Ẹ́fịsọsapụ 1:13 - Ibani New Testament

¹³ Ọmịnị sọ ḅo Krais túminị́ sọm ọ tụ́ma ẹ́gẹ́rẹ́ ma náa sáá, dụaḅọ́rọ́ma akuoo ọ pịrị ibi oku ma, ọ Krais ḅụ mininim, Tamuno pịghị o mini Tọ́ntọ́ Tẹ́mẹ́ pa ọmịna ḅụ ilíghíma suam ḅẹ́ ọmịnị onyẹẹ.

Ẹ́fịsọsapụ 1:13 ပူးပေါင်းရင်းမြစ်များ

Ibi Oku Ma Luk Anị Gịẹ Ḅara 11:13

Ḅọ́rọ́ ọmịnị sii láa ḅara pa siiapụ nimim ọ mịnị ibinyẹ pa ọmịnị awọ pịrị ḅara, ọmịna sobie Daḅọ ma anịị ori Tọ́ntọ́ Tẹ́mẹ́ pa ọ ḅara biapụ pịrịbịgha ḅọ?>>

Ibi Oku Ma Luk Anị Gịẹ Ḅara 24:49

I ḅụgbọrụ sọ pa ọ fịrịmabẹm i Daá minini ọ pịrịnyẹ. Kụ́ma o kurufịnịbẹm Jerusalem ḅụ sị sobie saghị ḅo kụ́rọ ma kóróḅo ọmịna ọgọ́nọ́.>>

Ibi Oku Ma Jọn Anị Gịẹ Ḅara 1:17

Tamuno ólóghó ma Mosis ḅara sághịḅom, kụ́ma tọ́rụ́kụrụkụ́rụ́ na karakárá Jizọs Krais ḅara sághịḅom.

Ibi Oku Ma Jọn Anị Gịẹ Ḅara 14:26

Kụ́ma Ḅárásuaḅọ ma, Tọ́ntọ́ Tẹ́mẹ́ ma, Daḅọ ma fịrị ma bẹḅọ ị́yẹ́ ẹrẹ ḅụ, nyẹ gonyẹ́ gonyẹ́ pa o diebẹm, pịghị a pa o diemaa nyẹ mamgba pa ọmịna biekórómabẹm.

Ibi Oku Ma Jọn Anị Gịẹ Ḅara 15:26

<<Ḅárásuaḅọ ma ḅo sáá, a pa ọ fịrịma bẹḅọ Daḅọ ma ḅara, tụ́manyẹ pa túminị́ diearị Tẹ́mẹ́, Daḅọ ma ḅara saghị ḅooḅọ, ori ma igbọloma nyẹ dugho pághámabẹm.

Ibi Oku Ma Jọn Anị Gịẹ Ḅara 3:33

Kụ́ma anị daákịmáaḅọ gonyẹ́ gonyẹ́ ḅara pụ́nụ́ anị pịrịmam ḅẹẹ Tamuno ori ma karakáram.

Ibi Oku Ma Jọn Anị Gịẹ Ḅara 6:27

Fịrịnwangị síi bẹ fị́nyẹ ma pịrịma kụ́ma fịrịnwangị fịnị muu gbámásó duma láa bẹnyẹ pịrị, Tumḅọ yii Tụwọ ma pa ọ pịrịbẹnyẹ, tegó ori ma anịị Tamuno Daḅọ ma ḅara pụnụ pịrịmaá ḅọ pa die ḅẹ́ ori anịị kụ́rọ pa ọ pịrịḅọ.>>

Fịrị Ḅara 1:4

Nnị ḅo kobiri sáá, ọ warị kụrọma mị bịpị ma kóróma ḅẹẹ, <<Ọ Jerusalem warịsoma, kụ́ma ọ fịnị a dugho ọ pịrị dienyẹ ma kúru, i Daa minini ọ pịrịnyẹ ma.

Fịrị Ḅara 13:26

<

Fịrị Ḅara 2:33

Nnị pịghị ọ saghị Tamuno Daḅọ ma amaḅaranga wárịmam, ọ pịghị ọ ḅarabie Tọ́ntọ́ Tẹ́mẹ́ ma daḅomam o minini ḅara ḅụ. Mị́sa ọ mịnị árị pịghị náanyẹ ma ọ́ ori dienyẹ, ọ pa wámịna ḅụ saram.

Romapụ 1:16

Krais ibi oku ma i ḅụgịrịrịmagha, tegó anịma anịị Tamuno kụ́rọ ma, mininiapụ gonyẹ́ gonyẹ́ duaḅọ́rọ́maarị nyẹ, parị Juuapụ ma na pịghị Juughaapụ.

Romapụ 4:11

Ọḅụkụ́nọma nnị o tọ́ngọ̄ pẹ́lẹ́m, mịị tọ́ngọ̄ pẹ́lẹ́ma anịị pa ilíghíma sua die ḅẹ́, ori minini gosi Tamuno ori ákịm karakárá ibiamịẹnyẹḅọ ḅara, na nnị o tọ́ngọ̄ pẹ́lẹ́gha sa. Anịgo Ebraham anị Tamuno ḅụ mininiapụ mamgba daa, Tamuno pịghị nna ákịm karakárá ibiamịẹnyẹapụ ḅara, na nnị tọ́ngọ̄ pẹ́lẹ́gha n ḅẹ́sọ.

Romapụ 6:17

Kụ́ma wamịnị ịmịẹḅam pa Tamuno ḅẹbẹm! Tegó gbẹ́rẹ́sa biri ọmịnị omoni sọ sii pịrịm, kụ́ma mị́sa ọ nyánáḅọ karakárá dienyẹ ma ọ tẹ́mẹ́ gbọrụ pa anị dughonyẹ mịẹm.

2 Kọrịntịapụ 1:22

Ori anịị ọrẹ ilíghíma suamaá ḅọ wámịna ḅụ, pịghị Tọ́ntọ́ Tẹ́mẹ́ ma pa wa pịrịmaá ḅo wámịna tẹ́mẹ́bie, mịma anị ọ pa wa tẹ́mẹ́kụ́rọma ọ nyáná kóróma wa pịrịnyẹ.

2 Kọrịntịapụ 6:7

Wámịna karakárá oku na pịghị Tamuno kụ́rọ ḅụ ḅọ́rọ́. Wa karakárá ibiamịẹnyẹ nyánam wa pa ọ́mụ́gbinyẹ, amaḅara ḅụ na pịghị ẹ́rẹ́ḅara ḅụ.

Galesiaapụ 3:14

Krais mịma mịẹm sị Tamuno mini Ebraham pịrị karịibima ma, Juughaapụ ma sọ nyáná ḅo bẹ ḅara Krais Jizọs ḅụ ḅọ́rọ́, anịgo minini ḅụ ḅọ́rọ́ wamịnị ine Tamuno minini Tẹ́mẹ́ ma nyáná ḅo bẹ ḅara.

Ẹ́fịsọsapụ 4:21

Ọmịnị o gbolomanyẹ naam, ori asọduaapụ ḅara, nnị Krais ḅụ fịnị karakárá pa o diem.

Ẹ́fịsọsapụ 4:30

Tamuno Tọ́ntọ́ Tẹ́mẹ́ ma biesima ma, Tẹ́mẹ́ ma anịị Tamuno pa ọ ḅụ ilíghíma suanyẹ ḅẹẹ ọmịnị onyẹẹ, ọmịna sẹ́pịrịarị nyẹ ḅẹ́ éné ma ḅobẹm Tamuno ọ dụapághámaḅo bẹnyẹ.

1 Tẹsalonaikaapụ 2:13

Jẹ́nyẹ imi wa go sámámgba ịmịẹḅam pa Tamuno ḅẹ́arịnyẹ, wa Tamuno oku ma akuoo ọ pịrị sáá, ọmịnị anị naam pịghị anị daakị, o tumḅọ ḅara ḅo oku pa anị daákịgha kụ́ma Tamuno ḅara saghị ḅo oku, anịị pịghị anịị, ḅẹ́ Tamuno ọmịnị mininiapụ ma duma bie fịrịnwangịarị.

2 Timoti 2:15

Ị́yẹ́ ịnyọ láa ḅara mịẹsị árị ḅẹ́ Tamuno ḅara pụ́nụ́ ị pịrịm, ibifịrị nwángịḅọ ḅara ḅụgịrịrịgha fịrịnwangịḅọ amịna fịrị ḅụ, kuma ibiḅara pa dua muu Tamuno karakáráma láa bẹ oku ma diearị.

2 Timoti 2:19

Tamuno kụrọ sughu isé ma ḅẹnyẹ ḅẹnyẹ anị jighe jighemabịgha; anị ọgọnọ anịị n mị ẹ́gẹ́rẹ́ ma gịẹnyẹ: <>

2 Timoti 3:15

Ịrị pịghị biekóróma ḅẹ sághị ị́ ịrụ sáá éné éné i Tọ́ndiri ma nimimam ine níminyẹ pa ị pịrịbẹnyẹ si ị daa muu dụaḅọ́rọ́ma nyáná Krais Jizọs ḅụ fịnị minini ḅụ ḅọ́rọ́.

Taitọs 2:11

Ḅẹẹ Tamuno tọ́rụ́kụrụkụ́rụ́ dụaḅọ́rọ́ma akuoarị nyẹ anị ḅụ pa túminị́ mamgba diemam.

Hiburuapụ 2:3

Anịsa, wa tọ́rọ́ pa fomḅarabie wa ḅụ ḅọ́rọ́ma ḅẹ́, ḅọ́rọ́ wamịnị mịị opu dụaḅọ́rọ́ma ma dighi tọ́rụ́sim? Wámịna Nyánáḅọ Jizọs anịị parị mịị oku ma dugho págháma ḅọ, ọ bịpị anị naapụ onyẹ́sẹ wa pịrịm ḅẹ́ oku ma karakárányẹ.

Jems 1:18

Ọ tọ ḅara ḅụ ọ duma pa wa pịrịm, ori karakárá ẹ́gẹ́rẹ́ ḅụ ḅọ́rọ́ sị wa tarị kiri nyánábeḅara ọ tẹ́mẹ́nyẹ mamgba ḅụ.

Jems 1:21

Anịgo ọmịnị ọ ḅụ sighima ịlọ́lị duma na siiamịẹnyẹ gonyẹ́ gonyẹ́ ḅụ. Ọmịnị ọmịna ḅụ pa Tamuno bie suu, sị ọ pa ọmịna tẹ́mẹ́bie sua ẹ́gẹ́rẹ́ ma daakị, anịma anịị ine dụaḅọ́rọ́ma pa ọ pịrịbẹnyẹ.

1 Pita 2:10

Gbẹ́rẹ́sa biri imi o túminị́ ḅụ ofori, kụ́ma mị́sa ọmịnị ori a túminị́, gbẹ́rẹ́sa biri ọ Tamuno lolomakúkúbie nimigha kụ́ma mị́sa ọmịnị ọrẹ lolomakúkúbie nyanaḅomam.

Puu Findi 7:2

A pịghị jẹ́ sookumuḅọ arịm ịrụa ma sághịarị ngá sághị ḅooḅọ dumafịnị Tamuno ilíghíma suanyẹ ọ́lọ́ḅọ. Ori kụrọ pụghọ pa ínia sookumuapụ ma sịm, Tamuno kụrọ pa pịrịmáapụ ḅẹẹ nnị tuminikiri ma na tọ́rụ́ ma simaa.