2 Tẹsalonaikaapụ 3:4 - Ibani New Testament

⁴ Kị́nị́nyánáḅọ mịẹm sị wamịnị ine tẹ́mẹ́kụ́rọ nyáná ọ fịnị angaá; wa pịghị mininim ḅẹẹ ọmịnị ibiḅara mịẹarị ọ pịghị wa dugho ọ pịrịnyẹ ma mịẹ tórúku muubẹm.

2 Tẹsalonaikaapụ 3:4 ပူးပေါင်းရင်းမြစ်များ

Matiu 28:20

Pịghị a tọ́ọ ọ pịrịmaá nyẹ mamgba pa n diearị. Karakárányẹ, a pịghị ọmịnị na imi sámámgba, akị muu tuminikiri ma kunema sáá.>>

Romapụ 15:14

I jẹa minini mịnaapụ, ịrị ịḅụgḅọrụ mininim ḅẹ́ ọmịnị opuma ibim, ọ pịghị níminyẹ gonyẹ́ gonyẹ́ nyanam, ọ pịghị ine nyẹ pa jụghọ jụghọ diebẹm.

Romapụ 15:18

A bịpị findi jẹ́nyẹ gobịgha, kụ́ma Krais i pa nwángịmáa fịrị ngéré gbólómanyẹ anịị a dugho bẹnyẹ, anịị asọ pa Juughaapụ ma die ḅẹ́ nnị Tamuno ma osii. A mịma mịẹmam ẹ́gẹ́rẹ́ ḅụ na pịghị fịrị ḅara ḅụ,

Romapụ 2:7

Jẹ́apụ ibinyẹ mịẹmịẹ tórúku mú ḅụ boma na kuu na gbámásó duma bim, nnị ma Tamuno duma gbámásó pa n pịrịbẹm.

1 Kọrịntịapụ 14:37

Siḅọ fịnịfị́nị́ị́ ḅẹ́ n ḅọ ikiakoroḅọ anịgha ibima tẹ́mẹ́ dienyẹ ma nyánam, anị tumḅọ ma nimi ḅẹ́ a gịẹárị nyẹ ma anịị Kị́nị́nyánáḅọ ma tọ ólóghó.

1 Kọrịntịapụ 7:19

Ḅọ́rọ́ n tumḅọ tọ́ngọ̄ pẹ́lẹ́m anịgha n pịghị anị pẹ́lẹ́gha, anị mịẹnyẹ ofori; nyẹ mịẹnyẹ ḅẹẹ tumḅọ Tamuno ólóghó kokom.

2 Kọrịntịapụ 2:3

Anị a go anị ábálálá ma gịẹ ọ pịrịnyẹ. A bigha ḅẹ́ a ọ damaḅo, sị i tẹmẹ miẹḅẹ́lémaapụ ma, ḅo i tẹ́mẹ́ miẹsima. A itẹ́mẹ́bie mininim ḅẹ́ ị bieḅẹlẹarị sa, ọmịnị mamgba sọ bieḅẹ́lẹ́bẹm.

2 Kọrịntịapụ 2:9

A go mị diri ma gịẹ ọ pịrịnyẹ a nimi dọ́ghụm ọ mịnị ine sẹ daádighi ma pịrị ḅara, ọ pighi bịpịpúghúu ḅara nyẹ gonyẹ́ gonyẹ́ ḅụ.

2 Kọrịntịapụ 8:22

Pa anị ḅụ sua, wa wámịna mị́naḅọ owitụ́wọ na nnị na fịrịmaarị, wa pịghị dọghụ pághámaḅomam tọgha sa na pịghị asọ kirikiri ḅụ, arịḅo ḅẹẹ sámámgba anị ọ tarịarị ọ ḅara warị ḅárásua bẹ ḅara. Bẹ mị́sa ọ pịghị opuma biekpọ nyána ḅara ma ọmịna ḅụ, anị ọ tarị mị ḅara nẹ́ngimamam ori ine ḅárásua bẹ ḅara.

Galesiaapụ 5:10

A Kị́nị́nyánáḅọ ḅụ tẹ́mẹ́kụ́rọ nyánam ọ fịnị angaá ḅẹ́ ọ jẹ́ kịrị kóróma nyánábịgha, pịghị ọmịna sịbịbie galagalamarịḅọ ma n ḅọ tẹ́ nyẹ, tẹ́ nyẹ o Tamuno ḅara gbẹ́nyẹ nyánáḅobẹm.

Filipaiapụ 1:6

Anịgosi a ibima nimim ḅẹ́ Tamuno mịị ibifịrị ma saghị ḅọ ma ọmịna ḅụ, anị saghị bịpị mubẹm akị mú ori anị mịẹ kárámá sa láa Jizọs Krais éné ma ḅụ.

Filipaiapụ 2:12

Anịgosi, ịyẹa nángwọ́apụ, ọmịnị i bịpị pughuarị ḅara ma a ọ nana fịnị sáá, anị kọkọ ibi ḅẹẹ ọmịnị i bịpị púghú mị ḅara nẹ́ngịma mị́sa a ọ nana ófórigha sáá. Ọ pa ḅáláfá na oju sẹ́ghị pa ọmịna fịrịnwangị sị mịẹsị ọmịna dụaḅọ́rọ́ma káara.

1 Tẹsalonaikaapụ 4:10

Ọ pịghị mị ḅara ma pa Krais ḅụ mininiapụ mamgba na ngáamam Masidoniya gbọrụ ḅụ. Anịgo, wamịnị ọ tẹ́ghẹ̄m ḅẹ́ ọ mịma nẹ́ngịma ibiḅara pa angaá.

2 Tẹsalonaikaapụ 3:12

Kị́nị́nyánáḅọ Jizọs Krais ẹrẹ ḅụ wa kụ́rọ́ma dugho túminị́ ma pịrịm pịghị n birinụ́nụ́ ḅẹẹ n gbụ́nụ́nụ́ duma kọọ pịghị fịrịnwangị sị pa nna ḅụ siḅe.

2 Tẹsalonaikaapụ 3:6

Wámịna Daa awọ, wa Wámịna Nyánáḅọ Jizọs Krais ẹrẹ ḅụ kụ́rọ́ma dugho ọ pịrịarị ḅẹẹ ọ ḅụ fóofóo ma mini nna ḅara pa fịrịnwangị dọghụghaapụ fịnị angaá na pịghị wa pa n pịrị againma ma duaghaapụ fịnị angaá.

Fịlẹmọn 1:21

Á mị diri ma gịẹárị ḅara, a tẹ́mẹ́kụ́rọ nyánam ḅẹ́ ị a ị ḅara bii nyẹ ị mịẹbẹm, ị pịghị mịẹ a ḅiiḅara nẹ́ngimabẹm.