Ẹ́fịsọsapụ 3:10 - Ibani New Testament

¹⁰ Tamuno go nwọ mịẹnyẹ anịị ḅẹ́ mị́sa Tamuno kubiri ogbo ma ḅụ ḅọ́rọ́ anị o Tamuno kịrịkị́rị́ níminyẹ mamgba pa so ọgọnọ sịbịdaaapụ mamgba na ḅẹ́rẹ́tọapụ mamgba diebẹnyẹ.

Ẹ́fịsọsapụ 3:10 ပူးပေါင်းရင်းမြစ်များ

Romapụ 11:33

Gbẹ́rẹ́ḅọ so ine Tamuno ngọ dụḅa láa ḅara nimiḅobịgha, Ori opu níminyẹ na ori níminyẹ pịghị opuma dụḅam! Tụọ ine nimi bẹ Tamuno kóróma fịnị ḅara? Tụọ ine ori nyẹ́ mịẹ ḅara nimiḅọ bẹ?

Romapụ 8:38

A nimitẹ́lẹ́mam ḅẹ́ gbẹ́rẹ́nyẹ sọ wa fófóomabịgha ori ḅụ fịnịnyẹ, anịgha ḅẹlẹma ḅụ ḅọ́rọ́: fịị sọ anịgha duma, anịgha sookumuapụ, anịgha sobie ẹ́kpẹ́dua, anịgha mị́sa ma túminị́ kụrọnyanáapụ, mịị sa ma ḅụ anịgha ḅo bẹ sa,

1 Kọrịntịapụ 1:24

kụma Tamuno sịmáapụ ma, Juu na Juughaapụ mịị oku ma anịị Krais Tamuno ma kụrọ na pịghị Tamuno níminyẹ.

1 Kọrịntịapụ 2:7

Kụ́ma wa dugho wásámaarị opu níminyẹ ma anịị Tamuno ḅọghu opu níminyẹ ma, n pa tuminikiriapụ ḅọghuma nyẹ, ọ sẹlẹakị nyẹ nịị n tuminikiri ma tẹ́mẹ́gha sáá wámịna ipine goo.

Ẹ́fịsọsapụ 1:21

Sobie ma ḅụ Krais pa táarị kụ́rọ táarịapụ na sịbịdaapụ na kụrọnyanáapụ mamgba kụ́rọ nẹngịm sotọ́rụ ma ḅụ Krais ẹ́rẹ́ nyánam kụ́rọḅa pịghị ẹ́rẹ́ mamgba nẹ́ngị ẹ́rẹ́, mị tuminikiri na pịghị ḅo ḅẹnyẹ.

Ẹ́fịsọsapụ 1:23

Tamuno kubiri ogbo ma anịị Krais oju ma, Krais mịẹnyẹ sị anị káara. Krais ọ ḅụ gbọrụ anịị nyẹ mamgba mịẹsị anị káara nyẹ ngá mamgba ḅụ.

Ẹ́fịsọsapụ 1:3

O ḅoo wa túminí pa Tamuno Wányánáḅọ Jizọs Krais Daḅọ pịrị, tẹ́mẹ́ karịiḅi mamgba pa wa karịibimaḅọ sobie ju tegó wamịnị Kraisapụ.

Ẹ́fịsọsapụ 1:8

Ọ pa wa ḅụ sara nyẹ bifụfụ ḅara ḅụ! Ori níminyẹ na ori akanyaḅo ḅụ,

Ẹ́fịsọsapụ 6:12

Tegó wámịna ọ́mụ́gbi ma, wa tuminikiriapụ na anị gbighaa, kụ́ma, sobie ju fịnịị sitẹ́mẹ́, táarịapụ, kụrọnyanáapụ na pịghị kánákáná tuminikiri ma bie fịnị opu kụrọ nyáná sitẹ́mẹ́.

Kolosiapụ 1:16

Tegó ọ ḅụ ḅọ́rọ́ anịị Tamuno nyẹ gonyẹ́ gonyẹ́ tẹ́mẹ́nyẹ: so na kiri ma bie fịnịnyẹ, túminị́ tọ́rụ́ pa árịnyẹ na túminị́ tọ́rụ́ pa arịgha nyẹ, ḅọ́rọ́ imine anịgha kụ́rọ anịgha táarịapụ anịgha kụrọnyanáapụ; Tamuno ọ ḅụ ḅọ́rọ́ nyẹ gonyẹ́ gonyẹ́ tẹmẹm nyẹ gonyẹ́ gonyẹ́ n tẹ́mẹ́ ọ pịrịm.

Kolosiapụ 2:10

n pịghị Krais bie káaraapụ pa o mịẹmam, ori anịị pịghị sịbịda táarịapụ na kụ́rọ gonyẹ́ gonyẹ́ pịrịḅọ.

Kolosiapụ 2:15

O táarịapụ na kụrọnyanáapụ ḅara nna ọ́mụ́gbinyẹ daákịfáma sáá, ọ mịẹm túminị́ n pa tọ́rụ́ pa nyẹdighinyẹ mịẹ, mgbẹsẹ sị́ ma pa n sọḅa.

1 Timoti 3:16

Karakárányẹ ḅụ, wámịna minini ma ḅụ fịnị ḅọghunyẹ opuma dụḅam, Krais mẹnịsua tuminikiri ḅom, Tẹ́mẹ́ ma diepághámam ḅẹ́ siiamịẹnyẹ ọ ḅụ ofori, sookumuapụ ori arịm, sẹ́ sẹ́ sẹ́ ḅụ nnị o gbolomanyẹ dugho wásámam, tuminikiriapụ ọ ḅụ mininim, nnị ipine ḅụ ọsịakị sọ́mum.

1 Pita 1:12

Tamuno diepágháma mịná ikiakoroapụ ma pịrịm ḅẹ́, nna fịrị ma anị nna ḅárákū sọ́nyẹ sọ n pịrịbịgha kụ́ma anị sọọ nyẹ sọ ọmịnị pịrịbẹm, n pịghị dugho sị ọ náa maá oku ma ókumuuapụ ma bịpị, anịị n sobie saghị fịrịma ḅo Tọ́ntọ́ Tẹ́mẹ́ pa dugho ibi oku. Mịnanyẹ ma anị sookumuapụ ma so bii nyẹ nnị akanyaḅo.

1 Pita 3:22

Krais iwóo sobie mumam ọ pịghị Tamuno amaḅaranga imii, sookumuapụ na tẹ́mẹ́ju táarịapụ mamgba táarị, na pịghị sobie kụrọnyanáapụ mamgba.