2 Tẹsalonaikaapụ 2:13 - Ibani New Testament

¹³ Wa ịmịẹḅam pa Tamuno ḅẹẹbẹm wámịna Daa awọ, ọmịna sịbị goo, ọmịnị Kị́nị́nyánáḅọ ḅẹlẹmaapụ. Tọ́ntọ́ Tẹ́mẹ́ ma kụ́rọ ḅụ, ḅọ́rọ́ Tamuno parị sáá ma ḅụ ọ sẹ́lẹ́akịm ḅẹẹ ọ dụaḅọ́rọ́ma nyána, ọmịna minini ḅụ ḅọ́rọ́, na pịghị ọmịna minini karakárá ma ḅụ sị Tamuno ọrẹ a túminị́ pa ọ mịẹ.

2 Tẹsalonaikaapụ 2:13 ပူးပေါင်းရင်းမြစ်များ

Ibi Oku Ma Luk Anị Gịẹ Ḅara 1:75

Tọ́ntọ́ na pịghị karakárá mịẹnyẹ ḅụ fịnị ọ tórúku wámịna duma éné mamgba.

Ibi Oku Ma Jọn Anị Gịẹ Ḅara 1:1

Súghú sághị ma ḅụ Ẹ́gẹ́rẹ́ ma imii, Ẹ́gẹ́rẹ́ ma Tamuno na imi, Ẹ́gẹ́rẹ́ ma pịghị Tamuno.

Ibi Oku Ma Jọn Anị Gịẹ Ḅara 14:6

Jizọs pagharam, <

Fịrị Ḅara 13:48

Juughaapụ ma mịma náa sáá, nnị bieḅẹlẹm, nnị warị Kị́nị́nyánáḅọ ma ẹ́gẹ́rẹ́ túminí anịgo nnị tọghaapụ ḅẹ́ nnị duma gbámásó nyáná ḅo mininim.

Fịrị Ḅara 15:9

Ọ kịrịnyẹ mịẹghaa wamịnị na nna ogbobie; ori nna siiḅụḅarasi n pịrịm, nnị mininim gosi.

Romapụ 6:17

Kụ́ma wamịnị ịmịẹḅam pa Tamuno ḅẹbẹm! Tegó gbẹ́rẹ́sa biri ọmịnị omoni sọ sii pịrịm, kụ́ma mị́sa ọ nyánáḅọ karakárá dienyẹ ma ọ tẹ́mẹ́ gbọrụ pa anị dughonyẹ mịẹm.

Romapụ 8:33

Tụọ ḅẹ́rẹ́ pa Tamuno sẹlẹakịapụ ma sịbị gbánā bẹ? Tamuno anị ḅẹ́arịḅọ, ḅẹ́rẹ́ nna ḅárasigha!

Romapụ 9:11

Kụ́ma mmẹẹ́ awọ ma na kiri laagha sáá ḅụ anịgha ḅẹnyẹ ḅẹnyẹ mịẹ ibinyẹ anịgha siinyẹ mịẹ, a warị Tamuno ḅara oku nyánáḅọ. Mịị oku ma diearị ḅẹ́ Tamuno túminị́ sẹlẹakiarị, ori tọ warị ḅara ḅụ;

1 Kọrịntịapụ 1:21

Tamuno ori opu nyẹ́nimi ḅụ mịẹm ḅẹ́ anị opuma ḅụdáa ḅẹ́ túminị́ nna níminyẹ ḅụ ḅọ́rọ́ nnị ḅoo o nimi. Tụ́ma wa dugho wásámaarị oḅori oku ma ḅụ ḅọ́rọ́ Tamuno anị ọ ḅụḅẹlẹ ḅara ḅụ mininiapụ ma duaḅọ́rọ́mam.

Galesiaapụ 3:1

Ọmịnị oḅorisọ Galesiaapụ, tụọ diri pa ọ mịẹ? Ọmịna tórúku, anị ọ ḅụ koro ḅẹ́ ḅara, n dugho ọ pịrịm Jizọs Krais ḅara warị fịị ḅara mgbẹsẹ sị́ ọgọnọ.

Ẹ́fịsọsapụ 2:8

Tegó Tamuno tọ́rụ́kụrụkụ́rụ́ gosi anịị ọ ḅọ́rọ́ma nyána nyẹ minini ḅụ ḅọ́rọ́ mịma Tamuno ḅara anịị anị sághị ḅo nyẹ ọmịna ḅárabiegha anịị Tamuno dienyẹ,

Kolosiapụ 1:5

Minini na ḅẹlẹma ḅụ sághị ḅọ tọ́rụ́ dighinyẹ, sobie n kokowarị ọ pịrịnyẹ, ọ pịghị anị gbolomanyẹ namaa nyẹ karakárá ẹ́gẹ́rẹ́ ma ḅụ anịị ibi oku ma, nnị akuoo

Kolosiapụ 3:12

Anịgosi, Tamuno sẹlẹakị ọ ḅụ pịrị túminị́, tọ́ntọ́ pịghị ori ibima ḅẹlẹmaapụ ọ ḅụ́jịrịrị pa ọmịna suabịtẹ mịẹ, ibitẹ́mẹ́ nyáná, ḅụ sitéréma, diin duma na pịghị inema nyáná.

1 Tẹsalonaikaapụ 1:4

Wámịna Daa awọ, wa nimim ḅẹ́ Tamuno ọ ḅẹlẹmam pịghị ọ sẹ́lẹ́akịmam ḅẹ́, ọmịnị ori a túminị́ sọọ.

1 Tẹsalonaikaapụ 2:12

Wamịnị ọ tẹ́mẹ́ kụ́rọ́mam, wamịnị o bie diinmam, wa pa dugho ọ pịrịarị ḅẹẹ, ọ sị Tamuno ma ḅẹ́ o ḅoo diekiri nyáná ori amadakiri na, ori ipine ḅụ, ọmịnị ọ ḅụḅẹlẹ duma kọọ.

1 Tẹsalonaikaapụ 4:7

Tamuno wa sịgha ḅẹẹ wa ḅo yáakuu ḅụ ofori nwángị kọọ, kụ́ma wa tọ́ntọ́ ḅụ fịnị.

1 Tẹsalonaikaapụ 5:9

Tamuno wa sẹlẹakịgha ḅẹ wa ḅo ori igani tọ́rụ́siarị arịị, kụ́ma wa ḅo dụaḅọ́rọ́ma nyáná wámịna Nyáná ḅo Jizọs Krais ḅụ ḅọ́rọ́.

2 Tẹsalonaikaapụ 1:3

Wámịna Daa awọ, sámámgba wamịnị ịmịẹḅam pa Tamuno ḅẹbẹm ọmịna sịbị goo tegó mịma anị karakáram ḅẹẹ wamịnị ọkọọ mịẹ ọmịna minini opuma sẹnịarị gosi ọ nyáná jụghọ jụghọ pịrị ḅẹlẹma sọ pịghị opuma duḅaarị.

2 Tẹsalonaikaapụ 2:10

Pịghị tọ́rụ́kịrịkị́rị́ aka pa papa fịịfaa bẹapụ ti. Nnị papa fịị faabẹm tegó nnị karakárá ma ḅẹlẹmagha pịghị anị daakórómagha sị dụaḅọ́rọ́ma nyáná.

2 Tẹsalonaikaapụ 2:12

Tamuno mịma mịẹm sị náa karakáráma mininighaapụ, kụ́ma siiamịẹnyẹ ḅẹlẹma, Tamuno ḅẹ́rẹ́si pa n pịrịbẹm.

2 Tẹsalonaikaapụ 2:16

Wámịna Nyánáḅọ Jizọs Krais ọ ḅụgbọrụ na Tamuno wámịna Daa, wa ḅẹlẹma ḅo sị ọrẹ tọ́rụ́kụrụkụ́rụ́ ḅụ gbámásó biedịịnma na ibi tọ́rụ́ dighi pa wa pịrịm.

2 Timoti 1:9

O wa duaḅọ́rọ́mam pịghị wa sị ḅẹ́ wa ḅoo ori a túminị́ sọọ, wa mịẹmáa nyẹ gosigha, kụ́ma ori mịẹ dọghụnyẹ gosi na ori tọ́rụ́kụrụkụ́rụ́. O mịị tọ́rụ́kụrụkụ́rụ́ ma pa wa pịrịm tuminikiri na saghịgha sa éné éné Krais Jizọs sịbị ḅụ ḅọ́rọ́.

2 Timoti 2:15

Ị́yẹ́ ịnyọ láa ḅara mịẹsị árị ḅẹ́ Tamuno ḅara pụ́nụ́ ị pịrịm, ibifịrị nwángịḅọ ḅara ḅụgịrịrịgha fịrịnwangịḅọ amịna fịrị ḅụ, kuma ibiḅara pa dua muu Tamuno karakáráma láa bẹ oku ma diearị.

2 Timoti 3:15

Ịrị pịghị biekóróma ḅẹ sághị ị́ ịrụ sáá éné éné i Tọ́ndiri ma nimimam ine níminyẹ pa ị pịrịbẹnyẹ si ị daa muu dụaḅọ́rọ́ma nyáná Krais Jizọs ḅụ fịnị minini ḅụ ḅọ́rọ́.

Hiburuapụ 1:10

O pịghị ḅẹm, <<Ịrị Kị́nị́nyánáḅọ, súghú saghị sa, súghúise tuminikiri ma pịrịm, ị pịghị ị ḅara na so ma tẹmẹm.

Jems 1:18

Ọ tọ ḅara ḅụ ọ duma pa wa pịrịm, ori karakárá ẹ́gẹ́rẹ́ ḅụ ḅọ́rọ́ sị wa tarị kiri nyánábeḅara ọ tẹ́mẹ́nyẹ mamgba ḅụ.

1 Jọn 4:10

Mịma anịị ḅẹlẹma sẹ́pịrịnyẹ: ḅẹgha ḅẹ́ wa Tamuno ma ḅẹ́lẹ́mamam, kụ́ma ori wa ḅẹ́lẹ́mam, warị ọ Tụwọ fịrịma sị ọ ḅụ ḅọ́rọ́ wa siiḅụḅarasi nyáná bẹ ḅara.

1 Jọn 4:19

Wa ḅẹlẹma nyanam tegó Tamuno parị wa ḅẹ́lẹ́mam.