2 Tẹsalonaikaapụ 2:16 - Ibani New Testament

¹⁶ Wámịna Nyánáḅọ Jizọs Krais ọ ḅụgbọrụ na Tamuno wámịna Daa, wa ḅẹlẹma ḅo sị ọrẹ tọ́rụ́kụrụkụ́rụ́ ḅụ gbámásó biedịịnma na ibi tọ́rụ́ dighi pa wa pịrịm.

2 Tẹsalonaikaapụ 2:16 ပူးပေါင်းရင်းမြစ်များ

Ibi Oku Ma Luk Anị Gịẹ Ḅara 16:25

<

Ibi Oku Ma Jọn Anị Gịẹ Ḅara 13:1

Éné ḅa anịị Sáḅáḅọ́rọ́ Álálị ma. Jizọs nimim ḅẹ́ sáá ma láamam ọ mịị tuminikiri ma wáriso sị Daḅọ ma dámámuu. Ori ọrẹ a túminị́, tuminikiri fịnịapụ ma ḅẹ́lẹ́mamaá ḅara ma, ori n ḅẹlẹma muu kunema lam.

Ibi Oku Ma Jọn Anị Gịẹ Ḅara 15:13

Mịma nẹ́ngịma ḅẹlẹma nyánáḅọ ofori, ḅẹẹ ori ọrẹ duma kóróma ori nángwọ́apụ pịrịm.

Ibi Oku Ma Jọn Anị Gịẹ Ḅara 15:9

<

Ibi Oku Ma Jọn Anị Gịẹ Ḅara 16:22

Anịị anị ọmịnị na fịnị ḅara: mị́sa anịị ọmịna tẹ́mẹ́sii sa, kụ́ma a jẹ́ pa ọmịnị árịbẹm ọ pịghị dụrụkụbẹm, gbẹ́rẹ́ḅọ sọ pịghị ine ọmịna bieḅẹlẹ kikibịgha.

Ibi Oku Ma Jọn Anị Gịẹ Ḅara 3:16

<

Ibi Oku Ma Jọn Anị Gịẹ Ḅara 4:14

kụ́ma a pịrịbẹ mingi ma ḅuu ḅọ gonyẹ́ gonyẹ́ n ḅo pụghọ mịnị jẹ́ pa sámụ́nọbịgha. A pịrị ḅuu bẹ mingi karakáráma mingi du igbe dighibẹm n ḅo bie, sẹnị sị duma gbámásó pịrịbẹnyẹ.>>

Fịrị Ḅara 15:11

Ọkọ fịnịgha, anịma karakáragha, wa mininim ḅẹ́ wa dụaḅọ́rọ́ma nyánábẹm wámịna Nyánáḅọ Jizọs Krais tọ́rụ́kụrụkụ́rụ́ ḅụ ḅọ́rọ́, nnị sọ pịghị anị gbẹ́rẹ́ ḅara ma dụaḅọ́rọ́ma nyáná bẹ ḅara.>>

Fịrị Ḅara 18:27

Apọlọs warị ọ tẹ́mẹ́bie tọ́ọ pẹ́lẹ́ sị warị ḅọ́rọ́ Akaya muu, Ẹ́fịsọs ḅụ fịnị mininiapụ ma ḅárásua ọ pịrịm, nnị ábálálá gịẹ pa Akaya ḅụ fịnị mininiapụ ma pịrịm ḅẹẹ nnị ọ daa kórómaa. Ori anị ngaa láa sáá, o ḅo opu ḅárásua ḅo sọ, Tamuno tọ́rụ́kụrụkụ́rụ́ ḅụ ḅọ́rọ́ ḅo mininimáapụ ma pịrịm.

Romapụ 1:7

Anịgo a mịị diri ma gịẹ pa ọmịnị Rom ḅụ fịnịapụ mamgba fịrịmam Tamuno ma ḅẹlẹmaapụ pịghị sịmáapụ bẹ nnị ḅo ori a túminị́ sọọ. Tamuno wámịna Daḅọ na Kị́nị́nyánáḅọ Jizọs Krais tọ́rụ́kụrụkụ́rụ́ na diin pa ọ pịrị.

Romapụ 4:16

Mịma go mini pịrịnyẹ́ ma minini ḅụ saghịḅom, túminị́ árị bẹ ḅara ḅẹ́ mini pịrịnyẹ́ ma anịị Tamuno ḅara saghị ḅo diepịrịnyẹ, ọmịnị pa Ebraham furobie págháḅoapụ mamgba pịrịm, ólóghó ma kokoapụ ngéréghaa, kụ́ma Ebraham minini ḅara pa mininiapụ. Tegó Ebraham anịị wamịnị kị́nị́mamgba daa.

Romapụ 4:4

Fịrịnwangịapụ nnị n nwángị fịrị igbii pa n gbẹm, tumḅọ dughobịgha ḅẹ́ ọ́ n die nnị pịrịnyẹ; nnị fịrịnwangị anị pịrịm.

Romapụ 5:8

Kụ́ma Tamuno diepághámamam ọ wa ḅẹlẹma láa ḅara: wa pa siinyẹ bie fịnị sa Krais fịị wa pịrịm.

Ẹ́fịsọsapụ 5:2

Ḅẹlẹma pịghị ọmịna duma bie ḅẹrẹtọ, Krais sọ wa ḅẹlẹma ḅara sị ọ ḅụ pa ibima kụ́nụ́ agbaa mịẹ na igwagwaá Tamuno pịrị.

Ẹ́fịsọsapụ 5:25

Deeapụ ọmịnị ọmịna taapụ ḅẹlẹma, Krais Tamuno kubiri ogbo ma ḅẹlẹma ḅara sị fịị anị pịrị.

Kolosiapụ 1:23

Ọ ḅọ́rọ́ ọmịna minini ḅụ sẹ́kụrọ toruku mú, o gbisirigha ibi oku ma nyáná ọ pịrị tọ́rụ́ dighinyẹ ḅụ. Mịma anịị ọ náa ibi oku ma n dugho wásáma tuminikiri Tamuno tẹ́mẹ́apụ mamgba pịrịnyẹ anị ḅụ ḅọ́rọ́ ịrị, Pọl, ḅoo Tamuno fịrịnwangịḅọ sọm.

Kolosiapụ 1:5

Minini na ḅẹlẹma ḅụ sághị ḅọ tọ́rụ́ dighinyẹ, sobie n kokowarị ọ pịrịnyẹ, ọ pịghị anị gbolomanyẹ namaa nyẹ karakárá ẹ́gẹ́rẹ́ ma ḅụ anịị ibi oku ma, nnị akuoo

1 Tẹsalonaikaapụ 1:3

Wa tẹ́ghẹ̄ Tamuno Daḅọ ma pịrị sa gonyẹ́ gonyẹ́, wamịnị ọ pa biekórómáarị pịghị dugho ọmịnị ọmịna míníni pa fịrị ḅụ sua ḅara. Ọmịna ḅẹlẹma mịẹsị ọmịnị ibima fịrịnwangị ḅara. Na pịghị ọmịna tọ́rụ́dighi Wányánáḅọ Jizọs Krais ḅụ kụ́rọ sẹ ḅara.

1 Tẹsalonaikaapụ 3:11

Tamuno wámịna Daḅọ ma na wámịna Nyánáḅọ Jizọs asọ findi wa pịrị wa ọ fịnịnga ḅoo!

2 Tẹsalonaikaapụ 2:13

Wa ịmịẹḅam pa Tamuno ḅẹẹbẹm wámịna Daa awọ, ọmịna sịbị goo, ọmịnị Kị́nị́nyánáḅọ ḅẹlẹmaapụ. Tọ́ntọ́ Tẹ́mẹ́ ma kụ́rọ ḅụ, ḅọ́rọ́ Tamuno parị sáá ma ḅụ ọ sẹ́lẹ́akịm ḅẹẹ ọ dụaḅọ́rọ́ma nyána, ọmịna minini ḅụ ḅọ́rọ́, na pịghị ọmịna minini karakárá ma ḅụ sị Tamuno ọrẹ a túminị́ pa ọ mịẹ.

Taitọs 1:2

mịị karakárá ma ḅụ ḅọ́rọ́ túminị́ tọ́rụ́ dighinyẹ nyánam gbámásó duma nyáná ḅụ, Tamuno ine epeletibịghaḅọ ma mị duma minini wa pịrịm tuminikiri na saghịgha sa,

Taitọs 2:13

wa boma éné ma kúruarị sa, wámịna tọ́rụ́ dighinyẹ nyáná éné ma anịị wámịna opu Tamuno na wámịna Dụaḅọ́rọ́maḅọ Jizọs Krais ipine na ḅo bẹ sa.

Hiburuapụ 7:19

Mosis ólóghó ma bẹnyẹ bẹnyẹ mịẹ kpainmagha. Kụ́ma mị́sa, ibiḅaa tọ́rụ́ dighinyẹ imi wa ḅọ́rọ́ ine sọma Tamuno damaḅo bẹnyẹ.

1 Jọn 3:16

Mịị ḅara ma anịị wa ḅẹlẹma pa sị nyẹ nimibẹnyẹ: ḅẹ́ Krais ori duma pa igwagwaá wa pịrịm, wamịnị so wámịna duma pa igwagwaá mịnaapụ ma pịrị.

Puu Findi 1:5

Na pịghị Jizọs Krais ḅara, karakárá onyésẹ̄ḅọ ma, parị fịị ḅụ saghị ḅọ ori anịị pịghị tuminikiri ámányánáapụ ma táarịḅọ. Ọ wa ḅẹ́lẹ́mam, ori ọrẹ ọmbịnyẹ́ pa wa dụaḅọ́rọ́māmám wámịna sii ḅụ.

Puu Findi 22:5

Dii mịnị oforibịgha, n pịghị tọndọ baá anịgha ịrụa baá dọghụbịgha, tegó Kịnịnyáná Tamuno ma nna baá sọọbẹm, n pịghị ámányánáapụ ḅara pa taábẹm ákị muu ḅẹsá ḅẹsá láa.

Puu Findi 3:9

Pughu! Mịị Satanị kubiri ogboapụ ma, ḅẹarịapụ ḅẹ́ nnị Juuapụ tụ́manyẹ ḅẹ́ nnị Juughaapụ, kụ́ma nnị iruonaapụ. A nnị mịẹbẹm sị n ḅoo sóghórókoro i ḅụọ angaá. Nnị kị́nị́mamgba nimibẹm ḅẹẹ a ọ ḅẹ́lẹ́mamam.