Ẹ́fịsọsapụ 2:15 - Ibani New Testament

¹⁵ O Juuapụ ologho ma kúnémam na pịghị anị dighi túminị́ mịẹbẹnyẹ na n mịẹbịgha nyẹ, sị ori mmẹẹ́ túminị́ ọrụ ma ḅụ ọ gbẹ́rẹ́ ịwọ túminị́ mịẹ ọ nana gbẹ́rẹ́nyẹ mịẹapụ, mị ḅara ma diin mịẹ.

Ẹ́fịsọsapụ 2:15 ပူးပေါင်းရင်းမြစ်များ

2 Kọrịntịapụ 5:17

Anịgosi, Krais na gbẹ́rẹ́nyẹ mịẹḅọ gonyẹ́ gonyẹ́, n ḅọ ịwọma nnị tẹ́mẹ́ḅọ sọmam olom nyẹ ma somam, iwọnyẹ ma ḅomam.

Galesiaapụ 3:10

Kórómáarịapụ ḅẹ́ nnị ine Tamuno na karakárá ḅụ fịnịbẹm ólóghó ma koko ḅụ, mịnaapụ ma sifịla ḅụ anịị nnị duma kọọarị nyẹ. Ḅẹẹ, n gịẹ kórómamam ḅẹ́, si fị́lā fịnị kị́nị́mamgba pịrị, <<Ólóghó Diri ma dughonyẹ mamgba mịẹgha ḅo.>>

Galesiaapụ 3:28

Mị́sa kịrịnyẹ mịnị oforii, Juu anịgha Juughaapụ, ómóniapụ anịgha furoawọ, owitụ́wọ anịgha ọ́rụ́ḅọ, ọmịnị kị́nị́mamgba ọmịnị gbẹ́rẹ́nyẹ Jizọs Krais ḅụ.

Galesiaapụ 6:15

Mị́sa kịrịnyẹ oforii anị ḅụ, wamịnị tọ́ngọ pẹ́lẹ́ na anịgha wamịnị tọ́ngọ̄ pẹ́lẹ́gha na, nyẹ ḅụ sọọ nyẹ anị ḅẹ́ nnị ịwọma tumḅọ tẹ́mẹ́mam.

Ẹ́fịsọsapụ 2:10

Wamịnị anịị Tamuno ḅárafịrị, Krais Jizọs bie n tẹ́mẹ́apụ ibifịrị gosi, Tamuno tẹ́lẹ́ma maá nyẹ ḅẹ́ wamịnị anị mịẹ.

Ẹ́fịsọsapụ 2:14

Krais ọ ḅụgbọrụ diin akuoo wa pịrịmam Juuapụ na Juughaapụ pa gbẹ́rẹ́nyẹ mịẹ. Ori ọrẹ oju pa Juuapụ na Juughaapụ ma fófóoma onu ma kaasim.

Ẹ́fịsọsapụ 2:16

Ori fịị ma mgbẹsẹ sị́ ọgọnọ Krais nna ogboku fịnị tarịgha ma kaasim, mgbẹsẹ sị́ ma ḅụ ḅọ́rọ́ ori mmẹẹ́ túminị́ ọrụ ma pa gbẹ́rẹ́ oju mịẹm sị pịghịma nna akuoo Tamuno pịrị.

Ẹ́fịsọsapụ 4:16

O sughubie anịị ojumẹnị mpara mamgba ḅụ fịnịnyẹ ḅọ́rọ́ ḅo gbẹ́rẹ́nyẹ mịẹnyẹ, oju gbọrụ isa mamgba oju gbọrụ ọlọ kobirim. Anịgo gbẹ́rẹ́ ọrụ anị ngá fịrị nwángịarị sáá anị nwángị na ibiḅara, oju gbọrụ mamgba ḅẹlẹma ḅụ nna ḅụ tákubiri sẹnịm.

Kolosiapụ 2:14

Diri bie n gịẹ wámịna sịbị gbánā ologho ma na ologho ma bii nyẹ káakọsima wamịnị na fiagha nyẹ, pịghị asọ mgbẹsẹ wa pịrịnyẹ, ori anị saghị siim, anị ḅaupálị mgbẹsẹ sị́ ọgọnọ.

Kolosiapụ 2:20

Ḅọ́rọ́ ọmịnị Krais na fịịm, si dụapaghama nyáná tuminikiri táarị tẹ́mẹ́ ma ḅụ, o tegósi duma kọarị sọ́ḅọ́rọ́ ọmịnị pa tuminikiri bẹapụ, o tegó mini si mịná ologho ma ọ ḅụ kụ́rọ nyáná?

Kolosiapụ 3:10

ịwọ oju ma sua sị árị ḅẹ́ sámámgba ọmịnị iwọarị, ọ pịghị sẹnịarị ḅara ọmịna Tẹ́mẹ́ḅọ nimi ḅụ sị pịghị ọ fịnị ḅara fịnị.

Kolosiapụ 3:11

Mịnga Girikiḅọ anịgha Juuḅọ ofori tọ́ngọ̄ pẹ́lẹ́ anịgha tọ́ngọ̄ pẹ́lẹ́ghaḅọ, biaapụ, tọ́rụ́ findighaapụ, ómóniapụ anịgha furoawọ, kụ́ma Krais ori nyẹ́mámgba pịghị nyẹ mamgba ḅụ imii.

Kolosiapụ 3:15

Krais diin ọmịna tẹ́mẹ́bie ḅẹrẹtọ, ọmịnị gbẹ́rẹ́ ojuapụ ḅara ma, nnị ọ siim ḅẹ́ ọ diin ḅụ ngaa. Ọ pịghị ịmịẹḅam pa Tamuno ḅẹẹ.

Hiburuapụ 7:16

Nnị igwagwaḅọ pa ọ mịẹm, mị igwagwaá ma anị túminị́ ólóghó na túminị́ nyẹ mịẹmịẹ ḅara duagha, kụ́ma anị kunema nyanagha duma ịnyọ ḅụ saghịḅom.

Hiburuapụ 8:13

Ori ịwọ ọḅọọ ḅẹ́rẹ́ dughoarị sa, Tamuno parị ọḅọọ ma mịẹmam anị olom sị pịghị olom nyẹ gonyẹ́ gonyẹ́ ḅọlọgha sa ḅụ pịghị ẹmẹ fabẹm.

Hiburuapụ 9:23

Mịnanyẹ ma, sobie fịnị karakárá nyẹ́ ma kịkanyẹ ma, ibibẹm ḅẹẹ nnị ọkọfịnị anị gbẹ́rẹ́ ḅara ma igwaa pa anị mịẹ fiafiama, kụ́ma sobie nyẹ ma ibiḅaa igwaa bim.