3 Jọn 1:11 - Ibani New Testament

¹¹ Ị́yẹ́ ibi nangwọḅọ, Gayọs siiamịẹnyẹ daa nyẹ mịẹma, kụ́ma ibinyẹ daa nyẹ mịẹ. Ibinyẹ mịẹarịḅọ gonyẹ́ gonyẹ́ Tamuno ju saghịḅom. Siinyẹ mịẹarịḅọ gonyẹ́ gonyẹ́ na Tamuno nimigha.

3 Jọn 1:11 ပူးပေါင်းရင်းမြစ်များ

Ibi Oku Ma Jọn Anị Gịẹ Ḅara 10:27

Ị́yẹ́ ánáná i pụghọ pughu pughum; a n nimim, n pịghị i dua duam.

Ibi Oku Ma Jọn Anị Gịẹ Ḅara 12:26

Fịrịnwangị i pịrịarịḅọ gonyẹ́ gonyẹ́ i dua nyánam; a fịnị angaá anịị ị́yẹ́ fịrịnwangịḅọ fịnị ḅẹ́ angaá. I Daá ma kuu pa fịrịnwangị i pịrịarịḅọ ma suabẹm.

Ibi Oku Ma Jọn Anị Gịẹ Ḅara 3:20

Siiamịẹnyẹ mịẹarị ḅo gonyẹ́ gonyẹ́ baá ma ḅẹlẹmagha n ḅo pịghị baá ma dámáḅobịgha ḅáláfa go, ḅẹẹ baá ma mịẹbẹm sị kị́nị́mamgba n ḅọ fịrị arịị.

1 Kọrịntịapụ 11:1

Ọmịnị i ḅụọ dua, irịsọ Krais ḅụọ duaarị ḅara.

1 Kọrịntịapụ 4:16

Anịgosi a ọ tẹ́ghẹ̄m ḅẹẹ ọmịnị i daa a nyẹ mịẹ ḅara mịẹ.

Ẹ́fịsọsapụ 5:1

Ọmịnị kọkọ Tamuno kpọma ḅẹlẹma awọ anịgo ọmịnị ọ daa nyẹ mịẹ.

Filipaiapụ 3:17

Ọ jẹ́apụ dua á nyẹ mịẹḅara mịẹ ịyẹa nángwọ́apụ. Ọmịnị n pa ilíghíma sua, wa mịẹ pa o die ḅara ma duarịapụ.

1 Tẹsalonaikaapụ 1:6

Ọ wa daá, wa duma kọ ḅara kọọm pịghị Kị́nị́nyánáḅọ daa duma kọọ ḅara kọọ: anịsọnị ḅẹẹ ọmịnị opuma tọ́rụ́siarịm, ọ Tọ́ntọ́ Tẹ́mẹ́ ma ḅara ḅo bieḅẹlẹ pa ibi oku ma daákịm.

1 Tẹsalonaikaapụ 2:14

Wámịna Daa awọ, ọ ḅụ pághányẹ anị pịghị Judiya ḅụ fịnị Tamuno sọsị sọsị ma ḅụ pághányẹ, na anị ngá fịnị sị Krais Jizọs ḅụ mininiapụ. Ọmịnị árị tọ́rụ́siarị ma ọmịna amaapụ ma ḅara anịị nnị pịghị árị tọ́rụ́siarị Juuapụ ma ḅara.

2 Timoti 3:10

Ịrị kọkọ ị́yẹ́ dienyẹ mamgba nimi, ị́yẹ́ duma ḅara, a goo a mịẹarịnyẹ mịẹnyẹ, ị́yẹ́ minini, ị́yẹ́ inéma, ị́yẹ́ ḅẹlẹma, ị́yẹ́ ngịrịma.

Hiburuapụ 6:12

Wa bighaa o ḅo ịnyọfaapụ sọ, kụ́ma o ḅo mininiapụ kịkáa, inema na minini ḅụ ḅọ́rọ́ Tamuno minini n pịrịnyẹ ma nyáná ḅo bẹapụ.

1 Pita 3:11

Nnị ḅọ siinyẹ ḅụ pịghị si ibinyẹ mịẹ, nnị nna tẹ́mẹ́ gbọrụ pa diin asọ ma dua.

1 Pita 3:13

Tụọ nyẹ pa ọ lama bẹ, o ḅọ́rọ́ ibinyẹ ma mịẹ dọghụ?

1 Jọn 2:29

O nimim ḅẹ́ Krais ori karakárá ibiamịẹnyẹḅọ, o nimibẹm anịsa ḅẹ́, karakárányẹ mịẹarịḅọ gonyẹ́ gonyẹ́ anịị Tamuno tụwọ.

1 Jọn 3:10

Mịị wa ḅọ́rọ́ Tamuno awọ na ẹ́kpẹ́dua awọ nimi bẹ ḅara: karakárányẹ ma mịẹghaapụ anịgha jẹ́apụ ḅẹ́lẹ́maghaapụ, nnị Tamuno awọgha.

1 Jọn 4:1

Ị́yẹ́ ibi nangwọapụ, ọ tẹ́mẹ́ gonyẹ́ gonyẹ́ minini ma, kụ́ma tẹ́mẹ́ mamgba daádighi pa nimi ḅọ́rọ́ nnị Tamuno ḅara saghị ḅo, tegó tọgha tọgha epele ikiakoroapụ tuminikiri ma sọmam.