2 Timoti 2:21 - Ibani New Testament

²¹ Ọ ḅụ sịrịpághámaḅo ḅọ mịnanyẹ mamgbabie, anịḅọ ma nnị nḅọ pa sosighima fịrị nwángịbẹm, tegó anịḅọ ma nḅọ fịrị pa nyẹ́sim pịghị sọnyẹ sọọ nḅọ Nyánáḅọ pịrịm, pịghị tẹ́lẹ́ma ibifịrị gonyẹ́ gonyẹ́ kúruarị.

2 Timoti 2:21 ပူးပေါင်းရင်းမြစ်များ

Fịrị Ḅara 9:15

Kị́nị́nyánáḅọ warị ọ pagharaa: <

1 Kọrịntịapụ 5:7

Olom yisti ma inwima si, anịị siiamịẹnyẹ ma, anịsáa i ḅo ịwọḅọ dighibẹm yisti nyanagha nyẹ ọ su karakáráma fịnị ḅara. Tegó n Krais pa igwagwaá wa pịrịmam wámịna Sáḅáḅọ́rọ́ ánáná ḅara.

2 Kọrịntịapụ 7:1

Ị́yẹ́ ibi nángwọ́apụ mịnanyẹ mamgba n minini pa wa pịrịm, anịgo wa wámịna ḅụ mịẹ fiafiama, wámịna oju anịgha wámịna tẹ́mẹ́ ịlọlịma bẹnyẹ gonyẹ́ gonyẹ́ ḅụ, wa pịghị káara ḅara ḅụ tọ́ntọ́ duma kọọ Tamuno ḅụ.

2 Kọrịntịapụ 9:8

Tamuno ma pịghị ine o bi ḅara nẹ́ngị nyẹ mịẹ ọ pịrịbẹm. Si o bii nyẹ gonyẹ́ gonyẹ́ sámámgba ọmịnị anị nyáná ọ ḅụ pịrịbẹ ḅara, pịghị anị nyáná wásáma sị pa ibifịrị gonyẹ́ gonyẹ́ nwángị.

Ẹ́fịsọsapụ 2:10

Wamịnị anịị Tamuno ḅárafịrị, Krais Jizọs bie n tẹ́mẹ́apụ ibifịrị gosi, Tamuno tẹ́lẹ́ma maá nyẹ ḅẹ́ wamịnị anị mịẹ.

1 Timoti 6:11

Kụ́ma ịrịị, Tamuno tumḅọ ịḅụ darịma mịnanyẹ mamgba ḅụ, karakárá ibiamịẹnyẹ dọghụ pa sịbị sághị, Tamuno nimi, minini, ḅẹlẹma, ngịrịma na diin mịẹnyẹ.

2 Timoti 2:16

Ịḅụ sii dárímaá Tamuno osigha na oḅori ẹ́gẹ́rẹ ḅụ, túminị́ dee ḅọlọanga mumu nyẹ Tamuno fịnị angaá.

2 Timoti 2:20

Opu wárịbie tọ́rụ́kịrịkị́rị́ ẹ́fẹ́rẹ na bọlị anịị fịnịnyẹ: jẹa nyẹ pị́naḅala jẹ́anyẹ odoḅala anịị n pa anị tẹ́mẹ́nyẹ, jẹa nyẹ sị anịị n pa anị tẹ́mẹ́nyẹ, jẹa nyẹ urọ átụ́ma anịị nnị pa anị tẹ́mẹ́nyẹ; jẹ́anyẹ álálị ḅụ anịị nnị anị pa fịrị ḅụ súúarị nyẹ, jẹ́anyẹ papa sáá anịị nnị anị pa fịrị ḅụ suuarị nyẹ.

2 Timoti 3:17

Mịị ḅárá ma fịrịnwangị Tamuno pịrịarịḅọ gonyẹ́ gonyẹ́ nyẹ́dáwọ ḅụ karakárámabẹm sị ori ine ibifịrị gonyẹ́ gonyẹ́ nwángị bẹ ḅara.

2 Timoti 4:11

Luk ngéré anịị ịrị na fịnịḅọ. Mak akị sị ori na ḅoo tegó ori ine ḅárásua ị pịrịbẹm ị́yẹ́ fịrị ḅụ.

Taitọs 3:1

Pa mininiapụ biekóróma ḅẹ́ nnị ḅụ sitéréma táarịapụ na sịbịdaapụ pịrị, ḅẹ́ nnị n bịpị pughu, n pịghị tẹ́lẹ́ma sị ibifịrị nwángị asọ kịrịkị́rị́ ḅụ.

Taitọs 3:14

Wámịna mịnaapụ Krete ḅụ fịnị mininiapụ ma ibifịrị nwángị ma pa nna mịẹmịẹnyẹ mịẹ, nnị ine éné éné ḅụ npalịma nyẹ nyáná nna ḅụ pịrịbẹ ḅara. Nnị sọ́nyẹ bie ofori duma kọọma.

Taitọs 3:8

Mịị karakárá dughonyẹ, a bim ḅẹ́ ọmịnị anị dugho, anị dugho ḅarị, sị Tamuno ma ḅụ mininimáapụ nimi bẹ ḅara sị nnị nna sa fama ibifịrị nwángị bẹ ḅara. Mịnanyẹ ma opuma ibim, anị pịghị sọ́nyẹ sọ kị́nị́mamgba pịrịbẹm.

1 Pita 1:22

Ḅẹ́ mị́sa ọmịnị ọmịna ḅụ mịẹ yóriyórimamáa ḅara ma karakárányẹ ma mịẹ ḅụ, ọ pịghị mị́sa karakárá ḅẹlẹma nyáná jẹ́ mininiapụ ma pịrịmam, ọmịnị ọmịna tẹ́mẹ́bie gbọrụ pa ibiḅara pa jụghọ jụghọ ḅẹlẹma.

1 Pita 1:7

Mịị daádighi ma anịị pa diepágháma ḅẹ́ ọmịna minini ma anịị karakárányẹ ma. Odoḅala sọ, tumḅọ ine sima ḅẹnyẹ, fịnị anị n pa anị daádighi dighinyẹ. Anịma go, ọmịna minini nyẹ́la odoḅala nẹ́ngị nyẹ, n pa daádighi bie sua nyanam sị nimi anị ibi láa ḅara. Anịsa ọ túmíní na ipine na kuu nyánábẹm Jizọs Krais ọ ḅụ die bẹ éné.

1 Jọn 3:3

Mịị tọ́rụ́ dighinyẹ ma nyánáḅọ gonyẹ́ gonyẹ́ Krais ḅụ amịna ḅụ pa fiafiama wárị wárim, Krais so fíafía fịnị ḅara.