2 Timoti 2:25 - Ibani New Testament

²⁵ diin ḅara pa i nana nụnaapụ ma daatụ́ghụ́ma, tegó Tamuno ine mịẹbẹm si nnị asọ árị sị sii ḅụ pịghị sị karakáráma nimii.

2 Timoti 2:25 ပူးပေါင်းရင်းမြစ်များ

Matiu 11:29

Iyẹ kọ́ngọ sua sị ma sua, sị i ḅara nyẹ dáwọ, ḅẹẹ a diin pịghị ḅụ sitéréma tẹ́mẹ́ nyánam, ọ pịghị ịnyọ́sárá nyáná ḅo ọmịna tẹ́mẹ́ pịrịbẹm.

Matiu 21:32

Ḅẹẹ Jọn ọ damaḅom ḅẹẹ ọ karakárá ibiamịẹnyẹ asọ ma pa o die, ọ pighi o mininigha, kụ́ma ásẹ́mẹ́kiri ósó igbii daapụ na sẹfịapụ o mininim. Ọ mịma árị fama sáá sọ ọ mini sii ḅụ pịghịgha sị ọ minini.

Ibi Oku Ma Mak Anị Gịẹ Ḅara 1:15

Warị ḅẹẹ, <>

Ibi Oku Ma Jọn Anị Gịẹ Ḅara 5:34

Ọkọgha ḅẹẹ, a túminị́ dugho págháma nyẹ daákịm; kụ́ma a anị dughom sị ọmịnị ine dụaḅọ́rọ́ma nyáná bẹ ḅara.

Fịrị Ḅara 11:18

Nnị mịma náa sáá, nnị mịnị ine ẹ́gẹ́rẹ́gha, kụ́ma Tamuno bomam ḅẹẹ, <>

Fịrị Ḅara 2:38

Pita warị nnị ḅẹẹ, <<Ọ́rụ́ḅọ ọ́rụ́ḅọ amịna sii ḅụ pịghị sị mingi sara Jizọs Krais ẹ́rẹ́ ḅụ sị, siiḅụḅarasipịrị nyáná, anịsáa, ọ Tamuno dienyẹ ma nyánábẹm, Tọ́ntọ́ Tẹ́mẹ́ ma.

Fịrị Ḅara 20:21

Juuapụ akị mú Juughaapụ láa a ibima nna biri nụ́nụ́m ḅẹẹ nnị nna sii ḅụ pịghị sị Tamuno dua, sị minini nyánáa Wányánáḅọ Jizọs Krais ḅụ.

Fịrị Ḅara 5:21

Nfịrịmaapụ ma sookumuḅọ bịpị pughum, éné ḅa nyẹ ma nnị warị Tamunowarị ma sọ sị sághị nyẹ die. Igwagwaalaḅọ ma na oria túminị́ na warị Izirẹlị sẹ́nịapụ ma sị kobiri sị kubiri ogbo ma bịpị pa ogbo sua, warị bịpị fịrịma ḅẹẹ nnị ịkóli ma bie nfịrịmaapụ pa nna tórúku ḅoo.

Fịrị Ḅara 5:31

Tamuno ọ saghị pa kuu ḅụ kórómam ori amaḅaranga sịbịdáḅọ na dụaḅọ́rọ́maḅọ, sị Izirẹlịawọ asọ arịị sị nna sii ḅụ pịghị bẹ ḅara, sị pịghị siiḅụḅárasi pịrị nyáná bẹ ḅara.

Fịrị Ḅara 8:22

Ị tọ́ọ siinyẹ ma bie pịghịị sị Kị́nị́nyánáḅọ tẹ́ghẹ̄ sị o sii wáriso ị pịrịị, ị go ọkọfịnị kóróma kórómanyẹ.

Galesiaapụ 6:1

Ị́yẹ́ amịna owiapụ, nnị ḅọ́rọ́ kị́nị́ kuu ọkụ́ma siiamịẹnyẹ ḅụ, ọmịnị Tọ́ntọ́ Tẹ́mẹ́ ma nyánáapụ diin ḅara pa n pa karakárá asọ ma ḅụ warị. Kụ́ma ḅụ ẹbị sị ịrịsọ daádighi bie sọbịgha ḅara.

1 Timoti 2:4

biḅọ ḅẹ́ kị́nị́mamgba dụaḅọ́rọ́ma nyáná sị n ḅoo pịghị karakárá ma nimii.

1 Timoti 6:11

Kụ́ma ịrịị, Tamuno tumḅọ ịḅụ darịma mịnanyẹ mamgba ḅụ, karakárá ibiamịẹnyẹ dọghụ pa sịbị sághị, Tamuno nimi, minini, ḅẹlẹma, ngịrịma na diin mịẹnyẹ.

2 Timoti 3:7

Mịná ẹ́rẹ́ámáapụ ma sámámgba nyẹ dawọarị kụ́ma ine ḅoo karakárá ma nimiḅogha.

Taitọs 1:1

Mịị diri ma ịrị Pọl ḅara saghịḅom, ịrị anịị Tamuno ma ómóniḅọ pịghị Jizọs Krais fịrịmaḅọ, ori i tọọm ḅẹ́ a mú Tamuno sẹlẹakịapụ ma daa karakáráma sị n minini nyáná bẹ ḅara sị pịghị karakárá ma nimi mịẹsị nnị ine ibima Tamuno ma dua,

Taitọs 3:2

Dugho n pịrị ḅẹ́ nnị gbẹ́rẹ́ḅọ sọ dughosima ma, kụ́ma diin dọghụ, nangwọ mịẹ, pịghị ḅụ́sitéréma ḅara pa kị́nị́mamgba na ngaa.

Jems 1:17

Tamuno pịrịnyẹ gonyẹ́ gonyẹ́ ibim pịghị kpainm, sobie saghị ḅo nyẹ gonyẹ́ gonyẹ́ anị ibim pịghị kpainm Tamuno ḅara anịị anị saghị ḅoarị nyẹ.

1 Pita 3:15

Kụ́ma ọmịna tẹ́mẹ́bie, ọ susi Krais pịrị, pịghị kuu pa ọ pịrị Kị́nị́nyánáḅọ ḅara, sámámgba, ọ tẹ́lẹ́ma ọmịnị ine n ḅo pagharaa bẹ ḅara, o gbíla ḅo ḅẹ́ o dughofindi ọmịna bie ọ nyáná tọ́rụ́ dighinyẹ.

1 Jọn 5:16

Ḅọ́rọ́ kị́nị́ amịna mị́naḅọ árị, siinyẹ mịẹ, kụ́ma mị siinyẹ ma fịị dighiḅogha, anị ibim ị Tamuno tẹ́ghẹ̄ n ḅọ pịrị, ine duma pa nḅọ pịrịbẹḅọ. Mịma gbolomaapụ anịị nna sii n dighi mú fịị bie suughaapụ kụ́ma fịị dighiḅọ bẹ sii imi, a ḅẹgha ḅẹ́ ị Tamuno ma tẹ́ghẹ̄ anịma gbólómanyẹ.