2 Timoti 3:10 - Ibani New Testament

¹⁰ Ịrị kọkọ ị́yẹ́ dienyẹ mamgba nimi, ị́yẹ́ duma ḅara, a goo a mịẹarịnyẹ mịẹnyẹ, ị́yẹ́ minini, ị́yẹ́ inéma, ị́yẹ́ ḅẹlẹma, ị́yẹ́ ngịrịma.

2 Timoti 3:10 ပူးပေါင်းရင်းမြစ်များ

Ibi Oku Ma Luk Anị Gịẹ Ḅara 1:3

Anịma gosi, Ị́yẹ́ Opu, Tiofilọs, a tọ́rụ́ kịsịma mịị nyẹ mamgba dáwọ́mam anị saghị sa, a sịịm ḅẹ́ anị ḅụ́gbẹm a gbụ́nụ́nụ́ ḅara pa nyẹ mamgba gịẹ pághámá ị pịrị anị fịnị ḅara.

Fịrị Ḅara 11:23

Ori anị ngaa láa sáá, ori arịm Tamuno ma túminị́ ma bomamáa ḅara, o bieḅẹlẹm, warị n ḅẹ́ nnị sẹ kụ́rọ pịghị karakárá ḅụ fịnị Kị́nị́nyánáḅọ ma pịrị n Tẹ́mẹ́ gbọrụ mamgba.

Fịrị Ḅara 2:42

Nnị warị sáá ngúmá nfịrịmaapụ ma ḅárabie nyẹ dáwọ pịghị mịẹgbólóma nyáná nnị pịghị mịẹgbólóma nyánam fị́nyẹ ḅụ na tẹ́ghẹ̄ ḅụ.

Fịrị Ḅara 20:18

Nnị ḅo láa sáá, ori n ḅẹm ḅẹẹ, <

Fịrị Ḅara 26:4

<

Romapụ 16:17

Mịnaapụ, a ọ tẹ́ghẹ̄m ḅẹ́ ọ tọ́rụ́ pa puama dighiḅoarịapụ ma ḅụ gbánā, mininiapụ mịẹarịapụ sị n bịghị pighi asọ mgbẹsẹ dighiḅọ ọ dáwọ ḅomaá dienyẹ ma pịrịarịapụ. Ḅụ kile nna ḅụ!

2 Kọrịntịapụ 1:17

A mịma tọarị sa, a sárásárá ḅara pa ịḅụ warịị́? A iyẹ nyẹ tọarị sa a tuminikiriapụ ḅara pa anị tọ́ọ, sị tẹ́lẹ́ma fịnị sị <> na <> ḅẹ́ anị gbẹ́rẹ́sa ma ḅụ?

Ẹ́fịsọsapụ 4:14

Wamịnị awọamaapụ ḅara pa nyẹ mịẹbịgha, oḅori pa kị́nị́ sịarịapụ dienyẹ ma duaarịapụ, dinọngụ nyẹ dighi ḅara pa dighiarị nyẹ na fọ́rụ nyẹ dighi ikelekelearị ḅara, pa dighi ikelekelearị nyẹ. Mịná túminị́ ma jẹ́apụ túlúma irima nyẹ bie suam n tẹ́mẹ́bie págháḅo aka na egberi na ḅụ.

Filipaiapụ 2:20

Ori anịị i tẹ́mẹ́ nimiḅọ ọ pịghị opuma ọmịna ḅụ ibi dọ́ghụm.

Filipaiapụ 2:22

Ọmịnị kị́nị́mamgba nimim Timoti ọ ḅụ die maá ḅara ọ láanyẹ, ori na i nana, wa tụ́wọ na ọ daa na ḅara, wa fịrịnwangị gboloma maá ḅara ibi oku ma gosi.

1 Tẹsalonaikaapụ 1:5

Wamịnị ibi oku ma akuoo ọ pịrịm, ẹ́gẹ́rẹ́ ḅụ ngéréghaa, kụ́ma kụ́rọ ḅụ na pịghị Tọ́ntọ́ Tẹ́mẹ́ ma ḅụ, wa pịghị diepághámam wa káara ḅara pa anị karakárá minini ḅara. O nimim wa duma kọọ ḅara wamịnị ọ nana fịnị sáá, anịị ọmịna ibi gosi.

1 Timoti 1:3

A bim ḅẹ́ ịrị Ẹ́fịsọs ḅụ fịnị, a dugho ị pịrị ḅara ma a Masidoniya múuarị sáá. Jẹa túminị́ Ẹ́fịsọs ma ḅụ iruonyẹ anịị nnị diearịnyẹ, asọ dọghụ sị n kikii.

1 Timoti 4:6

Ị ḅọ́rọ́ mịnanyẹ ma pa mininiapụ ma biekóróma kóróma, anịị a dugho kórómanyẹ ma, ịrị Krais Jizọs ibi fịrịnwangịḅọ sọ́bẹm, minini ma karakárá ḅụ n dighi pághámaḅoḅọ na pịghị ị́ duamaa karakárá dienyẹ ma.

1 Timoti 6:11

Kụ́ma ịrịị, Tamuno tumḅọ ịḅụ darịma mịnanyẹ mamgba ḅụ, karakárá ibiamịẹnyẹ dọghụ pa sịbị sághị, Tamuno nimi, minini, ḅẹlẹma, ngịrịma na diin mịẹnyẹ.

2 Timoti 2:22

Ọmịnị ọ ḅụ si ásáawọ na ẹ́rẹ́maawọ ojumẹnị tarịarịnyẹ ma ḅụ, sị ịnyọ pa karakárá ibiamịẹnyẹ dua, minini, ḅẹlẹma na diin na. Ị mịma mịẹbẹm ịrị na tẹ́mẹ́ fíafía ḅụ Kị́nị́nyánáḅọ ma sịarịapụ mamgba ḅẹ́ ọ ḅárásua n pịrị.

2 Timoti 4:2

oku ma dugho wásáma, arịị ḅẹ́ ị anị dugho wásámaarị sáá ma karakárá o karakáragha o mịẹsị nnị akanyaḅo, iganịị pịghị nna tẹ́mẹ́ mịẹ kụ́rọ́maá, ị pịghị ngịrịma ḅara pa nyẹ́diearị ḅara.

2 Timoti 4:3

Sáá ma ḅoarị túminị́ mịnị birifama karakárá dienyẹ ma pịrịbịgha sáá, nnị nna ḅụ tarị nyẹ duabẹm, sị nyẹ́dieapụ táa tụndụrụma nna ḅụ pịrị, nna biri náa dọghụnyẹ pa n die bẹapụ.

2 Timoti 4:7

A ibi owu sọmam, mangị ma a mangị mú sịbị lámam, a pịghị minini ma wárịmam.

Taitọs 2:7

Nyẹ́ gonyẹ́ gonyẹ́ ḅụ, ịḅụ die ḅẹ́ ị sẹ ibiamịẹnyẹ pa tọ́ma bẹnyẹ pịrịm, ị́yẹ́ dienyẹ ḅụ, sẹ karakárá pịrị, pịghị i diearịnyẹ ma pa nyẹ́sị.

Hiburuapụ 13:9

O minima tọ́rụ́kịrịkị́rị́ dienyẹ ọ daa irima karakárá asọ ma ḅụ. Anị ibim ḅẹẹ tumḅọ biebẹ ịnyọ nyáná ḅo Tamuno tọ́rụ́kụrụkụ́rụ́ ḅụ, mịnị saghị fị́nyẹ ólóghó kokogha, ọmịna bie mị ólóghó ma kokoapụ, mị ólóghó ma so ḅárásua n pịrịgha.

2 Pita 3:11

Mịnanyẹ ma mị ḅara pa gulugulufama bẹ ḅara ma, ọmịnị anịị tọ́rọ fịnị túminị́ ḅara? Ọ tọ́ntọ́ duma kọọ, pịghị ọmịna ḅụ saghị Tamuno ḅárásua,