2 Timoti 4:18 - Ibani New Testament

¹⁸ Kị́nị́nyánáḅọ i dua pághámaḅobẹm siinyẹ gonyẹ́ gonyẹ́ bie, si diin ḅụ ị́yẹ́ akị sobie ori amadakiri ma muubẹm. Boma ma fịnị ori ma pịrị muu ḅẹsá ḅẹsá láa. Anị ọkọ fịnịị.

2 Timoti 4:18 ပူးပေါင်းရင်းမြစ်များ

Matiu 13:43

Anịsáa karakárá ibiamịẹnyẹapụ ma warị ịrụa bia ḅara pa biabẹm nna Daá ásẹ́mẹ́kiri ma ḅụ. Biri nyanaḅọ gonyẹ́ gonyẹ́ náa.

Matiu 25:34

<

Matiu 6:13

Wa daa pa daádighi bie suu ma, kụ́ma sii tumḅọ ma ḅarabie wa dụaḅọ́rọ́ma.>

Ibi Oku Ma Luk Anị Gịẹ Ḅara 11:4

Wamịna sii ḅụ ḅárási wa pịrị. Wamịnị sọ siiḅụḅarasi siinyẹ pa wa mịẹapụ pịrịarị ḅara. Wa daa pa daádighi bie suama.> >>

Ibi Oku Ma Luk Anị Gịẹ Ḅara 12:32

<<Ọmịnị kálá ogbo ánáná, o ḅáláfáma Daḅọ ma, anị ọ ḅụḅẹ́lẹm ḅẹẹ ori ásẹ́mẹ́kiri ma pa ọ pịrị.

Ibi Oku Ma Luk Anị Gịẹ Ḅara 22:29

I Daá ma kụrọ́ pa i pịrịmaá ḅara ḅẹẹ a taa anị gbẹ́rẹ́ ḅara ma anịị a kụrọ́ pa ọ pịrịbẹnyẹ.

Ibi Oku Ma Jọn Anị Gịẹ Ḅara 17:15

Ị́yẹ́ tẹ́ghẹ̄ a bigha ḅẹ́ ị́ n sịịakị tuminikiri ma ḅụ, kụ́ma ịrị nnị kokowarị sii tumḅọ ma ḅarabie.

Romapụ 11:36

Tegó Ori nyẹ gonyẹ́ gonyẹ́ tẹmẹm, nyẹ gonyẹ́ gonyẹ́ pịghị ọ ḅụ ḅọ́rọ́ dumam pịghị duma ọ pịrịm. Boma fịnị Tamuno ma pịrị ákị mú ḅẹsá ḅẹsá láa! Anị ọkọ fịnị.

Romapụ 16:27

Boma fịnị ori Tamuno ma ngéré pịrị, nyẹ gonyẹ́ gonyẹ́ ḅụ níminyẹ nyánáḅọ Jizọs Krais ḅụ ḅọ́rọ́ ákị mú ḅẹsá láa. Anị ọkọ fịnịị.

1 Kọrịntịapụ 1:21

Tamuno ori opu nyẹ́nimi ḅụ mịẹm ḅẹ́ anị opuma ḅụdáa ḅẹ́ túminị́ nna níminyẹ ḅụ ḅọ́rọ́ nnị ḅoo o nimi. Tụ́ma wa dugho wásámaarị oḅori oku ma ḅụ ḅọ́rọ́ Tamuno anị ọ ḅụḅẹlẹ ḅara ḅụ mininiapụ ma duaḅọ́rọ́mam.

1 Kọrịntịapụ 10:13

Ị arịmáa daádighi gonyẹ́ gonyẹ́ anịị túminị́ sámámgba arịarị daádighi ma. Tamuno o minini nyẹ mịẹbẹm, o minibịgha sị ị́yẹ́ ịnyọ ine daabịgha daádighi ḅoo ị láa. O wáriso sị anị daádighi ma ḅo ọ laarị sáá ọ pịghị ịnyọ pa ọ pịrịbẹm ọ pa ine anị inema, ọ pịghị asọ findibẹm ọ pa ine mangị págháaḅo.

1 Kọrịntịapụ 15:50

A dugho págháma ọ pịrịm, i jẹa mininiapụ, ojumẹnị na ọmbịnyẹ́ Tamuno amadakiri ma nyánáḅobịgha, anịgha ḅụrụ́ bẹ angaá nyẹ ma ine ḅụrụbịghaa nganyẹ ma nyánáḅobịgha.

2 Kọrịntịapụ 1:10

Kụ́rọ ḅáláfama fịị kụ́rọ ḅụ ọ wa ḅọ́rọ́mam ọ pịghị wa ḅọ́rọ́mabẹm, wa pịghị wámịna tọ́rụ́ dighinyẹ pa ọ ḅụ gbánām ḅẹ ọ pịghị sima wa ḅọ́rọ́mabẹm,

Galesiaapụ 1:5

Boma fịnị Tamuno ma pịrị mú ḅẹsá ḅẹsá la. Anị ọkọ fịnị.

1 Tẹsalonaikaapụ 5:23

Diin pa wa pịrịarị Tamuno ma, mịẹsị ọ tọ́ntọ́ ḅụ fịnị asọ mamgba ḅụ, sị pịghị ọmịna duma gbọrụ, tẹ́mẹ́ na biebẹ duma na oju ma wárii, bịpị anị ḅụ labịgha ḅara ḅụ, wámịna Nyánáḅọ Jizọs Krais ma ḅo ḅụ.

2 Tẹsalonaikaapụ 3:3

Kụ́ma Kị́nị́nyánáḅọ ma ọmịnị ọ ḅụ tẹ́mẹ́ gbánā ọ pịghị ọ ḅụ ịnyọ suabẹm, sị pịghị o koko sii tumḅọ ma ḅarabie.

1 Timoti 1:17

Mị́sa kuu na ipine fịnị Gbámásó Ámányánáḅọ ma pịrị Fịịfịghaḅọ, Tọ́rụ́arịghaḅọ, ori ma ngéré anịị Tamuno ma, akị muu ḅẹsá ḅẹsá láa! Anị ọkọ fịnị.

1 Timoti 6:16

ori ngéré anịị fịịbịgha Tamuno ma ori anịị tumḅọ ine sọma mú láabịgha baá ma bie angaá ḅoo. Gbẹ́rẹ́ḅọ sọọ na jẹ́ éné ori arịgha, gbẹ́rẹ́ḅọ sọọ ine ori arịbịgha. Kuu na ịnyọ fịnị ọ pịrị mú gbámásó láa! Anị ọkọ fịnịị.

2 Timoti 1:12

Mịma goo anịị a go mịná tọ́rụ́siarị ma árịarị nyẹ kụ́ma a pa tẹ́mẹ́kụ́rọ nyanam, tegó a nimim a tẹ́mẹ́ pa ḅụ gbánáḅọ a pịghị nimim ḅẹ́ ọ pa i ḅárabie sua warị nyẹ ma ori ine anị koko warịbẹm akị muu anị ene ma láa.

2 Timoti 4:1

Tamuno na Krais Jizọs tórúku, ḅẹ́rẹ́kọ dumaapụ na fịịapụ pịrịbẹḅọ tegó ḅẹ ọ pịghị sima ḅoarị sị ḅoo taa ámányánáḅọ ḅara, a kụrọma i ḅẹ́m ḅẹẹ,

Hiburuapụ 11:16

Tụ́ma ibiḅaa ama anị n tọ́rụ́ pa dighiarị nyẹ sobie ama ma. Anịma go Tamuno ḅụgịrịrịgha ḅẹ́ nnị nna Tamuno pa osim, tegó ori ama tẹ́lẹ́ma n pịrịmam.

Hiburuapụ 12:22

Tụ́ma Zayọn tụ́ndụ́ anị o tándị ḅo nyẹ dumafịnị Tamuno ma opu ama, sobie Jerusalem na pịghị tọgha tọgha mmẹẹ́ a ndẹ́ẹ oyia si findi sookumuapụ bieḅẹlẹ kubiri ogbo.

Hiburuapụ 13:21

ibi gonyẹ́ gonyẹ́ ḅụ ḅárásua ọ pịrị, ọmịnị o binyẹ mịẹarị sáá ọ pịghị wámịna duma bie o tẹ́mẹ́ ḅẹlẹma nyẹ mịẹ Jizọs Krais ḅụ ḅọ́rọ́, Boma fịnị pịrịḅọ akị mú ḅẹ́ sa láa. Anị ọkọ fịnịị.

Jems 2:5

O pughu, ị́yẹ́ ibi mịnaapụ, Tamuno mị tuminikiri siminiapụ ma sẹ́lẹ́akịm sị nnị opuma minini nyánáapụ sọ sị nnị ma pịghị amadakiri ma nyáná bẹapụ sọ, Tamuno minini ọ ḅẹlẹmaapụ ma pịrịnyẹ.

1 Pita 1:5

Anị fịnị ọ pịrịm, minini ḅụ nnị Tamuno kụ́rọ pa koko wárịapụ pa mị dụaḅọ́rọ́ma ma pịrị, tẹ́lẹ́mamaá nyẹ si anị ḅụ die bii nyẹ sa kunema ḅụ.

1 Pita 5:11

Kụ́rọ ma fịnị ọ pịrị gbáso. Anị ọkọ fịnịị.

2 Pita 1:11

Mị ḅara ma, nnị kụrọ gonyẹ́ gonyẹ́ pa ọ pịrịbẹm sị ọmịnị ine wámịna Nyánáḅọ na wámịna Ḅọ́rọ́máḅọ Jizọs Krais gbámásó amadakiri ma sọ.

2 Pita 3:18

Kụ́ma ọ pa senị́ị́ Wányánáḅọ na wámịna Ḅọ́rọ́maḅọ Jizọs Krais tọ́rụ́kụrụkụ́rụ́ na ori níminyẹ ḅụ. Ipine fịnị ọ pịrị mị́sa akị mú ḅẹsá ḅẹsá la. Anị ọkọ fịnịị.

Judu 1:1

Irị Judu, Jizọs Krais fịrịnwangịḅọ na pịghị Jems numboru owitụ́wọ, mịị diri ma gịẹ pa ọ fịrịmam Tamuno sịmáapụ, pịghị Tamuno Daḅọ ma ḅẹlẹma bie duma kọọapụ, pịghị Jizọs Krais ọ ḅara na kokoapụ.