2 Tẹsalonaikaapụ 1:12 - Ibani New Testament

¹² Tegó mịma ḅụ ḅọ́rọ́ túminí ḅo Kị́nị́nyánáḅọ Jizọs Krais ẹrẹ ma pịrịbẹm, ọmịna duma gosi, ọmịnị ma so pịghị ọ ḅarabie ḅo túminí nyánáḅobẹm Tamuno na Wányánáḅọ Jizọs Krais tọ́rụ́kụrụkụ́rụ́ ḅụ ḅọ́rọ́.

2 Tẹsalonaikaapụ 1:12 ပူးပေါင်းရင်းမြစ်များ

Ibi Oku Ma Jọn Anị Gịẹ Ḅara 17:10

A nyánáapụ ma gonyẹ́ gonyẹ́ ịnyee, ị pịghị nyánáapụ ma gonyẹ́ gonyẹ́ inyee. Nna ḅụ ḅọ́rọ́ ị́yẹ́ ipine anị ḅụ diepághámam.

Romapụ 1:7

Anịgo a mịị diri ma gịẹ pa ọmịnị Rom ḅụ fịnịapụ mamgba fịrịmam Tamuno ma ḅẹlẹmaapụ pịghị sịmáapụ bẹ nnị ḅo ori a túminị́ sọọ. Tamuno wámịna Daḅọ na Kị́nị́nyánáḅọ Jizọs Krais tọ́rụ́kụrụkụ́rụ́ na diin pa ọ pịrị.

1 Kọrịntịapụ 1:4

A ịmịẹḅam pa i Tamuno ḅẹarị sámámgba, ọ nyáná ọ́ pịrị tọ́rụ́kụrụkụ́rụ́ gosi Krais Jizọs ḅụ ḅọ́rọ́.

2 Kọrịntịapụ 13:4

Karakárányẹ ḅẹ́ Krais kụ́rọ ḅụ faá ḅụ nnị ọ ḅaupálịm, kụ́ma mị́sa Tamuno kụ́rọ ḅụ ḅọ́rọ́ Krais dumafịnịm. Wamịnị sọ ọ nana gbẹ́rẹ́nyẹ mịẹ ḅụ, wa ḅo kụ́rọ nyánágháapụ dighim. Kụ́ma wamịnị na ọ nana mịẹgbólóma ḅụ wa Tamuno kụ́rọ ma nyánábẹm ori duma bie.

2 Kọrịntịapụ 8:9

Ọ kọkọ wámịna Nyánáḅọ Jizọs Krais tọ́rụ́kụrụkụ́rụ́ nimi; ori ọrẹ opu láa ḅara balagha kụ́ma ọ ḅụ siminimam ọmịna sịbị go, sị ọrẹ simini ḅụ ḅọ́rọ́ ori ngọ pa ọkọọma bẹ ḅara.

Filipaiapụ 3:9

A ḅo ịḅụ dọghụḅọ sáá ọ ḅụ, a mịnị i ḅárákúu karakárá ibiamịẹnyẹ nyanagha túminị́ ólóghó ma koko ḅụ nyánáarị nyẹ́maghaa. Mị́sa a nyáná karakárá ibiamịẹnyẹ anị n pịrịarịnyẹ ma tumḅọ minini Krais ḅụ ḅọ́rọ́, Tamuno ḅara saghị ḅoarị karakárá ibiamịẹnyẹ ma minini ḅụ anịị anị saghị ḅoarị nyẹ.

2 Tẹsalonaikaapụ 1:10

O ḅomaẹrẹ anị éné ma sị o boma daakị bẹ ḅara ọra túminị́ mamgba ḅárábie na pịghị kuu, mininiapụ mamgba ḅarabie. Ọmịnị sọ nna ḅụ gbẹ́rẹ́apụ sọbẹm tegó ọmịnị wa dugho ọ pịrị oku ma minimam.

Taitọs 2:11

Ḅẹẹ Tamuno tọ́rụ́kụrụkụ́rụ́ dụaḅọ́rọ́ma akuoarị nyẹ anị ḅụ pa túminị́ mamgba diemam.

1 Pita 4:14

Bieḅẹlẹ ọmịnị a nyẹ, n ḅọ́rọ́ ọ dughosima ḅẹ́ ọmịnị Krais asọduaapụ ẹrẹ́sị, mịma dughoarị ḅẹ́ ipine Tẹ́mẹ́ ma anịị Tamuno Tẹ́mẹ́ ma ọmịna ḅụbie ngáarị.

Puu Findi 1:4

Sịbịpị ma Jọn ḅara anịị anị saghị ḅo Esiya ḅẹrẹtọ yọ ḅụ fịnị sọ́nọ́ma sọsị ma pịrị nyẹ́ẹ́: Tamuno, mị́sa fịnịḅọ, ḅọ́rọ́maa sáá fịnịḅọ na pịghị ḅo bẹ sa fịnịḅọ pịghị ori imine tórúku fịnị sọ́nọ́ma Tẹ́mẹ́ ma ḅara saghị ḅo tọ́rụ́kụrụkụ́rụ́ na diin fịnị ọ pịrịị.