2 Tẹsalonaikaapụ 1:8 - Ibani New Testament

⁸ Ọ kọrịfịnị ḅẹ́lẹ̄ pa ḅobẹm sị fom ḅárá pa Tamuno sịghịịapụ ma fom na pịghị Krais Jizọs gboloma ibi oku ma osighaapụ.

2 Tẹsalonaikaapụ 1:8 ပူးပေါင်းရင်းမြစ်များ

Matiu 25:41

<

Matiu 25:46

<>

Ibi Oku Ma Jọn Anị Gịẹ Ḅara 3:19

Mịị ḅẹ́rẹ́kọ pẹ́lẹ́ma ḅẹẹ: Baá sọọ tuminikiri ma ḅomam, kụ́ma tuminikiriapụ baá ma nakaragha kánákáná ma ḅẹ́lẹ́mam tegó nna mịẹnyẹ opuma sim.

Ibi Oku Ma Jọn Anị Gịẹ Ḅara 8:19

Anịsáa, nnị warị ogbila, <<Ị daá ọ tẹ́ anga imii?>> Jizọs pagharam, <<Ọmịnị inimigha anịgha i Daá ma, ọ ḅọ́rọ́ ị nimi, ọmịnị i Daá ma sọ nimibẹm.>>

Fịrị Ḅara 6:7

Tọgha tọghaapụ ibi oku ma naam sị minini. Mininiapụ ma kịẹbịpị Jerusalem ḅụ ḅo dụḅam. Tọgha tọgha igwagwaapụ ḅo Krais ḅụ mininim.

Romapụ 1:28

Mịná túminị́ ma Tamuno gboloma sị tumḅọ ine nimibẹnyẹ, nnị anị sịghịm gosi nna kóróma ḅụ, Tamuno nna ḅụ ḅárási mịnị tụghụgha kóróma pịrịmam, na nnị mịẹna ibighaa nyẹ ma mịẹ.

Romapụ 1:5

Tamuno Krais ḅụ ḅọ́rọ́ tọ́rụ́kụrụkụ́rụ́ nyáná wa pịrịm sị wa sị ḅẹ́ wamịnị ḅo nfịrịmaapụ sọọ Krais ma ẹrẹ́sị, sị sẹ gonyẹ́ gonyẹ́ ḅụ wa túminị́ daá bẹ ḅara ḅẹ́ nnị ọḅụụ minini pịghị ọ bịpị pughu.

Romapụ 10:16

Izirẹlịawọ mamgbagha ibi oku ma daákịmáapụ. Aizaya kọkọ dugho ḅẹẹ, <>

Romapụ 15:18

A bịpị findi jẹ́nyẹ gobịgha, kụ́ma Krais i pa nwángịmáa fịrị ngéré gbólómanyẹ anịị a dugho bẹnyẹ, anịị asọ pa Juughaapụ ma die ḅẹ́ nnị Tamuno ma osii. A mịma mịẹmam ẹ́gẹ́rẹ́ ḅụ na pịghị fịrị ḅara ḅụ,

Romapụ 16:26

Kụ́ma mị́sa ikiakoroapụ ma gịẹ kórómanyẹ ma mịẹmam tọghaapụ ḅo karakáráma nimi, Gbámásó Tamuno ma pịghị bịpị pịrịmam ḅẹ́ sẹ gonyẹ́ gonyẹ́ anị karakárá ma nimii si kị́nị́mamgba minini bẹ ḅara pịghị ọkọ mịẹ.

Romapụ 6:16

Ọmịnị o nimigha ḅẹ́, ọmịnị ọmịna ḅụ pa jụghọ pịrị sa soḅọ́rọ́ n ḅọ ómóniḅọ sị n ḅọ bịpị pughu, ọmịnị omoni sọ ọ bịpị pughu nyánáḅọ ma pịrịmam ḅọ́rọ́ ọmịnị omoni sọ sii pịrị, fịị dighiḅoarị nyẹ anịgha Tamuno bịpị pughu mịẹsị tumḅọ na Tamuno na karakárá ḅụ ḅụ fịnị.

1 Kọrịntịapụ 15:34

Ị́yẹ́ akanyaḅo sima ịḅụ ḅoo anị ḅo na ibiḅara, siinyẹ mịẹ kunema, ḅẹ́ jẹapụ imi Tamuno nímighaapụ. A mịma dughom pa ọ ḅụ́gịrịrịma.

2 Kọrịntịapụ 10:5

Na opuamịẹnyẹapụ pa asọ mgbẹsẹ karakárá Tamuno nimi ma pịrịnyẹ gonyẹ́ gonyẹ́ nụ́nụ́ kiri gbi, sii kóróma gonyẹ́ gonyẹ́ akị ịkóli ḅụ sua sị anị Krais bịpị pughu bẹ ḅara.

Galesiaapụ 3:1

Ọmịnị oḅorisọ Galesiaapụ, tụọ diri pa ọ mịẹ? Ọmịna tórúku, anị ọ ḅụ koro ḅẹ́ ḅara, n dugho ọ pịrịm Jizọs Krais ḅara warị fịị ḅara mgbẹsẹ sị́ ọgọnọ.

Galesiaapụ 4:8

Ḅọ́rọ́maa sáá, ọ Tamuno nimigha, anị sáá ọmịnị omoni sọ kịrịkị́rị́ tamuno pa siinyẹ pịrịm, kụ́ma nnị karakárá tamunoghaa.

1 Tẹsalonaikaapụ 4:5

Yáakuu ḅụ ofori nwángị ḅụghaa, Juughaapụ ḅara Tamuno nímighaapụ.

Hiburuapụ 10:27

Tụ́ma kọnyẹ́, mamgba wa ḅáláfa ḅụ ḅoarị ḅẹ́rẹ́kọ siri ma pịghị Tamuno osighaapụ dọ́ghụ́ma bẹ gbagba kọrịfịnị ma kúru.

Hiburuapụ 10:30

Wa kọkọ nimi dugho ḅo, <> pighi ḅẹẹ ḅo ḅẹẹ, <>

Hiburuapụ 11:8

Minini anị Ebraham mịẹnyẹ sị ọbịpị pughu nyẹ, Tamuno osii sa ḅẹ́ ori ọrẹ sẹ wáriso sị o minini ọ pịrị ama ma mú. Ori ọrẹ ámá warịsom nimigha o muarị anga.

Hiburuapụ 12:29

Tegó wámịna Tamuno ori anịị kị́nị́ dọ́ghụ́ma dọ́ghụ́ma fịnị.

Hiburuapụ 2:3

Anịsa, wa tọ́rọ́ pa fomḅarabie wa ḅụ ḅọ́rọ́ma ḅẹ́, ḅọ́rọ́ wamịnị mịị opu dụaḅọ́rọ́ma ma dighi tọ́rụ́sim? Wámịna Nyánáḅọ Jizọs anịị parị mịị oku ma dugho págháma ḅọ, ọ bịpị anị naapụ onyẹ́sẹ wa pịrịm ḅẹ́ oku ma karakárányẹ.

Hiburuapụ 5:9

Nnị o mịẹ kpainma sa, ọ warị anị ḅụ ḅọ́rọ́ gbámásó dụaḅọ́rọ́ma pa ọ dughonyẹ mịẹapụ gonyẹ́ gonyẹ́ pịrị.

1 Pita 1:2

Nnị ọ sẹ́lẹ́akịm, Tamuno Daḅọ ma níminyẹ ḅụ ḅọ́rọ́, ọ Tẹ́mẹ́ pịghị ọ pa tọ́ntọ́ ḅụ wárị, si ọ Jizọs Krais osii, ọrẹ ọmbịnyẹ́ pịghị ọmịnị sịrị fiafiamaa. Tọ́rụ́kụrụkụ́rụ́ na diin, bí ḅara pa ọmịna nyẹ sọ.

1 Pita 3:6

Sira ọkọfịnịm, árị Ebraham o siim warị pịghị Inyanaḅọ pa ọ sịị, ọmịnị mị́sa árị ẹ́rẹ́maawọ, ọ ḅọ́rọ́ ibifịrị nwángị pịghị ḅẹnyẹ ḅẹnyẹ dighi ḅáláfagha.

1 Pita 4:17

Sa lámam ḅẹ́rẹ́kọ saghị bẹ sa. Tamuno awọ ma sịbị anịị n saghị ḅẹ́rẹ́kọ bẹnyẹ; anị ḅọ́rọ́ wamịnị na saghị saghị, anị tọrọ́ pa Tamuno ibi oku ma mininighaapụ ma na kunema bẹ.

2 Pita 3:7

Kụ́ma mị́sa fịnị so ma na kiri ma, gbẹ́rẹ́ Tamuno ẹ́gẹ́rẹ́ ma anịị nnị pa anị ọlọ warị anị dọ́ghụ́ma bẹ fịnị pịrịnyẹ. Nnị nnị pa ḅẹ́rẹ́kọọ éné ma kuruarị, nnị Tamuno nímighaapụ ma sịbị ḅẹ́rẹ́kọ si pịghị n guluguluma.

Judu 1:7

O Sodom na Gomora na nnị na kikia ama gbọrụ, pa biekóróma mịná sookumuapụ ma dua yáakuu ḅụ ofori nwángị na ḅụrụamịẹnyẹ mịẹapụ, n kọrị gbámásó fịnị ma tọ́rụ́siarị arịm, mịma warị birinụ́nụ́nyẹ sọ kị́nị́mamgba pịrị.

Puu Findi 20:10

Anịsáa oḅori pa n sị ẹ́kpẹ́dua ma nnị ọ pa ọpọlịḅuruma pa dọghụarị kọrịfịnị ésiḅe bie gbi suam, n ḅáláfama nama ma na iruo ikiakoroapụ ma gbi suamaa ngaa, nnị n pa tọ́rụ́siarịmabẹm dii na ḅáa na ákị muu ḅẹsá ḅẹsá láa.

Puu Findi 21:8

Kụ́ma ḅáláfaapụ, mininighaapụ, pilemaapụ, kị́nị́ ḅáapụ, yáakuu ḅụ ofori nwángị kọọarịapụ, tọ́rụ́kịrịkị́rị́ dirikọ́rịapụ, susi n kárányẹ pịrịrịarịapụ, na iruonyẹ dughoapụ mamgba nna fịnị yọ anịị ọpọlịḅuruma pa dọghụarị kọrịfịnị ésiḅe ma, anịị mmẹẹ́ kárámá fịị ma.>>

Puu Findi 6:10

Nnị warị kụrọ pụghọ pa ilúghú, <>