2 Tẹsalonaikaapụ 1:4 - Ibani New Testament

⁴ Anịị wa goo ọ pa bịpịkpọ nyẹ Tamuno sọsị sọsị ma ogbobie, wamịnị ọ pa bịpịkpọm ọ sẹ kụ́rọ inema nyána ḅara sị pa minini, nnị ọ pa arịị árị tọ́rụ́siarị mamgba balagha pa.

2 Tẹsalonaikaapụ 1:4 ပူးပေါင်းရင်းမြစ်များ

Romapụ 12:12

Ị́yẹ́ tọ́rụ́ dighinyẹ ịbieḅẹ́lẹ́ma, ingịrịma nyáná ị́yẹ́ ḅụḅáláḅálá mamgba ḅụ, tẹ́ghẹ̄ sámámgba ḅụ.

Romapụ 2:7

Jẹ́apụ ibinyẹ mịẹmịẹ tórúku mú ḅụ boma na kuu na gbámásó duma bim, nnị ma Tamuno duma gbámásó pa n pịrịbẹm.

Romapụ 8:25

Kụ́ma ḅọ́rọ́ wa tọ́rụdighinyẹ nyáná wamịnị arịgha nyẹ ḅụ, wa ingịrịma nyáná sị anị kurubẹm.

1 Kọrịntịapụ 7:17

Ọ́rụ́ḅọ ọ́rụ́ḅọ pa mú duma kọọ Tamuno die n ḅo pịrịnyẹ ḅụ ḅọ́rọ́, n ḅọ pịghị fịnị ḅara Kị́nị́nyánáḅọ ma n ḅọ sị sáá. Mịị a tọ kọ́rọ́ma ólóghó sọsị gbọrụ mamgba ḅụ.

2 Kọrịntịapụ 12:10

Anịgo, Krais sịbị go i bieḅẹlẹm ị́yẹ́ tẹ́mẹ́ oḅuu ḅụ, wirinumo daa, ḅụ́kụro árị, tọ́rụ́siarị arịị, ḅụḅáláḅálá arịị, Krais gosi. Ḅẹẹ i tẹ́mẹ́ oḅuu sáá, anịsáa anịị a kụrọnyẹ.

2 Kọrịntịapụ 7:14

A i pa bịpịkpọ ọ pịrịm, ị pịghị ḅụgịrịrịmaghaa. Sámámgba wa karakárá ma dugho ọ pịrịmam, anị gbẹ́rẹ́ ḅara ma, wámịna bịpịkpọ Taitọs tórúku ḅo karakárányẹ sọmam.

2 Kọrịntịapụ 7:4

A opu biekpọ nyanam ọmịna ḅụ, a pịghị ó pa opuma bịpịkpọm, wámịna ḅụḅáláḅálá mamgba ḅụ, a opu biekụ́rọ nyánam, ị́yẹ́ bieḅẹlẹ kunema nyanagha.

2 Kọrịntịapụ 9:2

A nimim ḅẹẹ ọmịna tẹ́mẹ́bie ọ biarị ḅẹẹ ọ ḅárásua, a pịghị ọ pa bịpịkpọ Masidoniyaapụ ma pịrịmam. A ḅẹm ḅẹẹ, <> Anị ọ tẹ́mẹ́bie álála ḅara ma, mú nna ḅụ tọghaapụ timi sághịmamam.

2 Kọrịntịapụ 9:4

Anị fịnị ḅara ḅọ́rọ́ Masidoniyaapụ ma ịnáná ḅo ḅo sị arịḅo ḅẹẹ nịị ọ tẹ́lẹ́maghaa, anị tọ́rọ́fịnị ḅụ́gịrịrị dighiḅọ wa pịrịbẹ, anị pịghị dighiḅọ ọ pịrịbẹ ḅụ́gịrịrị wa biekpọma nyána ḅara ma ọmịna ḅụ.

1 Tẹsalonaikaapụ 1:3

Wa tẹ́ghẹ̄ Tamuno Daḅọ ma pịrị sa gonyẹ́ gonyẹ́, wamịnị ọ pa biekórómáarị pịghị dugho ọmịnị ọmịna míníni pa fịrị ḅụ sua ḅara. Ọmịna ḅẹlẹma mịẹsị ọmịnị ibima fịrịnwangị ḅara. Na pịghị ọmịna tọ́rụ́dighi Wányánáḅọ Jizọs Krais ḅụ kụ́rọ sẹ ḅara.

1 Tẹsalonaikaapụ 2:14

Wámịna Daa awọ, ọ ḅụ pághányẹ anị pịghị Judiya ḅụ fịnị Tamuno sọsị sọsị ma ḅụ pághányẹ, na anị ngá fịnị sị Krais Jizọs ḅụ mininiapụ. Ọmịnị árị tọ́rụ́siarị ma ọmịna amaapụ ma ḅara anịị nnị pịghị árị tọ́rụ́siarị Juuapụ ma ḅara.

1 Tẹsalonaikaapụ 2:19

Ọmịnị ma, ọmịnị ma ngéré jẹ́apugha anịị wámịna tọ́rụ́ dighinyẹ, wámịna bieḅẹlẹ wa go pịghị bịpịkpọarị nyẹ Tamuno wa pa nwángị kárámá maá fịrị Wányánáḅọ Jizọs Krais tórúku o ḅo bẹ sáá.

2 Tẹsalonaikaapụ 3:5

Kị́nị́nyánáḅọ o daa mú sị ọmịnị dụḅaḅá ḅara pa Tamuno ḅẹlẹma akanyaḅo na pịghị Krais pịrịarị ngịrịma.

Hiburuapụ 10:36

Í ingịrịma nyáná na ibim, si ị ine Tamuno tọ́nyẹ mịẹbẹ ḅara, si o minini nyẹ mamgba nyánáḅoo.

Hiburuapụ 6:12

Wa bighaa o ḅo ịnyọfaapụ sọ, kụ́ma o ḅo mininiapụ kịkáa, inema na minini ḅụ ḅọ́rọ́ Tamuno minini n pịrịnyẹ ma nyáná ḅo bẹapụ.

Hiburuapụ 6:15

Ebraham inema nyanam anịgosi ori ine Tamuno minini o pịrịnyẹ ma nyánaḅom.

Jems 5:11

Wamịnị n karịibimaapụ pa n siim nnị ingịrịma nyánam gosi, ọ kọkọ Jobu ingịrịma gbolomanyẹ naamá, ọ kọkọ pịghị nimi Tamuno sua ọ pịrị ḅara kunema ma ḅụ. Ḅẹ́ Kị́nị́nyánáḅọ ma tọ́rụ́kụrụkụ́rụ́ na lolomakúkúbie ọ ḅụ bim.

2 Pita 1:6

Ọmịna níminyẹ ḅụ, ḅụ ọlọ pa anị ḅụ sua, ḅụ ọlọ ḅụ ingịrịma pa anị ḅụ sua, ingịrịma ḅụ Tamuno dighi ḅáláfaa pa anị ḅụ sua.

Puu Findi 14:12

Mịma biiarị ḅẹ́, Tamuno túminị́ inema nyánáa anịị Tamuno ologho ma kokoarịapụ na pịghị sẹ́kụrọ Jizọs pịrịapụ.