2 Tẹsalonaikaapụ 3:6 - Ibani New Testament

⁶ Wámịna Daa awọ, wa Wámịna Nyánáḅọ Jizọs Krais ẹrẹ ḅụ kụ́rọ́ma dugho ọ pịrịarị ḅẹẹ ọ ḅụ fóofóo ma mini nna ḅara pa fịrịnwangị dọghụghaapụ fịnị angaá na pịghị wa pa n pịrị againma ma duaghaapụ fịnị angaá.

2 Tẹsalonaikaapụ 3:6 ပူးပေါင်းရင်းမြစ်များ

Matiu 18:17

Ọ ḅọ́rọ́ mini n pughugha, dugho pa sọsị ma pịrị, ọ ḅọ́rọ́ pịghị mini sị sọsị ma sọ pughugha anịsáa Tamunonimighaḅo ḅara anịgha ásẹ́mẹ́kiri ósó igbii daa ḅo ḅara pa n ḅo na mịẹ.

Romapụ 16:17

Mịnaapụ, a ọ tẹ́ghẹ̄m ḅẹ́ ọ tọ́rụ́ pa puama dighiḅoarịapụ ma ḅụ gbánā, mininiapụ mịẹarịapụ sị n bịghị pighi asọ mgbẹsẹ dighiḅọ ọ dáwọ ḅomaá dienyẹ ma pịrịarịapụ. Ḅụ kile nna ḅụ!

1 Kọrịntịapụ 11:2

A o túminim tegó sáá mamgba ọmịnị i pa biekórómáarị, ọ pịghị a sághị ọ pịrị dienyẹ ma duaarị.

1 Kọrịntịapụ 5:4

O kobirimaẹrẹ wámịna Nyánáḅọ Jizọs ẹ́rẹ́ ḅụ a pịghị ọ nana imi ḅara tẹ́mẹ́ ḅụ wámịna Nyánáḅọ Jizọs kụ́rọ ma sọ imi,

1 Kọrịntịapụ 5:9

A gịẹ ọ fịrịmam ḅẹ́ ọmịnị yáakuu ḅụ ofori nwángị kọọarịapụ na gbolomanyẹ nyáná ma.

2 Kọrịntịapụ 2:10

Ọmịnị siiḅụḅarasi siinyẹ pa ọmieapụ pịrị sa, irịsọ pịghị siiḅụḅárasi n pịrịm. Ḅọ́rọ́ karakáráma, a siiḅụḅarasi ḅẹnyẹ ḅẹnyẹ pịrịm, a anị mịẹarị Krais tórúku ọmịna sịbị gosi.

Ẹ́fịsọsapụ 4:17

Kị́nị́nyánáḅọ ẹrẹ ḅụ, a mịma dugho ọ pịrịm pịghị anị ḅụ sẹ ḅẹ́ ọmịnị Tamuno nímighaapụ ḅara pa duma kọọma, amịna kóróma nyẹ́ḅụ oforighaapụ.

Kolosiapụ 3:17

Ọ mịẹnyẹ gonyẹ́ gonyẹ́, ḅọ́rọ́ ẹ́gẹ́rẹ́ ḅụ anịgha mịẹnyẹ ḅụ, nyẹ gonyẹ́ gonyẹ́ mịẹ Kị́nị́nyánáḅọ Jizọs ẹrẹ ḅụ, ịmịẹḅam pa Tamuno Daḅọ ma pịrịarị ori ẹrẹ ḅụ ḅọ́rọ́.

1 Tẹsalonaikaapụ 4:1

Kunemaá, wámịna Daa awọ, ọ wámịna ḅara dawọḅomam ọ duma kọọ bẹ ḅara sị anị Tamuno ḅụ ḅẹ́lẹ̄. Mị ḅara ma anịị o duma kọọarị ḅara. Mị́sa wamịnị ọ tẹ́ghẹ̄m opuma ḅẹ́ Kị́nị́nyánáḅọ Jizọs ẹrẹ ḅụ ọmịnị ibi mịma nẹ́ngị ḅara pa duma kọọ.

1 Tẹsalonaikaapụ 4:11

Pa ọmịna fịrị mịẹ ḅẹ ọ diin duma kọọm, tọ́rụ́ pa jẹ́apụ nyẹ bie suama, ọmịnị ọmịna ḅara pa fịrịnwangị ọ ḅụ pịrị, wa parị dugho ọ pịrị ḅara.

1 Tẹsalonaikaapụ 5:14

Wa pịghị ọ tẹ́ghẹ̄m, wámịna Daa awọ, ọ mini fịrịnwangịghaapụ ma birinụ́nụ́ ḅẹẹ, nnị ọkọ mịẹma, nnị ḅáláfáarịapụ ma kúkúbie kụrọma, ḅárásua ḅárásua biapụ pịrị, mgịrịma nyáná kị́nị́mamgba pịrị.

2 Tẹsalonaikaapụ 2:15

Anịgosi, wámịna Daa awọ, ọ kụrọ sẹ sị wa pa o die karakáráma ọlọọ kụ́rọ́ma, wámịna dugho wásáma nyẹ ḅụ na pịghị wa gịẹ ábálálá ḅụ.

2 Tẹsalonaikaapụ 3:7

Ọmịna ḅụgbọrụ kọkọ ibima nimi ḅẹẹ wa mịẹnyẹ anịị ọmịnị sọ mịẹbẹnyẹ. Wa itilagha wamịnị ọ nana fịnị sáá.

1 Timoti 5:21

Wámịna Tamuno tórúku na pịghị Krais Jizọs tórúku na pịghị tọ́ntọ́ sookumuapụ ma tórúku. A dugho kụrọma ọ pịrịm ḅẹ́ ọ mị ẹ́gẹ́rẹ́ ma pa nyẹ si, ḅẹ́ ma ḅẹ́ mingaḅọ ibim, mingaḅọ ibighaa, ị mịẹarịnyẹ gonyẹ́ gonyẹ́ ḅụ.

1 Timoti 6:5

pịghị sámámgba nna tẹ́mẹ́bie ịlọlịapụ na ḅẹrẹ kpángịrị, mịnị tọ́ntọ́ ẹ́gẹ́rẹ́ ma karakárá nyánágháapụ. Nnị kórómaarị ḅẹ́ Tamuno nimi ma anịị ḅọ́rọ́ igbii nyána asọ.

2 Timoti 3:5

Tamuno kịkama duma nyáná kụ́ma ori kụ́rọ ma pighi. Nnị na ḅẹnyẹ ḅẹnyẹ nyáná ma.

2 Timoti 4:1

Tamuno na Krais Jizọs tórúku, ḅẹ́rẹ́kọ dumaapụ na fịịapụ pịrịbẹḅọ tegó ḅẹ ọ pịghị sima ḅoarị sị ḅoo taa ámányánáḅọ ḅara, a kụrọma i ḅẹ́m ḅẹẹ,

2 Jọn 1:10

Anịgo, ḅọ́rọ́ kị́nị́ ọ damaḅom sị mị dienyẹ ma akuogha, anị tumḅọ ma daa ị wárị suu ma, pịghị ọ ḅẹ́ ma ḅẹ́ diin ị nana fịnị.