2 Timoti 1:16 - Ibani New Testament

¹⁶ Tamuno lolomakúkúbie nyána Onesiforọs wárị pịrị, tegó tọgha sáá ori i tẹ́mẹ́ mịẹ saghịmam, anị pịghị ọ ḅụgịrịrịmagha ḅẹ́ a ikólibie imii.

2 Timoti 1:16 ပူးပေါင်းရင်းမြစ်များ

Matiu 25:17

Anị gbẹ́rẹ́ ḅara ma anịị nnị mmẹẹ́ a igbii akpa pa pịrịḅọ ma jẹ́ mmẹẹ́ igbii akpa nyáná ḅo ḅara.

Matiu 5:7

Karịiḅi fịnị lolomakúkúbie nyánáapụ pịrị tegó, Tamuno pịghị lolomakúkúbie pa nnị diebẹm!

Fịrị Ḅara 21:33

Sịbịdáaḅọ ma warị Pọl dama mú sị o kuu, warị ḅẹ́ nnị mmẹẹ́ ịkóli pa Pọl kpọọ, ọ warị anịsáa gbíla ḅẹẹ, <>

Fịrị Ḅara 28:20

Anị a go bii nyẹ ḅẹ́ a ọmịnị arịị sị ọ nana ẹ́gẹ́rẹ́kọọ. Karakárányẹ nwọpa anịị nnị ịkóli pa i ḅárásua nyẹ, ori ma gosi, wámịna túminị́ Izirẹlịapụ ọ ḅụ tọ́rụ́ dighinyẹ nyánáḅọ.>>

1 Kọrịntịapụ 16:18

Nnị pịghị wámịna tẹ́mẹ́ sị suumam nnị ọmịna tẹ́mẹ́ sị warị suu ḅara. Nwọfịnị owiapụ ọmịnị nnị pa kuu soma.

Ẹ́fịsọsapụ 6:20

Mịị ibi oku ma gosi, ịrị sẹ oku muḅọ kụ́ma mị́sa ikóliwarịbie a imim. Ọ tẹ́ghẹ̄ i pịrị ḅẹ́ a ine ḅáláfagha ḅara pa ibi oku ma dugho wásámabẹm anị ḅụ́gbẹ́ ḅara.

2 Timoti 1:12

Mịma goo anịị a go mịná tọ́rụ́siarị ma árịarị nyẹ kụ́ma a pa tẹ́mẹ́kụ́rọ nyanam, tegó a nimim a tẹ́mẹ́ pa ḅụ gbánáḅọ a pịghị nimim ḅẹ́ ọ pa i ḅárabie sua warị nyẹ ma ori ine anị koko warịbẹm akị muu anị ene ma láa.

2 Timoti 1:17

Kụ́ma o ḅoo Rom láa gbẹ́rẹ́kirikiri ọ saghị i dọghụ wárii o ḅoo ị́yẹ́ arịm.

2 Timoti 1:18

Kị́nị́nyánáḅọ ma lolomakúkúbie nyáná ọ pịrị anị éné ma ḅụ! I kọkọ pịghị ibima nimi ọ mịẹ i pịrịnyẹ láa ḅara Ẹ́fịsọs ḅụ.

2 Timoti 1:8

Anịgosi, ḅụ́gịrịrịma sị wámịna Nyánáḅọ ma gbolomanyẹ dugho págháma; anịgha i dighi ḅụ́gịrịrị ịrị ikólinaḅọ Krais sịbị goo. Anịmanakaragha ị́yẹ́ diekiri ákịị si tọ́rụ́siarị ibi oku ma pịrị Tamuno ịnyọ pa ịḅụ sua lama ḅara ḅụ.

2 Timoti 4:19

A sịbịpị fịrịma Pirisiliya na Akwila siim na pịghị Onesiforọs wárịapụ.

Fịlẹmọn 1:20

Anịgo ị mị́naḅọ owitụ́wọ, mịị ibi ma pa i mịẹ Kị́nị́nyánáḅọ gosi. Ị́ mị́naḅọ owitụ́wọ ḅara Krais bie, mịẹsị i tẹmẹ bieḅẹlẹ.

Fịlẹmọn 1:7

Ị́yẹ́ ḅẹlẹma wámịna mị́naḅọ owitụ́wọ, opu bieḅẹlẹ na ịwọ ịnyọ pá ịḅụ suamam ị Tamuno túminị́ tẹ́mẹ́ mịẹ ḅẹ́lẹ́mamam.

Hiburuapụ 10:34

Ọ pịghị ikólinaapụ dua tọ́rụ́siarịm nnị pịghị ọmịna ngọ kaakị sa, ọ pịghị bieḅẹlẹ ḅara pa ọmịna faá ma akịm, tegó o nimim ḅẹ́, ọmịna nyẹ ma nẹ́ngị nyẹ nyánam, pịghị fịnị mú gbámásó láa ḅẹnyẹ.

Hiburuapụ 6:10

Tamuno ori anịị karakárá ḅo ma. Ori ọmịna fịrị pa bieḅáramabịgha anịgha ọ nyána ọ pịrị ḅẹlẹma, ọ pịghị nyáná, pịghị pa nyánáarị ḅárásua pa Krais asọ duaarịapụ ma pịrịarị.