Ẹ́fịsọsapụ 1:18 - Ibani New Testament

¹⁸ A tẹ́ghẹ̄arị ḅẹẹ ọmịna tẹ́mẹ́ findi sị ọmịnị ori baá ma arịị, o nimi bẹ ḅara o go ọ sị tọ́rụ́ dighinyẹ, ọ pịghị mini ori tọ́ntọ́apụ pịrị karịibima anị dụḅa na anị ḅụ́gbérépuma láa ḅara,

Ẹ́fịsọsapụ 1:18 ပူးပေါင်းရင်းမြစ်များ

Matiu 13:15

Tegó nna tẹ́mẹ́bie mịnị álála nyẹ akanyaḅogha gosi; nna biri sọ mịnị pịghị nyẹ naagha n pịghị nna tọ́rụ́ gbẹmam. Anị ḅọ́rọ́ ọkọ fịnịgha nnị ine nna tọ́rụ́ pa nyẹ árịbẹm, pịghị nna biri pa nyẹ náa, pịghị nna tẹ́mẹ́bie pa nyẹ akanyaḅo sị pịghịma ḅoo a pịghị nna gwọbẹm.>

Ibi Oku Ma Mak Anị Gịẹ Ḅara 10:17

Jizọs saghị jẹ́ pa nwángị sáá gbẹ́rẹ́ owitụ́wọ mangị ọ damaḅom, warị o tọ́rụ́kuu ẹkpẹrẹkị sị o gbíla ḅẹẹ, <>

Ibi Oku Ma Luk Anị Gịẹ Ḅara 24:45

Anịsáa, ọ warị n tẹ́mẹ́bie findi sị nnị Tamunoẹ́gẹ́rẹ́ ma akanyaḅo.

Fịrị Ḅara 16:14

Lidiya, Tiyatira ḅụ saghị ḅoḅọ anịị wa naáapụ ma ḅụ gbẹ́rẹ́ḅọ, opu igbii láa bịtẹ anịị a dẹrịarị nyẹ. Mịị ọ́rụ́ḅọ ma anịị susi Tamuno pịrịarị ọ́rụ́ḅọ, Kị́nị́nyánáḅọ warị a kúkúbie findi sị a birifama Pọl dugho pághámaarị oku ma pịrịm

Fịrị Ḅara 26:18

Ịrị nna tọ́rụ findibẹm sị pịghị kánákánábie nna akuoo ḅo baá bie soo, pịghị Satanị kụrọ bie nna akuoo ḅo Tamuno bie sua, sị nnị siiḅụḅarasipịrị nyáná bẹ ḅara, sị nnị ịḅụ nyáná minini ḅụ ḅọ́rọ́, sị pịghị nna kiri nyáná Tamuno sẹlẹakịapụ ma ogbobie.>

Romapụ 11:29

Tamuno tẹ́mẹ́ dima dimagha ọ sẹlẹakiarị ḅọ na ọ karịibimaarịḅọ.

Romapụ 2:4

Anịgha ị Tamuno opu ibi na ori inema tẹ́mẹ́ na ori ngịrịma pa papanyẹ mịẹbẹ, Tamuno ori ibim, ori ibi ma ọ daa mú sii ḅụ pịghị ḅụ súúarị.

2 Kọrịntịapụ 4:4

Mịị tuminikiri tamuno ma mininighaapụ ma kóróma tọ́rụ́pụ́mamam anịgo nnị ine baá ma arịgha anịị Krais ipine gboloma sị ibi oku ma ḅụ sághị ḅoarị baá, ori ma anị gbẹ́rẹ́sa Tamuno ma na kịkaḅọ.

2 Kọrịntịapụ 4:6

Dugho Tamuno ma ḅẹẹ, <> Mịị gbẹ́rẹ́ Tamuno ma anị mịẹsị ọri baá bia wámịna tẹ́mẹ́bie sọọ nyẹ. Mịma ḅụ ḅọ́rọ́, wa Tamuno ipine nimi ḅụ sághị ḅoarị baá ma nyanam biarị nyẹ Krais tọ́rụ́ ogbo.

Galesiaapụ 5:5

Kụ́ma wamịnị, wámịna tọ́rụ́ dighinyẹ anịị ḅẹ́ Tamuno wa pa ọ nana karakárá ḅụ warịbẹm; mịma anị wa kúruarị nyẹ, Tamuno Tẹ́mẹ́ ma mị fịrị ma nwángịarị wámịna minini ḅụ ḅọ́rọ́.

Ẹ́fịsọsapụ 1:11

Nyẹ gonyẹ́ gonyẹ́ nnị anị mịẹm Tamuno tọ warị ḅara; na ọ dọghụ ḅara na, Tamuno pịghị wa sẹ́lẹ́akị pa onye mịẹm Krais ḅụ ḅọ́rọ́, ọ mịẹ dọghụnyẹ go, ọ pịghị tọ warị ḅara sughu saghị sáá ma ḅụ.

Ẹ́fịsọsapụ 1:7

Krais ọmbịnyẹ́ ḅụ ḅọ́rọ́ wa dụaḅọ́rọ́ma nyánam, n wámịna siiḅụḅarasi wa pịrịm ori opu tọ́rụ́kụrụkụ́rụ́ gosi.

Ẹ́fịsọsapụ 2:12

Anịsáa ma ḅụ, nnị o fófóomam Krais ḅụ, ọmịnị igoniapụ, pịghị Tamuno sẹ́lẹ́akị Izirẹlịapụ ma na oforii, ọmịnị ọḅọọ ma ḅụ dienyẹ nyanagha, Tamuno mini ori a túminị́ pịrịnyẹ ḅụ gbananyẹ, o mịị tuminikiri bie imim, ọ Tamuno nimigha, ọ pịghị tọ́rụ́ dighinyẹ nyanagha.

Ẹ́fịsọsapụ 3:16

A tẹ́ghẹ̄arị ḅẹ́ Tamuno opu ngọ nyánáḅọ ori ipine ḅụ, kụ́rọ pa ọ pịrị, ọ Tẹ́mẹ́ ḅụ ḅọ́rọ́ ọmịnị ịnyọsua bẹ ḅara ọmịna tẹ́mẹ́bie.

Ẹ́fịsọsapụ 3:8

Tamuno tọ́ntọ́apụ mamgba ḅụ irịị ịrụ́ḅam, anịsọ Tamuno pa mị opuma nyẹ́la fịrị ma pa i pịrịm ḅẹ́ a muu dugho wásáma Juughaapụ ma pịrị Krais ḅụ fịnị sị tumḅọ ine dọghụpágháma ḅofámábịghaa ngọ,

Ẹ́fịsọsapụ 4:1

Anịgosi a ọ tẹ́ghẹ̄m ịrị mị́sa ikólinaḅọ a fịrịnwangị Kị́nị́nyánáḅọ ma pịrịarị goo ḅẹ́, ọ duma kọọ Tamuno bi ḅara ḅẹẹ o duma kọọ, ori ọ sị sáá.

Ẹ́fịsọsapụ 4:4

Gbẹ́rẹ́ oju imi, gbẹ́rẹ́ Tẹ́mẹ́ na pịghị gbẹ́rẹ́ tọ́rụ́ dighinyẹ Tamuno go ọ sị nyẹ.

Ẹ́fịsọsapụ 5:8

Gbẹ́rẹ́sa biri ọ kánákáná ma bie imi, kụ́ma mị́sa ọ Kị́nị́nyánáḅọ awọ sọ maá sáá, ọ baá ma bie imi, anịgo o duma kọọ baá ma awọ ḅara.

Filipaiapụ 3:14

A ịnyọsua sịbịju fịnịnyẹ ma duam sị a ine dienyẹ ma daḅo bẹ ḅara, anịị Tamuno Krais Jizọs ḅụ ḅọ́rọ́ sịarị sị ma, anịị sobie duma ma.

Kolosiapụ 1:12

Bieḅẹlẹ ḅụ ịmịẹḅam pa Daḅọ ma pịrị mịẹḅọ sị o diekiri nyána Tamuno kokowarị ori tọ́ntọ́apụ pịrị ilanyẹ, baá amadakiri ma ḅụ.

Kolosiapụ 1:23

Ọ ḅọ́rọ́ ọmịna minini ḅụ sẹ́kụrọ toruku mú, o gbisirigha ibi oku ma nyáná ọ pịrị tọ́rụ́ dighinyẹ ḅụ. Mịma anịị ọ náa ibi oku ma n dugho wásáma tuminikiri Tamuno tẹ́mẹ́apụ mamgba pịrịnyẹ anị ḅụ ḅọ́rọ́ ịrị, Pọl, ḅoo Tamuno fịrịnwangịḅọ sọm.

Kolosiapụ 1:27

Nna ḅụ anịị Tamuno bii nyẹ ḅẹ́ o diepágháma Juughaapụ ma ogboku ḅọghunyẹ ma. Mịị ḅọghunyẹ ma anịị, ipine dụḅa láa ḅara na anị ḅụ́gbérépuma láa ḅara, anịị ọmịna bie fịnị Krais ma, anị ọmịna tọ́rụ́ dighinyẹ ḅẹẹ ori ipine ḅụ ọ diekiri nyánábẹm.

Kolosiapụ 1:5

Minini na ḅẹlẹma ḅụ sághị ḅọ tọ́rụ́ dighinyẹ, sobie n kokowarị ọ pịrịnyẹ, ọ pịghị anị gbolomanyẹ namaa nyẹ karakárá ẹ́gẹ́rẹ́ ma ḅụ anịị ibi oku ma, nnị akuoo

Kolosiapụ 2:2

A mịma mịẹm sị nnị tẹ́mẹ́kụ́rọ nyáná sị gbẹ́rẹ́ ḅẹlẹma ḅụ fịnị sị nnị ine bii fụ́fụ́ sị káara akanyaḅo nyáná, mị ḅara ma nnị Tamuno ḅọghunyẹ ma nimibẹm, anịị Krais ma ḅụgbọrụ.

Kolosiapụ 3:15

Krais diin ọmịna tẹ́mẹ́bie ḅẹrẹtọ, ọmịnị gbẹ́rẹ́ ojuapụ ḅara ma, nnị ọ siim ḅẹ́ ọ diin ḅụ ngaa. Ọ pịghị ịmịẹḅam pa Tamuno ḅẹẹ.

1 Tẹsalonaikaapụ 2:12

Wamịnị ọ tẹ́mẹ́ kụ́rọ́mam, wamịnị o bie diinmam, wa pa dugho ọ pịrịarị ḅẹẹ, ọ sị Tamuno ma ḅẹ́ o ḅoo diekiri nyáná ori amadakiri na, ori ipine ḅụ, ọmịnị ọ ḅụḅẹlẹ duma kọọ.

1 Tẹsalonaikaapụ 5:8

Kụ́ma wamịnị, éné ma nyẹ; anịgo wamịnị wa ḅụ ọlọbẹm. Wa minini na ḅẹlẹma suabẹm n gbolu daa kúkúbie gbẹ́nyẹ ḅara, na wámịna dụaḅọ́rọ́ma tọ́rụ́ dighinyẹ ma anịị wámịna ikúlélusú.

2 Tẹsalonaikaapụ 1:11

Anịị wa go sámámgba tẹ́ghẹ̄ ọ pịrịarịnyẹ, wa pịghị biiarị ḅẹ́ Tamuno pa ọ sị sịị ma ọmịnị anị ḅụ ḅụ́gbẹ́ duma kọọ ori kụ́rọ ḅụ ọ pịghị mịẹsị ọmịnị ine ọ́ mịẹ dọghụ ibinyẹ mamgba mịẹ, sị pịghị ọmịna minini fịrị ma mịẹ kárámá.

2 Tẹsalonaikaapụ 2:16

Wámịna Nyánáḅọ Jizọs Krais ọ ḅụgbọrụ na Tamuno wámịna Daa, wa ḅẹlẹma ḅo sị ọrẹ tọ́rụ́kụrụkụ́rụ́ ḅụ gbámásó biedịịnma na ibi tọ́rụ́ dighi pa wa pịrịm.

1 Timoti 6:12

Minini ibi owu ma sọọ, gbámásó duma ma ọlọ sẹ́ma ịḅụ pịrị, mị duma ma goo anị Tamuno goo ị siinyẹ ị́ ị́yẹ́ minini dugho wásáma sáá tọgha onyésẹapụ tórúku.

Taitọs 2:13

wa boma éné ma kúruarị sa, wámịna tọ́rụ́ dighinyẹ nyáná éné ma anịị wámịna opu Tamuno na wámịna Dụaḅọ́rọ́maḅọ Jizọs Krais ipine na ḅo bẹ sa.

Taitọs 3:7

sị ori tọ́rụ́kụrụkụ́rụ́ ḅụ ḅọ́rọ́ wa karakárá ibiamịẹnyẹapụ sọ́bẹm Tamuno ma fịnị angaá, sị ḅo wa tọ́rụ́dighi gbámásó duma ma nyáná.

Hiburuapụ 10:32

Biekóróma, parị anị ọ́ nana fịnị ḅara, anịsáa ma ḅụ Tamuno baá bia ḅo o láa sáá, o tọgha tọ́rụ́siarị arịm, kụ́ma mịnanyẹ mamgba o fughugbigha.

Hiburuapụ 6:4

Nnị tọ́rọ́pa ọḅụ pa nna minini gbiapụ akuoo bẹ, sị n sima nna sii ḅụ pịghị? Gbẹ́rẹ́sa biri n Tamuno baá ma ḅụ imi n ḅẹ́lẹ pa sobie dienyẹ ma lámámam pịghị nna diekiri akịm Tọ́ntọ́ ibitẹ́mẹ́ ma ḅụ.

1 Pita 1:3

Túmíní fịnị Tamuno wámịna Nyánáḅọ Jizọs Krais Daa ma pịrịị! Ori opu lolomakúkúbie ḅụ ḅọ́rọ́ ori ịwọ duma pa wa pịrịm ọ Jizọs Krais saghị ḅara ma fịị ḅụ, mịma dumafịnịarị tọ́rụ́ dighinyẹ pa wa pịrịarị,

1 Pita 3:9

Ọ mịnị siinyẹ pa siinyẹ gbẹ́ẹ̄ ma anịgha wirinumo pa wirinumo gbẹ́ẹ̄, anịmanakaragha ọ karịibima pa o wiriapụ gbẹ́ẹ̄. Tegó Tamuno ma osị sa boma anị o minini ọ pịrịnyẹ.

1 Pita 5:10

Ọ kẹ́lẹ́ tọ́rụ́siarị so sáá, tọ́rụ́kụrụkụ́rụ́ mamgba nyáná Tamuno ma, ọ sị ḅo bẹ ọ ḅo diekiri nyáná ọrẹ gbámásó ipine ma ḅụ Krais bie, ori ma pịghị ọ mịẹ kpaimabẹm, pịghị ọ sẹ kụ́rọ́mabẹm pịghị ịnyọ, na pịghị karakárá súghúise pa ọ pịrị.