Ẹ́fịsọsapụ 2:10 - Ibani New Testament

¹⁰ Wamịnị anịị Tamuno ḅárafịrị, Krais Jizọs bie n tẹ́mẹ́apụ ibifịrị gosi, Tamuno tẹ́lẹ́ma maá nyẹ ḅẹ́ wamịnị anị mịẹ.

Ẹ́fịsọsapụ 2:10 ပူးပေါင်းရင်းမြစ်များ

Matiu 5:16

Anị gbẹ́rẹ́ ḅara ma wáriso sị ị́yẹ́ baá opuma bia túminị́ toruku sị nnị ị́yẹ́ ibifịrị arịị sị ị Daá sobie fịnịḅọ ma túmíní.

Ibi Oku Ma Jọn Anị Gịẹ Ḅara 3:21

Kụ́ma karakáráma pa ngáarị ḅọ gonyẹ́ gonyẹ́ baá ma bie sọḅo sọḅom, sị kị́nị́mamgba árị bẹ ḅara ḅẹ́, n ḅo mịẹnyẹ ma Tamuno ḅụ ḅọ́rọ́ anịị n ḅo anị mịẹnyẹ.>>

Fịrị Ḅara 9:31

Anịị anị pághá ḅara ḅẹ́ Judiya gbọrụ fịnị mininiapụ na Galili na Sameriya diin arịm, Tọ́ntọ́ Tẹ́mẹ́ ḅárásua ḅụ ḅọ́rọ́ nna kịẹbịpị ḅo dụḅam nnị ịnyọ suam pịghị ḅáláfa nyána Kị́nị́nyánáḅọ pịrị.

Fịrị Ḅara 9:36

Jọpa ḅụ gbẹ́rẹ́ ọ́rụ́ḅọ imi, Tabita anịị árị ẹ́rẹ́, árị ọ́ mininiḅọ, árị ẹrẹ Giriki ḅụ anịị Dọkas (mịma dughoarị, tụ́ḅara kịka nama). A sáá ngúmá sámámgba ḅárásua igonyinapụ pịrịarị pịghị ibinyẹ mịẹarị.

Romapụ 8:1

Anịgo Krais Jizọs na gbẹ́rẹ́ ḅụ ḅụ fịnịapụ ma, ḅẹ́rẹ́ mịnị nna ḅárasigha.

Romapụ 8:29

Tamuno sẹlẹakịmaapụ ma, ọ pịghị n fófóoma wárim sị n ḅo ọ Tụwọ fịnị ḅara fịnịị, o Tụ́wọ ma parị nnị yiiḅọ sọ bẹ ḅara tọgha mịnaapụ ogboku.

1 Kọrịntịapụ 3:9

Wamịnị kị́nị́mamgba wamịnị gbẹ́rẹ́ fịrịnaapụ fịrịnwangị Tamuno pịrịarị, ọmịnị ma anịị Tamuno duakiri. Ọmịnị anị pịghị Tamuno wárị ma.

2 Kọrịntịapụ 5:17

Anịgosi, Krais na gbẹ́rẹ́nyẹ mịẹḅọ gonyẹ́ gonyẹ́, n ḅọ ịwọma nnị tẹ́mẹ́ḅọ sọmam olom nyẹ ma somam, iwọnyẹ ma ḅomam.

2 Kọrịntịapụ 5:5

Tamuno anị wa tẹ́lẹ́ma mị dima ma pịrịarịḅọ ọ pịghị ọ Tẹ́mẹ́ pa wa pịrịm sị anị sẹpịrịḅọ sọ wa pịrị, ọ nyáná kóróma wa pịrịnyẹ mamgba pịrị.

2 Kọrịntịapụ 9:8

Tamuno ma pịghị ine o bi ḅara nẹ́ngị nyẹ mịẹ ọ pịrịbẹm. Si o bii nyẹ gonyẹ́ gonyẹ́ sámámgba ọmịnị anị nyáná ọ ḅụ pịrịbẹ ḅara, pịghị anị nyáná wásáma sị pa ibifịrị gonyẹ́ gonyẹ́ nwángị.

Galesiaapụ 6:15

Mị́sa kịrịnyẹ oforii anị ḅụ, wamịnị tọ́ngọ pẹ́lẹ́ na anịgha wamịnị tọ́ngọ̄ pẹ́lẹ́gha na, nyẹ ḅụ sọọ nyẹ anị ḅẹ́ nnị ịwọma tumḅọ tẹ́mẹ́mam.

Ẹ́fịsọsapụ 1:1

Irị Pọl Jizọs Krais fịrịmaḅọ Tamuno ma tọ warị ḅara ḅụ, anịị mịị diri ma gịẹḅọ. A gịẹ pa Ẹ́fịsọs bie fịnị Tamuno tọ́ntọ́apụ fịrịmaarị sẹ kụrọ fịnị sị Krais Jizọs ma duaarịapụ.

Ẹ́fịsọsapụ 1:4

Ḅọlọmaa sáá, Tamuno náa tuminikiri ma tẹ́mẹ́gha sáá, ọ wa sẹ́lẹ́akịm ḅẹ́ wamịnị ori a túminị́ sọọ Krais ḅụ ḅọ́rọ́, ḅẹẹ wa tọ́ntọ́ ḅụ fịnị sị bịpị ḅụ laagha ḅara pa fịnị ọ toruku. Ori ḅẹlẹma gosi

Ẹ́fịsọsapụ 2:13

Kuma mị́sa, ọmịnị Krais Jizọs na gbẹ́rẹ́nyẹ mịẹ ḅụ ọmịnị parị ḅọlọ angaá fịnịapụ nnị ọmịnị akuoo kikiamamam Krais ọmbịnyẹ́ ḅụ ḅọ́rọ́.

Ẹ́fịsọsapụ 2:15

O Juuapụ ologho ma kúnémam na pịghị anị dighi túminị́ mịẹbẹnyẹ na n mịẹbịgha nyẹ, sị ori mmẹẹ́ túminị́ ọrụ ma ḅụ ọ gbẹ́rẹ́ ịwọ túminị́ mịẹ ọ nana gbẹ́rẹ́nyẹ mịẹapụ, mị ḅara ma diin mịẹ.

Ẹ́fịsọsapụ 2:2

Anịsáa ma ọ tuminikiri sii asọ nwángịm, ọmịnị ọgọnọ bie fịnị kụ́rọ sitẹ́mẹ́ táarịḅọ ma bịpị pughum, mị́sa ḅẹrẹtọ mini Tamuno osighaapụ ma pịrịarị Tẹ́mẹ́.

Ẹ́fịsọsapụ 2:6

Tamuno wamịnị na Krais saghịmam sị pịghị mịẹsị wamịnị na ọ nana kpọrọfịnị sị taa sobie angaá Krais Jizọs bie.

Ẹ́fịsọsapụ 4:1

Anịgosi a ọ tẹ́ghẹ̄m ịrị mị́sa ikólinaḅọ a fịrịnwangị Kị́nị́nyánáḅọ ma pịrịarị goo ḅẹ́, ọ duma kọọ Tamuno bi ḅara ḅẹẹ o duma kọọ, ori ọ sị sáá.

Ẹ́fịsọsapụ 4:24

ọmịnị ịwọ ḅụ ma suabẹm n Tamuno kịkama sị tẹ́mẹ́nyẹ, anị ḅụ diearịnyẹ karakárá duma ḅụ ibiamịẹnyẹ ḅụ na pịghị tọ́ntọ́ ḅụ.

Filipaiapụ 1:6

Anịgosi a ibima nimim ḅẹ́ Tamuno mịị ibifịrị ma saghị ḅọ ma ọmịna ḅụ, anị saghị bịpị mubẹm akị mú ori anị mịẹ kárámá sa láa Jizọs Krais éné ma ḅụ.

Filipaiapụ 2:13

Tegó Tamuno sámámgba ọmịna ḅụ fịrị nwángịarị sị ọmịnị ine ọmịna tẹ́mẹ́bie o dọghụnyẹ mịẹ.

Kolosiapụ 1:10

Wa mịị tẹ́ghẹ̄ ma kọọarị sị ọmịnị ine Kị́nị́nyánáḅọ bii ḅara pa duma kọọ, pịghị o bieḅẹlẹma asọ mamgba ḅụ: ọmịna duma pịghị mgbọ́lụ suarị ibifịrị gonyẹ́ gonyẹ́ ḅụ, pịghị sẹnịarị ọmịna Tamuno nimi ḅụ.

Kolosiapụ 3:10

ịwọ oju ma sua sị árị ḅẹ́ sámámgba ọmịnị iwọarị, ọ pịghị sẹnịarị ḅara ọmịna Tẹ́mẹ́ḅọ nimi ḅụ sị pịghị ọ fịnị ḅara fịnị.

2 Tẹsalonaikaapụ 2:17

Ọmịna kúkúbie mịẹ kụ́rọ́ma sị pịghị ịnyọ pa ọ pịrịị ọ mịẹarị ibifịrị gonyẹ́ gonyẹ́ ḅụ na pịghị ọmịna ibi ẹ́gẹ́rẹ gonyẹ́ gonyẹ́ ḅụ.

1 Timoti 2:10

Kụ́ma ibiamịẹnyẹ fịrị pa nna ḅụ́birima, anịị anị karakárá n pịrị ḅara dughoapụ ma ḅẹ́ nnị Tamuno tẹ́ghẹ̄arị ẹrẹ.

1 Timoti 5:10

túminị́ pịghị ibima a nimim árị ibiamịẹnyẹ ḅụ, ibiḅara pa árị awọ didighi págháma ḅooḅọ, igonyiapụ datéréma ḅọ a wárịbie, ḅụ sitéréma fịrịnwangị jẹ́ mininiapụ pịrị, ḅárásua ḅụ́ḅáláḅálábie fịnịapụ pịrị, pịghị a ḅụ sághị ibifịrị nwángị pịrị.

1 Timoti 5:25

Anị gbẹ́rẹ́ ḅara ma túminị́ nwángị ibifịrị ma ḅọghugha ḅara ḅụ kị́nị́ anị arịm, kị́nị́ ine arịgha angaá nyẹ ma sọọ ine ḅọghubịgha.

1 Timoti 6:18

Kụ́rọ ḅara pa dugho n pịrị ḅẹ́ nnị ibi nyẹ mịẹ, nnị opuma ibifịrị nwángị, n ḅara findi wásáma, sámámgba n tẹ́lẹ́ma jẹ́apụ na nyẹ die ḅụ.

2 Timoti 2:21

Ọ ḅụ sịrịpághámaḅo ḅọ mịnanyẹ mamgbabie, anịḅọ ma nnị nḅọ pa sosighima fịrị nwángịbẹm, tegó anịḅọ ma nḅọ fịrị pa nyẹ́sim pịghị sọnyẹ sọọ nḅọ Nyánáḅọ pịrịm, pịghị tẹ́lẹ́ma ibifịrị gonyẹ́ gonyẹ́ kúruarị.

2 Timoti 3:17

Mịị ḅárá ma fịrịnwangị Tamuno pịrịarịḅọ gonyẹ́ gonyẹ́ nyẹ́dáwọ ḅụ karakárámabẹm sị ori ine ibifịrị gonyẹ́ gonyẹ́ nwángị bẹ ḅara.

Taitọs 2:14

Ori ọḅụ pa wa pịrịm sị ori wa duapághámaḅoo bẹ ḅara siiamịẹnyẹ gonyẹ́ gonyẹ́ ḅụ sị mịẹsị wa fíafía, fịnị ori ngéré pịrị túminị́, sị sámámgba dọghụarị ḅẹ́ wa ibifịrị nwángị.

Taitọs 2:7

Nyẹ́ gonyẹ́ gonyẹ́ ḅụ, ịḅụ die ḅẹ́ ị sẹ ibiamịẹnyẹ pa tọ́ma bẹnyẹ pịrịm, ị́yẹ́ dienyẹ ḅụ, sẹ karakárá pịrị, pịghị i diearịnyẹ ma pa nyẹ́sị.

Taitọs 3:1

Pa mininiapụ biekóróma ḅẹ́ nnị ḅụ sitéréma táarịapụ na sịbịdaapụ pịrị, ḅẹ́ nnị n bịpị pughu, n pịghị tẹ́lẹ́ma sị ibifịrị nwángị asọ kịrịkị́rị́ ḅụ.

Taitọs 3:14

Wámịna mịnaapụ Krete ḅụ fịnị mininiapụ ma ibifịrị nwángị ma pa nna mịẹmịẹnyẹ mịẹ, nnị ine éné éné ḅụ npalịma nyẹ nyáná nna ḅụ pịrịbẹ ḅara. Nnị sọ́nyẹ bie ofori duma kọọma.

Taitọs 3:8

Mịị karakárá dughonyẹ, a bim ḅẹ́ ọmịnị anị dugho, anị dugho ḅarị, sị Tamuno ma ḅụ mininimáapụ nimi bẹ ḅara sị nnị nna sa fama ibifịrị nwángị bẹ ḅara. Mịnanyẹ ma opuma ibim, anị pịghị sọ́nyẹ sọ kị́nị́mamgba pịrịbẹm.

Hiburuapụ 10:24

Wa jụghọ jụghọ bala pịghị ḅárásua jụghọ jụghọ pịrị, ḅẹlẹma diepágháma pịghị ibinyẹ mịẹ.

Hiburuapụ 13:21

ibi gonyẹ́ gonyẹ́ ḅụ ḅárásua ọ pịrị, ọmịnị o binyẹ mịẹarị sáá ọ pịghị wámịna duma bie o tẹ́mẹ́ ḅẹlẹma nyẹ mịẹ Jizọs Krais ḅụ ḅọ́rọ́, Boma fịnị pịrịḅọ akị mú ḅẹ́ sa láa. Anị ọkọ fịnịị.

1 Pita 2:12

O mịná mịẹnyẹ mininighaapụ ma tórúku gbụ́nụ́nụ́ na ibim, si, nnị ẹ́rẹ́ pa o sịarị sáá ḅẹ́ ọ siinyẹ mịẹm, nnị ọmịna ibifịrị lighilighiḅobẹm si Tamuno ma boma o ḅo bẹ éné.

1 Jọn 1:7

Kụ́ma wa ḅọ́rọ́ baá ma bie asọ nwángị, ori ma sọ baá ma bie fịnị ḅara, anịsáa wa jụghọ jụghọ na mịẹgbólóma nyánam, ọ Tụwọ Jizọs Krais ọmbịnyẹ́ sii gonyẹ́ gonyẹ́ ḅụ wa sịrịsịarị.

1 Jọn 2:6

Bẹḅọ gonyẹ́ gonyẹ́ ḅẹ́ n ḅọ Tamuno na bịpị pa ogbo sua nyanam, duma kọọ Jizọs Krais duma kọọ ḅara.