2 Tẹsalonaikaapụ 3:5 - Ibani New Testament

⁵ Kị́nị́nyánáḅọ o daa mú sị ọmịnị dụḅaḅá ḅara pa Tamuno ḅẹlẹma akanyaḅo na pịghị Krais pịrịarị ngịrịma.

2 Tẹsalonaikaapụ 3:5 ပူးပေါင်းရင်းမြစ်များ

Romapụ 5:5

Mịị tọ́rụ́ dighinyẹ ma wa gbarịgbarịgha, Tamuno ori ḅẹlẹma pa wámịna kúkúbie saramam ori Tọ́ntọ́ Tẹ́mẹ́ pa, anịị wa ọ ḅara nyáná ḅo diepịrịnyẹ.

Romapụ 8:25

Kụ́ma ḅọ́rọ́ wa tọ́rụdighinyẹ nyáná wamịnị arịgha nyẹ ḅụ, wa ingịrịma nyáná sị anị kurubẹm.

Romapụ 8:28

Wa nimim bẹnyẹ gonyẹ́ gonyẹ́ ḅụ Tamuno ibinyẹ mịẹ ọ ḅẹlẹmaapụ pịrịpịrịm, ọ sịị́apụ ọ mịẹ dọghụnyẹ gosi.

1 Kọrịntịapụ 8:3

Kụ́ma Tamuno ḅẹlẹma ḅọ Tamuno sọ pịghị n ḅo nimim.

Galesiaapụ 5:22

Kụ́ma Tẹ́mẹ́ ma pághámaḅoarị sịmgbọlụ anịị, ḅẹlẹma, bieḅẹlẹ, diin, ngịrịma, ibitẹ́mẹ́ nyána jụghọ jụghọ pịrị ibinyẹ, tẹ́mẹ́ gbánā,

1 Tẹsalonaikaapụ 1:10

pịghị ọ Tụ́wọ kúru o sobie saghị ḅo ọ Tụwọ Jizọs, ọ fịị ḅụ sághị ḅo sị pịghị wámịna dụaḅọ́rọ́ma ḅo, ḅoarị Tamuno igani ma ḅụ.

1 Tẹsalonaikaapụ 1:3

Wa tẹ́ghẹ̄ Tamuno Daḅọ ma pịrị sa gonyẹ́ gonyẹ́, wamịnị ọ pa biekórómáarị pịghị dugho ọmịnị ọmịna míníni pa fịrị ḅụ sua ḅara. Ọmịna ḅẹlẹma mịẹsị ọmịnị ibima fịrịnwangị ḅara. Na pịghị ọmịna tọ́rụ́dighi Wányánáḅọ Jizọs Krais ḅụ kụ́rọ sẹ ḅara.

1 Tẹsalonaikaapụ 3:11

Tamuno wámịna Daḅọ ma na wámịna Nyánáḅọ Jizọs asọ findi wa pịrị wa ọ fịnịnga ḅoo!

2 Timoti 4:8

Mị́sa sághị bịpị muu karakárá ibiamịẹnyẹ ogunu fịnị ikuruarị anịị Kị́nị́nyánáḅọ ma karakárá ḅẹ́rẹ́kọḅọ ma pa ị pịrịbẹnyẹ anị éné ma, ịrị ngéréghaa, kụma ḅẹlẹma ḅụ ori ḅoo ma kúruarịapụ mamgba.

Taitọs 2:13

wa boma éné ma kúruarị sa, wámịna tọ́rụ́ dighinyẹ nyáná éné ma anịị wámịna opu Tamuno na wámịna Dụaḅọ́rọ́maḅọ Jizọs Krais ipine na ḅo bẹ sa.

Hiburuapụ 9:28

Anị gbẹ́rẹ́ ḅara ma n Krais pa igwa gwam gbẹ́rẹ́ sáá sị ọ tọgha tọghaapụ sii sịrị si. O pịghịma ḅobẹm mmẹẹ́ kárámá sa, sii gosigha, kụ́ma ori o kúruarịapụ ma dụaḅọ́rọ́ma bẹ ḅara.

Jems 2:5

O pughu, ị́yẹ́ ibi mịnaapụ, Tamuno mị tuminikiri siminiapụ ma sẹ́lẹ́akịm sị nnị opuma minini nyánáapụ sọ sị nnị ma pịghị amadakiri ma nyáná bẹapụ sọ, Tamuno minini ọ ḅẹlẹmaapụ ma pịrịnyẹ.

1 Pita 4:1

Krais ojumẹnị ḅụ tọ́rụ́siarị ḅara, ọmịnị so ọmịna ḅụ mịẹ karakáráma warị anị gbẹ́rẹ́ ḅara ma, tegó ojumẹnị ma pa tọ́rụ́siarịmáa ḅo sii mịnị n ḅọ ḅụ kụrọ nyanagha.

2 Pita 3:12

ọ pa Tamuno ene ma kúruarị sa, ọ mịẹnyẹ mịẹsị anị álála ḅoo. Anị éné ma, sotọrụ ma dọghụbẹm fịnịbie pịghị guluguluma, sotọrụ fịnịnyẹ ma gonyẹ́ gonyẹ́ fịnị ọwụ ma anị sanimabẹm.

1 Jọn 4:19

Wa ḅẹlẹma nyanam tegó Tamuno parị wa ḅẹ́lẹ́mam.

Puu Findi 1:9

Irị anịị Jọn, ọmịna mịnaḅọ owitụ́wọ, pịghị Jizọs duaarị gbẹ́rẹ́ḅọ irị ọ́ḅụ gbẹ́rẹ́ḅọ ngịrịma pa ori ásẹ́mẹ́kiriapụ laarị tọ́rụ́siarị ma arịarịḅọ. Nnị i pa Patmọs ogbosúányẹ ḅụ kórómam a Tamuno ẹ́gẹ́rẹ́ ma dugho wásámam na pịghị Jizọs diepágháma karakárá gosi.

Puu Findi 13:10

<>