2 Timoti 3:8 - Ibani New Testament

⁸ Janesi na Jamberesi, Mosis na nụ́ná ḅara ma anịị mịnaapụ ma karakáráma nụná ḅara, nna tẹ́mẹ́bie mịnị karakárányẹ kórómagha, mịnaapụ anị minini ma gboloma ḅara ḅụ nnị n sịghịmam.

2 Timoti 3:8 ပူးပေါင်းရင်းမြစ်များ

Fịrị Ḅara 15:24

Wa naam ḅẹ́ wamịnị ḅụ bẹ jẹapụ ḅo ḅụḅáláḅálá pa ọ pịrịmam, pịghị nna ẹ́gẹ́rẹ́ ḅụ ḅọ́rọ́ jẹapụ igánimam. Kụ́ma, wa bịpị pa n pịrị sáá ofori sị nnị n mịẹarịnyẹ ma mịẹ.

Romapụ 1:28

Mịná túminị́ ma Tamuno gboloma sị tumḅọ ine nimibẹnyẹ, nnị anị sịghịm gosi nna kóróma ḅụ, Tamuno nna ḅụ ḅárási mịnị tụghụgha kóróma pịrịmam, na nnị mịẹna ibighaa nyẹ ma mịẹ.

Romapụ 16:18

Ọkọfịnị nyẹ ma mịẹarịapụ fịrịnwangị wámịna Nyánáḅọ Krais pịrịgha kụ́ma nna opu furo. Nna ḅẹ́lẹ̄ bịpị na túminị́ kombo ẹ́gẹ́rẹ́ nnị oḅori pa ḅẹnyẹ ḅẹnyẹ nímighaapụ sịarị.

Ẹ́fịsọsapụ 4:14

Wamịnị awọamaapụ ḅara pa nyẹ mịẹbịgha, oḅori pa kị́nị́ sịarịapụ dienyẹ ma duaarịapụ, dinọngụ nyẹ dighi ḅara pa dighiarị nyẹ na fọ́rụ nyẹ dighi ikelekelearị ḅara, pa dighi ikelekelearị nyẹ. Mịná túminị́ ma jẹ́apụ túlúma irima nyẹ bie suam n tẹ́mẹ́bie págháḅo aka na egberi na ḅụ.

1 Timoti 1:19

Pịghị ị́yẹ́ minini ọlọsẹma pịghị fíafía tẹ́mẹ́bie warị, jẹ́apụ jẹ́ sa nna tẹ́mẹ́bie pughugha anịgosi nnị nna minini gulugulumamam.

1 Timoti 4:2

Ọkọfịnị nyẹ́die ma dugho wásámáarịapụ anịị mmẹẹ́ a tọ́rụ́ agidi epeletiapụ, nna tẹ́mẹ́bie fịịmam sọ ḅọ́rọ́ nnị ọfịrị ikúlélu pa dọ́ghụ́ma nyẹ.

1 Timoti 6:5

pịghị sámámgba nna tẹ́mẹ́bie ịlọlịapụ na ḅẹrẹ kpángịrị, mịnị tọ́ntọ́ ẹ́gẹ́rẹ́ ma karakárá nyánágháapụ. Nnị kórómaarị ḅẹ́ Tamuno nimi ma anịị ḅọ́rọ́ igbii nyána asọ.

2 Timoti 4:15

Ịrị sọ ibima ịḅụ ẹbị ọ fịnị angaá tegó o kụ́rọ ḅara pa wámịna oku ma dasẹ́mam.

Taitọs 1:10

Ḅẹ́ tọghaapụ imi osigha nyáná kụrọnyanáapụ pịrịghaapụ, sị ofori ofori nyẹ dughoarịapụ pịghị mịẹsị jẹ́apụ n minini. Mịma anị jẹa Juuapụ Krais ḅụ ḅo mininimáapụ mịẹarịnyẹ.

Taitọs 1:16

Nnị bịpị ḅụ dughoarị ḅẹ́ n Tamuno nimim, kụ́ma nna mịẹnyẹ ḅụ nnị o pighiarị. Mịị túminị́ ma nnị Tamuno ḅụ siiapụ, nnị pịghị ọ bịpị pughugha, nnị ibi pịrị gbẹ́rẹ́ fịrị sọ ofori.

2 Pita 2:14

Nnị ọ́rụ́ḅọ árị sa gonyẹ́ gonyẹ́ nnị ánáná gboloma dọ́ghụm, nna siiamịẹnyẹ pụghọ ma jẹ́ éné jẹ́ éné bibịẹgha, nnị ine ḅụ ọlọghaapụ daa mú diabie suaarị, nnị nna tẹ́mẹ́bie nnị n diemam ḅẹ́ nnị opu tọ́rụ́ nyánam. Tamuno si fị́lā nna sịbị ọgọnọ imim.

1 Jọn 2:18

Ị́yẹ́ awọ, kunema ma kikiamam; n koko dugho ọ pịrị ḅẹ́ Krais iruonaḅọ ma ḅobẹm; mị́sa tọgha Krais iruonaapụ págháḅomam, anị wa ḅọ́rọ́ pịghị nimi angaá ḅẹ́ kunema ma kikiamam.

1 Jọn 4:1

Ị́yẹ́ ibi nangwọapụ, ọ tẹ́mẹ́ gonyẹ́ gonyẹ́ minini ma, kụ́ma tẹ́mẹ́ mamgba daádighi pa nimi ḅọ́rọ́ nnị Tamuno ḅara saghị ḅo, tegó tọgha tọgha epele ikiakoroapụ tuminikiri ma sọmam.

Puu Findi 2:20

<

Puu Findi 2:6

Kụ́ma mịma anịị a pa ọ túminí bẹnyẹ; ḅẹẹ ọ Nikolasị duarịapụ ma mịẹarịnyẹ ḅẹlẹmagha.