mịnị dúmaghaá, kụ́ma Krais i biebẹ dumafịnịm. Ojumẹnị ma ḅụ a kọarị duma ma, a anị kọm Tamuno Tụ́wọ ma ḅụ a nyáná minini ḅụ ḅọ́rọ́, i ḅẹlẹma ḅọ pịghị i sịbị gosi fịịḅọ.

Ẹ́fịsọsapụ 1:23

Tamuno kubiri ogbo ma anịị Krais oju ma, Krais mịẹnyẹ sị anị káara. Krais ọ ḅụ gbọrụ anịị nyẹ mamgba mịẹsị anị káara nyẹ ngá mamgba ḅụ.

Ẹ́fịsọsapụ 3:18

ọmịnị na Tamuno tọ́ntọ́apụ mamgba ine akanyaḅo bẹ ḅara Krais ḅẹlẹma kpọma findi láa ḅara, anị nangwọ láa ḅara, anị sóghólo láa ḅara na anị póghóló láa ḅara.

Ẹ́fịsọsapụ 5:2

Ḅẹlẹma pịghị ọmịna duma bie ḅẹrẹtọ, Krais sọ wa ḅẹlẹma ḅara sị ọ ḅụ pa ibima kụ́nụ́ agbaa mịẹ na igwagwaá Tamuno pịrị.

Ẹ́fịsọsapụ 5:25

Deeapụ ọmịnị ọmịna taapụ ḅẹlẹma, Krais Tamuno kubiri ogbo ma ḅẹlẹma ḅara sị fịị anị pịrị.

Filipaiapụ 1:7

Sámámgba ọmịnị i tẹ́mẹ́bie imii anịma gosi anị ḅụ́gbẹm ḅẹ́ a kóróma nyáná ọ pịrị mị́sa a mịẹarị ḅara. Ḅẹẹ ọmịnị mamgba diekiri nyánam Tamuno nyáná i pịrị tọ́rụ́kụrụkụ́rụ́ ma ḅụ, mị́sa a ịkóli bie fịnị sa na pịghị a ịkóli bie ófórigha sa sị pịghị sẹ́kụrọ anị ḅụ pịghị anị mịẹ anị kune nyánáa.

Filipaiapụ 4:7

Anịsáa Tamuno ma diin, opuma tumḅọ akanyaḅo nẹ́ngị nyẹ warị Krais Jizọs ḅụ ị́yẹ́ tẹ́mẹ́bie na ikúkúbie koko warịbẹm.

Kolosiapụ 1:10

Wa mịị tẹ́ghẹ̄ ma kọọarị sị ọmịnị ine Kị́nị́nyánáḅọ bii ḅara pa duma kọọ, pịghị o bieḅẹlẹma asọ mamgba ḅụ: ọmịna duma pịghị mgbọ́lụ suarị ibifịrị gonyẹ́ gonyẹ́ ḅụ, pịghị sẹnịarị ọmịna Tamuno nimi ḅụ.

1 Pita 1:8

Ọmịnị ọ ḅẹlẹmam, na ọmịnị ori arịgha so, ọmịnị ọ ḅụ mininim na mị́sa ọmịnị ori arịgha sọ, mị́sa ọdurụkụarị opu bieḅẹlẹ na ipine ḅụ bii nyẹ, ẹ́gẹ́rẹ́ bịpị ine anị dugho pághámabịgha nyẹ,

2 Pita 3:18

Kụ́ma ọ pa senị́ị́ Wányánáḅọ na wámịna Ḅọ́rọ́maḅọ Jizọs Krais tọ́rụ́kụrụkụ́rụ́ na ori níminyẹ ḅụ. Ipine fịnị ọ pịrị mị́sa akị mú ḅẹsá ḅẹsá la. Anị ọkọ fịnịị.