Ẹ́fịsọsapụ 2:12 - Ibani New Testament

¹² Anịsáa ma ḅụ, nnị o fófóomam Krais ḅụ, ọmịnị igoniapụ, pịghị Tamuno sẹ́lẹ́akị Izirẹlịapụ ma na oforii, ọmịnị ọḅọọ ma ḅụ dienyẹ nyanagha, Tamuno mini ori a túminị́ pịrịnyẹ ḅụ gbananyẹ, o mịị tuminikiri bie imim, ọ Tamuno nimigha, ọ pịghị tọ́rụ́ dighinyẹ nyanagha.

Ẹ́fịsọsapụ 2:12 ပူးပေါင်းရင်းမြစ်များ

Ibi Oku Ma Luk Anị Gịẹ Ḅara 1:72

Ọ ḅẹm ḅẹ́ ọ tọ́rụ́kụrụkụ́rụ́ nyáná wámịna tádọ́apụ pịrịbẹm sị pịghị ọrẹ tọ́ntọ́ ọḅọọ pa biekóróma.

Ibi Oku Ma Jọn Anị Gịẹ Ḅara 10:16

A jẹ́ jẹ́ ánáná nyánam mị ánánásiḅe yọ ma ḅụ gbẹrẹapụghaapụ. A pịghị nna akuoo nyánam. Nnị sọ ị pụghọ naabẹm, anịsáa gbẹ́rẹ́ ánáná kubiri ogbo na gbẹ́rẹ́ ánánákúrúḅọ anịị fịnị bẹnyẹ.

Ibi Oku Ma Jọn Anị Gịẹ Ḅara 15:5

<

Ibi Oku Ma Jọn Anị Gịẹ Ḅara 4:22

Ọmịnị Sameriyaapụ susi o nimigha nyẹ pịrịm; wamịnị susi wa níminyẹ pịrịm, ḅẹ́ dụaḅọ́rọ́ma ma Juuapụ ḅara anịị anị sághị ḅo nyẹ.

Fịrị Ḅara 2:39

Ḅẹẹ Tamuno mini nyẹ ma, o mini ọmịnị na ọmịna awọ pịrịm, na pịghị ḅọlọ angaá fịnịapụ pịghị wámịna Nyáná Tamuno sị ọ ḅụ pịrịbẹapụ mamgba.>>

Fịrị Ḅara 28:20

Anị a go bii nyẹ ḅẹ́ a ọmịnị arịị sị ọ nana ẹ́gẹ́rẹ́kọọ. Karakárányẹ nwọpa anịị nnị ịkóli pa i ḅárásua nyẹ, ori ma gosi, wámịna túminị́ Izirẹlịapụ ọ ḅụ tọ́rụ́ dighinyẹ nyánáḅọ.>>

Fịrị Ḅara 3:25

Tamuno ori ikiakoroapụ ḅụ ḅọ́rọ́ o minini ọ pịrịnyẹ ma anị fịnị ọ pịrịm ọ pịghị diekiri Nyáná Tamuno ọmịna tádọ́apụ na fị ọ ḅoo ḅụ. O dugho Ebraham pịrị ḅara, <Ị furobie págháḅoapụ ḅụ ḅọ́rọ́ a tuminikiriapụ mamgba karịibimabẹm.>

Romapụ 9:8

Mịma dughoarị ḅẹ́ ojumẹnị ḅụ n ḅọ́rọ́ yiiapụ ma nnị Tamuno awọgha anịmanakaragha nnị yiiapụ ma Tamuno minini nyẹ́ ḅụ ḅọ́rọ́ nnị anị tụmasi furoawọ.

Galesiaapụ 4:8

Ḅọ́rọ́maa sáá, ọ Tamuno nimigha, anị sáá ọmịnị omoni sọ kịrịkị́rị́ tamuno pa siinyẹ pịrịm, kụ́ma nnị karakárá tamunoghaa.

Ẹ́fịsọsapụ 2:19

Anịgosi ọmịnị Juughaapụ ọmịnị mị́nị́ biaapụ na igoniapụghaa. Wamịnị kị́nị́mamgba furoawọ dighimam, ọmịnị na Tamuno tọ́ntọ́apụ mamgba, ọmịnị mị́sa Tamuno wárịapụ.

Ẹ́fịsọsapụ 4:18

Nna kúkúbie kánákáná ḅụ imi, nnị diekiri nyanagha Tamuno pịrịarị duma ma ḅụ, n nimi gbẹ́rẹ́nyẹ sọ ofori, n pịghị kụ́rọ sịbịbie nyanam.

Kolosiapụ 1:21

Gbẹ́rẹ́sa biri ọmịnị Tamuno bie ḅọlọanga ḅụ imi pịghị ori iruonaapụ ọmịna tẹ́mẹ́bie ọkọarị sịị duma gosi.

Kolosiapụ 1:27

Nna ḅụ anịị Tamuno bii nyẹ ḅẹ́ o diepágháma Juughaapụ ma ogboku ḅọghunyẹ ma. Mịị ḅọghunyẹ ma anịị, ipine dụḅa láa ḅara na anị ḅụ́gbérépuma láa ḅara, anịị ọmịna bie fịnị Krais ma, anị ọmịna tọ́rụ́ dighinyẹ ḅẹẹ ori ipine ḅụ ọ diekiri nyánábẹm.

Kolosiapụ 1:5

Minini na ḅẹlẹma ḅụ sághị ḅọ tọ́rụ́ dighinyẹ, sobie n kokowarị ọ pịrịnyẹ, ọ pịghị anị gbolomanyẹ namaa nyẹ karakárá ẹ́gẹ́rẹ́ ma ḅụ anịị ibi oku ma, nnị akuoo

1 Tẹsalonaikaapụ 4:13

Wámịna Daa awọ wa bim ọ karakárá ma nimi fịịmaapụ ma gbolomanyẹ, sị ọ tẹ́mẹ́ si nyánábịgha ḅara tọ́rụ́ dighinyẹ nyánágháapụ ḅara.

1 Tẹsalonaikaapụ 4:5

Yáakuu ḅụ ofori nwángị ḅụghaa, Juughaapụ ḅara Tamuno nímighaapụ.

2 Tẹsalonaikaapụ 2:16

Wámịna Nyánáḅọ Jizọs Krais ọ ḅụgbọrụ na Tamuno wámịna Daa, wa ḅẹlẹma ḅo sị ọrẹ tọ́rụ́kụrụkụ́rụ́ ḅụ gbámásó biedịịnma na ibi tọ́rụ́ dighi pa wa pịrịm.

1 Timoti 1:1

Irị Pọl, Jizọs Krais fịrịmaḅọ, Tamuno na Jizọs Krais wámịna Dụaḅọ́rọ́maḅọ bịpị pịrị ḅara ḅụ, wa ḅụ tọ́rụ́ dighinyẹ nyanaḅọ.

Hiburuapụ 11:34

Nnị gbagba kọrịfịnị biimam, ḅara pẹ́lẹ́ma mangị so sị áláápụ́-ágidi fịị gosi n ḅo ịnyọfaapụ dighim, kụ́ma ḅo kụ́rọsẹm, n kụrọm ọ́mụ́gbi ḅụ, n pịghị jẹ́ ámá ọ́mụ́gbiapụ Sọ́ḅa.

Hiburuapụ 6:18

Tamuno minini nyẹ na o fị ọḅọọ ma anịị mmẹẹ́ nyẹ ine dima bigha nyẹ, mịma diearị ḅẹ́ Tamuno ine epeletibịgha. Tamuno mịị mmẹẹ́ nyẹ ma pa wa tẹ́mẹ́kụ́rọmam ḅẹ́ wamịnị mangị o bie sọ́maapụ ma, ine ọlọ kụrọma bẹ ḅara wámịna tórúku fịnị tọ́rụ́ dighinyẹ ma.

Hiburuapụ 8:6

Kụ́ma mị́sa nnị igwagwaḅọ fịrị pa Jizọs pịrịmam, nna angaá nyẹ ma nẹ́ngị nyẹ, anị gbẹ́rẹ́ ḅara ma Jizọs sua gboloma ọḅọọ ma Tamuno na ori a túminị́ ogboku ibiḅam tegó nnị ibiḅaa mini nyẹ ḅụ anị wárim.

1 Pita 1:21

Ọmịnị ọ ḅụ ḅọ́rọ́ Tamuno ḅụ mininim, fịị ḅụ ọ sị saghịma ḅọ sị pịghị ipine pa ọ pịrị, anịma gosi ọmịna minini na ọmịna tọ́rụ́ dighinyẹ Tamuno ḅụ gbánāarị.

1 Pita 1:3

Túmíní fịnị Tamuno wámịna Nyánáḅọ Jizọs Krais Daa ma pịrịị! Ori opu lolomakúkúbie ḅụ ḅọ́rọ́ ori ịwọ duma pa wa pịrịm ọ Jizọs Krais saghị ḅara ma fịị ḅụ, mịma dumafịnịarị tọ́rụ́ dighinyẹ pa wa pịrịarị,

1 Pita 3:15

Kụ́ma ọmịna tẹ́mẹ́bie, ọ susi Krais pịrị, pịghị kuu pa ọ pịrị Kị́nị́nyánáḅọ ḅara, sámámgba, ọ tẹ́lẹ́ma ọmịnị ine n ḅo pagharaa bẹ ḅara, o gbíla ḅo ḅẹ́ o dughofindi ọmịna bie ọ nyáná tọ́rụ́ dighinyẹ.

1 Jọn 3:3

Mịị tọ́rụ́ dighinyẹ ma nyánáḅọ gonyẹ́ gonyẹ́ Krais ḅụ amịna ḅụ pa fiafiama wárị wárim, Krais so fíafía fịnị ḅara.