Ẹ́fịsọsapụ 1:19 - Ibani New Testament

¹⁹ pịghị ori kụ́rọ, anị opuma dụḅa láa ḅara fịrịnwangịarị nyẹ wamịnị mininiapụ ma duma bie. Mị kụ́rọ ma na wámịna ḅụ fịrịnwangịarị nyẹ anịị pịghị anị gbẹ́rẹ́ opu ịnyọ ma,

Ẹ́fịsọsapụ 1:19 ပူးပေါင်းရင်းမြစ်များ

Ibi Oku Ma Jọn Anị Gịẹ Ḅara 3:6

Ojumẹnị ojumẹnị yiim, kụ́ma Tẹ́mẹ́ ma Tẹ́mẹ́ yiim.

Fịrị Ḅara 26:18

Ịrị nna tọ́rụ findibẹm sị pịghị kánákánábie nna akuoo ḅo baá bie soo, pịghị Satanị kụrọ bie nna akuoo ḅo Tamuno bie sua, sị nnị siiḅụḅarasipịrị nyáná bẹ ḅara, sị nnị ịḅụ nyáná minini ḅụ ḅọ́rọ́, sị pịghị nna kiri nyáná Tamuno sẹlẹakịapụ ma ogbobie.>

Romapụ 1:16

Krais ibi oku ma i ḅụgịrịrịmagha, tegó anịma anịị Tamuno kụ́rọ ma, mininiapụ gonyẹ́ gonyẹ́ duaḅọ́rọ́maarị nyẹ, parị Juuapụ ma na pịghị Juughaapụ.

2 Kọrịntịapụ 4:7

Kụ́ma wamịnị mị ngọ ma nyánam ọ́rọ átụ́ma ḅẹlẹbie pa diepágháma ḅẹ́ kụrọmamgba nẹ́ngị kụ́rọ Tamuno ḅara sághị ḅom, wámịna ḅara sághịḅogha.

2 Kọrịntịapụ 5:17

Anịgosi, Krais na gbẹ́rẹ́nyẹ mịẹḅọ gonyẹ́ gonyẹ́, n ḅọ ịwọma nnị tẹ́mẹ́ḅọ sọmam olom nyẹ ma somam, iwọnyẹ ma ḅomam.

Ẹ́fịsọsapụ 2:10

Wamịnị anịị Tamuno ḅárafịrị, Krais Jizọs bie n tẹ́mẹ́apụ ibifịrị gosi, Tamuno tẹ́lẹ́ma maá nyẹ ḅẹ́ wamịnị anị mịẹ.

Ẹ́fịsọsapụ 3:20

Mị́sa ipine fịnị Tamuno pịrị, ori opu kụ́rọ wámịna bie fịrịnwangịarị nyẹ, ori ine mịẹ gbánāma bẹḅọ wamịnị ine bii bẹnyẹ anịgha kóróma bẹnyẹ mịẹ bẹḅọ

Ẹ́fịsọsapụ 3:7

A ḅo fịrịnwangịḅọ sọọ mị ibi oku ma pịrịm Tamuno pa die i pịrị tọ́rụ́kụrụkụ́rụ́ gosi, ọ pa i pịrịnyẹ ori kụ́rọ nwángịarị fịrị ḅụ ḅọ́rọ́.

Ẹ́fịsọsapụ 6:10

Kunema ḅụ, ọ kụrọ sẹ Kị́nị́nyánáḅọ ḅụ, na pịghị ọ ḅụ fịnị opu ịnyọ ḅụ.

Filipaiapụ 2:13

Tegó Tamuno sámámgba ọmịna ḅụ fịrị nwángịarị sị ọmịnị ine ọmịna tẹ́mẹ́bie o dọghụnyẹ mịẹ.

Filipaiapụ 3:21

Ori wámịna ịnyọ ḅụ faámaa ojumẹnị ma dimabẹm sị anị pa ori angaá ipine ojumẹnị ma kịka, sị pịghị nyẹ gonyẹ́ gonyẹ́ pa ori ḅẹrẹtọ ḅụ sua bẹ kụrọ ma pa fịrịnwangịị.

Kolosiapụ 1:29

Mịma go, anịị a go ịnyọ pa fịrịnwangịarị nyẹ, Krais pa i pịrị ịnyọ mị́sa ịḅụ opuma kụ́rọ fịrị nwángịarị.

Kolosiapụ 2:12

Ọ mingi sara sáá nnị ọmịnị na Krais dipi gbolomam, mingi sara ḅụ n pịghị ọmịnị na Krais saghịmam, ọmịna minini Tamuno kụ́rọ ma ḅụ, fịị bie ọ sághịma ḅọ.

1 Tẹsalonaikaapụ 1:5

Wamịnị ibi oku ma akuoo ọ pịrịm, ẹ́gẹ́rẹ́ ḅụ ngéréghaa, kụ́ma kụ́rọ ḅụ na pịghị Tọ́ntọ́ Tẹ́mẹ́ ma ḅụ, wa pịghị diepághámam wa káara ḅara pa anị karakárá minini ḅara. O nimim wa duma kọọ ḅara wamịnị ọ nana fịnị sáá, anịị ọmịna ibi gosi.

2 Tẹsalonaikaapụ 1:11

Anịị wa go sámámgba tẹ́ghẹ̄ ọ pịrịarịnyẹ, wa pịghị biiarị ḅẹ́ Tamuno pa ọ sị sịị ma ọmịnị anị ḅụ ḅụ́gbẹ́ duma kọọ ori kụ́rọ ḅụ ọ pịghị mịẹsị ọmịnị ine ọ́ mịẹ dọghụ ibinyẹ mamgba mịẹ, sị pịghị ọmịna minini fịrị ma mịẹ kárámá.

Jems 1:18

Ọ tọ ḅara ḅụ ọ duma pa wa pịrịm, ori karakárá ẹ́gẹ́rẹ́ ḅụ ḅọ́rọ́ sị wa tarị kiri nyánábeḅara ọ tẹ́mẹ́nyẹ mamgba ḅụ.

1 Pita 4:11

Ẹ́gẹ́rẹ́ dugho wásaámaarịḅọ gonyẹ́ gonyẹ́ Tamuno ẹ́gẹ́rẹ́ ma dugho wásámáa, fịrịnwangịapụ Tamuno pa n pịrị ịnyọ mamgba pa fịrịnwangị, sị nyẹ́ gonyẹ́ gonyẹ́ ḅụ túmíní fịnị Tamuno pịrịbẹ ḅara Jizọs Krais ḅụ ḅọ́rọ́. Ipine na kụ́rọ na fịnị pịrịḅọ mú ḅẹsá ḅẹsá la. Anị ọkọ fịnị.