2 Tẹsalonaikaapụ 3:14 - Ibani New Testament

¹⁴ Jẹ́apụ ine imibẹm anị ngá mini wa pa fịrịmaarị oku ma osiibịghaapụ. Ọmịnị ọ ḅụ ẹbị anị túminị́ ma fịnị angaá ọ pịghị nnị na mịẹgbólóma nyẹ nyánáma, sị n ḅụ́gịrịrị ḅẹ́ ḅara.

2 Tẹsalonaikaapụ 3:14 ပူးပေါင်းရင်းမြစ်များ

Matiu 18:17

Ọ ḅọ́rọ́ mini n pughugha, dugho pa sọsị ma pịrị, ọ ḅọ́rọ́ pịghị mini sị sọsị ma sọ pughugha anịsáa Tamunonimighaḅo ḅara anịgha ásẹ́mẹ́kiri ósó igbii daa ḅo ḅara pa n ḅo na mịẹ.

Romapụ 16:17

Mịnaapụ, a ọ tẹ́ghẹ̄m ḅẹ́ ọ tọ́rụ́ pa puama dighiḅoarịapụ ma ḅụ gbánā, mininiapụ mịẹarịapụ sị n bịghị pighi asọ mgbẹsẹ dighiḅọ ọ dáwọ ḅomaá dienyẹ ma pịrịarịapụ. Ḅụ kile nna ḅụ!

1 Kọrịntịapụ 4:14

A mịma gịẹ ọ pịrịarị ḅẹẹgha ḅẹ́ a ọ ḅụ́gịrịrịma dọ́ghụm kụ́ma a againma pa ọ pịrịbẹ ḅara a ḅẹlẹma awọ ḅara.

1 Kọrịntịapụ 5:11

A dughoarịnyẹ anị ḅẹẹ ịrịị ọ nana mịẹgbólómanyẹ nyánáma, Krais ḅụ mininiḅọ pa amịna ḅụ sịḅọ. Kụ́ma n ḅọ yáakuu ḅụ ofori nwángị kọọarị anịgha opu tọ́rụ́ nyánam anịgha n ḅara pa kárányẹ tẹ́ghẹ̄arị, anịgha n ḅọ kị́nị́ dughosima ḅọ, anịgha iru ḅụ tọ́rụ́ ḅáma ḅọ, anịgha fúrúḅọ. Anị tumḅọ ma anị ibighaa ịrị ọ nana kpọrọfịnị sị nyẹ́fịị.

1 Kọrịntịapụ 5:9

A gịẹ ọ fịrịmam ḅẹ́ ọmịnị yáakuu ḅụ ofori nwángị kọọarịapụ na gbolomanyẹ nyáná ma.

2 Kọrịntịapụ 10:6

O die gbẹ́rẹ́kiri ḅẹẹ ọmịnị karakárá ḅara pa wámịna bịpị pughum, anịsáa wamịnị ine bịpị puughugha gonyẹ́ gonyẹ́ pa tọ́rụ́siarịmabẹm.

2 Kọrịntịapụ 2:9

A go mị diri ma gịẹ ọ pịrịnyẹ a nimi dọ́ghụm ọ mịnị ine sẹ daádighi ma pịrị ḅara, ọ pighi bịpịpúghúu ḅara nyẹ gonyẹ́ gonyẹ́ ḅụ.

2 Kọrịntịapụ 7:15

Anịma go ọ nyáná ọ pịrị ḅẹlẹma warị sághị sẹnị kụ́rọ, o biekóróma sa ḅẹ́ ọmịnị kị́nị́mamgba ọmịnị ori againma akị bim, ọ pịghị ḅáláfama na osigha ḅara pa ọ daa kóróma ḅara.

Filipaiapụ 2:12

Anịgosi, ịyẹa nángwọ́apụ, ọmịnị i bịpị pughuarị ḅara ma a ọ nana fịnị sáá, anị kọkọ ibi ḅẹẹ ọmịnị i bịpị púghú mị ḅara nẹ́ngịma mị́sa a ọ nana ófórigha sáá. Ọ pa ḅáláfá na oju sẹ́ghị pa ọmịna fịrịnwangị sị mịẹsị ọmịna dụaḅọ́rọ́ma káara.

Kolosiapụ 4:16

Nnị mịị diri ma goo ọ pịrị fama sáá, ọmịnị arịị ḅẹ́ nnị pịghị anị goom Laodisiapụ Tamuno kubiri ogbo ma bie ọmịnị sọ pịghị árị ḅẹ́ o Laodisiya ḅụ sághị ḅoo diri ma sọ goom.

1 Tẹsalonaikaapụ 4:8

Anịgo mị dienyẹ ma sịghịḅọ gonyẹ́ gonyẹ́ tumḅọ sịghịghaa kụ́ma Tamuno anịị n ḅo sịghịḅọ ḅo ori Tọ́ntọ́ Tẹ́mẹ́ ma pa ọ pịrịarị ḅo.

2 Tẹsalonaikaapụ 3:6

Wámịna Daa awọ, wa Wámịna Nyánáḅọ Jizọs Krais ẹrẹ ḅụ kụ́rọ́ma dugho ọ pịrịarị ḅẹẹ ọ ḅụ fóofóo ma mini nna ḅara pa fịrịnwangị dọghụghaapụ fịnị angaá na pịghị wa pa n pịrị againma ma duaghaapụ fịnị angaá.

Taitọs 2:8

I nyẹ́diearị sáá, túminị́ ine ị dughosimabịgha ibi ẹ́gẹ́rẹ́ pa ị́yẹ́ dienyẹ ma die si ị́yẹ́ iruonaapụ ḅụ́gịrịrị bẹ ḅárá. Tegó nnị ḅara pụnụ nyẹ nyánágha nnị go wa dughosima bẹnyẹ.

Taitọs 3:10

Puama dighiarịapụ ma, n birinụ́nụ́, pịghị jẹ́ pa nna birinụ́nụ́, anịma ḅọ́rọ́ sa mịnị nnị na gbẹ́rẹ́ mịẹnyẹ sọ nyána ma.

Fịlẹmọn 1:21

Á mị diri ma gịẹárị ḅara, a tẹ́mẹ́kụ́rọ nyánam ḅẹ́ ị a ị ḅara bii nyẹ ị mịẹbẹm, ị pịghị mịẹ a ḅiiḅara nẹ́ngimabẹm.

Hiburuapụ 13:17

Ọmịnị ọmịna sịbịdaapụ osii, pịghị n dughonyẹ mịẹ. Nnị ọmịna tẹ́mẹ́ kúruarị ịnyọsáragha pa, n pịghị dugho Tamuno pịrịbẹ ḅara n ḅárá warị o didighi ḅara. Ọ ḅọ́rọ́ nnị osisii, n bieḅẹlẹ ḅara pa nna fịrị nwángịbẹm, anịgha n sitẹ́mẹ́ pa nna fịrị nwángịbẹm. Anịma sọ́nyẹ sọọ ọ pịrịbịgha.

2 Jọn 1:10

Anịgo, ḅọ́rọ́ kị́nị́ ọ damaḅom sị mị dienyẹ ma akuogha, anị tumḅọ ma daa ị wárị suu ma, pịghị ọ ḅẹ́ ma ḅẹ́ diin ị nana fịnị.