2 Timoti 4:17 - Ibani New Testament

¹⁷ Kụ́ma Kị́nị́nyánáḅọ ma ịrị na fịnịm sị pighi ịnyọ pa i pịrịm, anịgosi a ine bifụfụụ́ oku ma dugho wásáma juughaapụ gonyẹ́ gonyẹ́ pịrịm ḅẹ́ n náa; n pịghị i duapághámaḅom ọkụ nama ma bịpịbie.

2 Timoti 4:17 ပူးပေါင်းရင်းမြစ်များ

Matiu 10:19

Kụ́ma nnị okumaẹrẹ nḅẹḅẹ́ ọ báláma ọ dugho bẹnyẹ anịgha ọmịnị anị dugho bẹ ḅara. Anịsáa ma ḅụ n pa ọ pịrịbẹm ọ dugho bẹnyẹ.

Ibi Oku Ma Luk Anị Gịẹ Ḅara 1:1

Ị́yẹ́ opu Tiofilọs, kuu ḅụgbẹḅọ, tọghaapụ nna ịnyọ la ḅara mịẹmam sị nyẹ gịẹ diri bie sua, mịẹmáa nyẹ wámịna ogboku bie.

Ibi Oku Ma Luk Anị Gịẹ Ḅara 21:15

Tegó a kịrị níminyẹ na ẹ́gẹ́rẹ́ pa ọ pịrịbẹm sị ọmịna iruonaapụ ine dabịgha nyẹ anịgha pịghị anị pa epele nyẹ mịẹ.

Fịrị Ḅara 23:11

Anị dii ma ḅụ, Kị́nị́nyánáḅọ ma Pọl angásá ḅụ sẹm sị ḅẹẹ, <<Ḅáláfáma! Ị onyẹsẹ́ i pịrịmam mị Jerusalem ḅụ, ị pịghị anị gbẹ́rẹ́ ḅara ma mịẹ i pịrịbẹm Rom ḅụ.>>

Fịrị Ḅara 9:15

Kị́nị́nyánáḅọ warị ọ pagharaa: <

Romapụ 15:31

Ọ tẹ́ghẹ̄ ḅẹ́ ori i dụaḅọ́rọ́ma mininighaapụ ma ḅárabie Judiya bie, ḅẹẹ, Tamuno túminị́ Jerusalem ḅụ fịnịapụ ma a akuoo ḅárásua ma daákịbẹm.

2 Kọrịntịapụ 12:9

Kụ́ma ori i pagharam ḅẹẹ; <<Ị́yẹ́ tọ́rụ́kụrụkụ́rụ́ anịị ị bii nyẹ, ḅẹ́ iyẹ kụrọ anị ḅụ die kụrọma kụ́rọ́mam, ị́yẹ́ kụ́rọ ịrụ sáá.>> Anịgo i bieḅẹlẹm ḅẹ́ a bịpịkpọ ị́yẹ́ ịnyọ ịrụ la ḅara pịrị sị Krais kụ́rọ i gbẹ́ẹ̄ bẹ ḅara.

Ẹ́fịsọsapụ 3:8

Tamuno tọ́ntọ́apụ mamgba ḅụ irịị ịrụ́ḅam, anịsọ Tamuno pa mị opuma nyẹ́la fịrị ma pa i pịrịm ḅẹ́ a muu dugho wásáma Juughaapụ ma pịrị Krais ḅụ fịnị sị tumḅọ ine dọghụpágháma ḅofámábịghaa ngọ,

1 Timoti 1:12

A ịmịẹḅam pa wámịna Nyánáḅọ Krais Jizọs ḅẹm, ịnyọ pa i pị́rị́máaḅọ sị a ine ị́yẹ́ fịrịnwangị. A ịmịẹḅam pa ọ ḅẹm ori ị́yẹ́ árị ḅara ma ḅẹ́ ori ine ịḅụ tẹ́mẹ́ gbánabẹm, anịgo ori tọọm ḅẹẹ a fịrịnwangị ọ pịrị.

2 Timoti 2:1

Mị́sa, irị i tụwọ, sẹ kụ́rọọ́ wa Krais Jizọs ḅụ nyáná tọ́rụ́kụrụkụ́rụ́ ḅụ ḅọ́rọ́.

2 Timoti 2:9

A ibi oku ma dugho wásámam gosi a tọ́rụ́siarịm n pịghị ịkóli pa i ḅara suam sọ́ḅọ́rọ́ ịrị ologho kaa ḅo, kụ́ma Tamuno ẹ́gẹ́rẹ́ ma ịkóli anị ḅụ ofori.

2 Timoti 3:11

I pịghị nimim nnị ị́yẹ́ mbasị ḅara na ị́yẹ́ tọ́rụ́siarị. I kọkọ ịḅụ pághá nyẹ mamgba nimi Antịọkụ, Aikoniyọm ḅụ na Listira ḅụ a inema nyáná pịrị si n pa ị́yẹ́ mbasị opu mbasị! Kụ́ma Kị́nị́nyánáḅọ ma i dụapághámaḅo famam anị ḅarabie.

2 Timoti 4:5

Kụ́ma, ịrị ịḅụ pa gbẹ́rẹ́ ngaa sẹ́ma warị asọ gonyẹ́ gonyẹ́ ḅụ, inema nyána tọ́rụ́siarị pịrị, ibi oku ma dugho wásámaarị ḅo fịrị ma nwángịị, pịghị ị́yẹ́ fịrị gonyẹ́ gonyẹ́ nwángịị Tamuno ómóniḅọ ḅara.

Taitọs 1:3

anị karakárá sa ori anị diepághámam ori oku ḅụ. Mịma anị ọ saghị i ḅarabie suanyẹ a pịghị dugho wásámam Tamuno wámịna Ḅọ́rọ́maḅọ tọ́ọ i pịrị ḅara.

Hiburuapụ 11:33

Minini ḅụ ḅọ́rọ́ nnị ọ́mụ́ pa sẹ́ sẹ́ sẹ́ gbim sị pịghị n sọọḅa, n karakárá nyẹ́ ma mịẹm si Tamuno minini nyẹ ma nyánaḅom, n ḅara pa ọkụ nama bịpị gbẹm.

1 Pita 5:8

Tẹ́lẹ́ma, ọ tọ́rụ́ findi warị! Ọmịna iruonaḅọ Ẹ́kpẹ́dua ma, ikelekelema ḅọ́rọ́arị o kuu kaa pẹẹ́ bẹḅọ dọghụarị.

2 Pita 2:9

Mịnanyẹ mamgba diearị ḅẹ́ Kị́nị́nyánáḅọ ma so nimim ọ Tamuno dighi ḅáláfaapụ ma duaḅọ́rọ́maarị ḅara nna daádighi ḅụ, sị pịghị sii túminị́ ma pa tọ́rụ́siarị ḅụ kóróma ḅẹ́rẹ́kọọ éné la.