Ẹ́fịsọsapụ 2:6 - Ibani New Testament

⁶ Tamuno wamịnị na Krais saghịmam sị pịghị mịẹsị wamịnị na ọ nana kpọrọfịnị sị taa sobie angaá Krais Jizọs bie.

Ẹ́fịsọsapụ 2:6 ပူးပေါင်းရင်းမြစ်များ

Matiu 26:29

A dugho ọ pịrịm, a mịnị jẹ́ pa mịị grepụ iru ma ḅuubịgha akị mú a ịwọma ọmịnị na anị ḅuu sáá láa i Daa ma ásẹ́mẹ́kiri ḅụ.>>

Ibi Oku Ma Luk Anị Gịẹ Ḅara 12:37

Anị ibi anị ómóniapụ ma pịrịbẹm ḅẹẹ nna nyánáḅọ ḅo sáá ori nnị árịbẹm ḅẹẹ, nnị ḅụ karakáráma o kuruarị. A karakárányẹ dugho ọ́ pịrịarị nna nyánáḅọ ma ọḅụ dimabẹm, n mịẹsị nnị nyẹ́fị ịkasị ọ́gọ́nọ kpọrọfịnị si ọ fị́nyẹ pa n pịrị.

Ibi Oku Ma Jọn Anị Gịẹ Ḅara 12:26

Fịrịnwangị i pịrịarịḅọ gonyẹ́ gonyẹ́ i dua nyánam; a fịnị angaá anịị ị́yẹ́ fịrịnwangịḅọ fịnị ḅẹ́ angaá. I Daá ma kuu pa fịrịnwangị i pịrịarịḅọ ma suabẹm.

Ibi Oku Ma Jọn Anị Gịẹ Ḅara 14:3

A ḅọ́rọ́ mú muu sị yọ tẹ́lẹ́ma ọ pịrị, a pịghịma ḅobẹm sị ọmịnị akị ịḅụ pịrị, ọmịnị a fịnịnga fịnị bẹ ḅara.

Ẹ́fịsọsapụ 1:1

Irị Pọl Jizọs Krais fịrịmaḅọ Tamuno ma tọ warị ḅara ḅụ, anịị mịị diri ma gịẹḅọ. A gịẹ pa Ẹ́fịsọs bie fịnị Tamuno tọ́ntọ́apụ fịrịmaarị sẹ kụrọ fịnị sị Krais Jizọs ma duaarịapụ.

Ẹ́fịsọsapụ 1:3

O ḅoo wa túminí pa Tamuno Wányánáḅọ Jizọs Krais Daḅọ pịrị, tẹ́mẹ́ karịiḅi mamgba pa wa karịibimaḅọ sobie ju tegó wamịnị Kraisapụ.

Ẹ́fịsọsapụ 2:10

Wamịnị anịị Tamuno ḅárafịrị, Krais Jizọs bie n tẹ́mẹ́apụ ibifịrị gosi, Tamuno tẹ́lẹ́ma maá nyẹ ḅẹ́ wamịnị anị mịẹ.

Ẹ́fịsọsapụ 2:13

Kuma mị́sa, ọmịnị Krais Jizọs na gbẹ́rẹ́nyẹ mịẹ ḅụ ọmịnị parị ḅọlọ angaá fịnịapụ nnị ọmịnị akuoo kikiamamam Krais ọmbịnyẹ́ ḅụ ḅọ́rọ́.

Kolosiapụ 1:18

Ori anịị oju ḅụ sịbịdáḅọ, anịị Tamuno kubiri ogbo ma, ori anịị sughu saghị ma, n pịghị tarị fịịapụ mamgba ḅụ saghịma ḅọ, sị nyẹ́ gonyẹ́ gonyẹ́ ḅụ ori sịbịdaa bẹ ḅara.