2 Pita 3:7 - Ibani New Testament

⁷ Kụ́ma mị́sa fịnị so ma na kiri ma, gbẹ́rẹ́ Tamuno ẹ́gẹ́rẹ́ ma anịị nnị pa anị ọlọ warị anị dọ́ghụ́ma bẹ fịnị pịrịnyẹ. Nnị nnị pa ḅẹ́rẹ́kọọ éné ma kuruarị, nnị Tamuno nímighaapụ ma sịbị ḅẹ́rẹ́kọ si pịghị n guluguluma.

2 Pita 3:7 ပူးပေါင်းရင်းမြစ်များ

Matiu 10:15

A karakárányẹ ma dugho ọ pịrịm ḅẹ́ ḅẹ́rẹ́kọ éné ma ḅụ Tamuno tọ́rụ́kụrụkụ́rụ́ nyáná Sodom na Gomora amaapụ pịrị mịná amaapụ ma nẹ́ngịbẹm.

Matiu 11:22

Ḅẹẹ a dugho ọ pịrịm Tamuno tọ́rụ́kụrụkụ́rụ́ nyáná Taya na Sidọn pịrị ọ nẹ́ngịbẹm ḅẹ́rẹ́kọ éné ma ḅụ.

Matiu 11:24

Kụ́ma a dugho ọ pịrịm ḅẹ́ Tamuno tọ́rụ́kụrụkụrụụ́ nyáná Sodom pịrị ọ nẹ́ngịbẹm ḅẹ́rẹ́kọ éné ma ḅụ.>>

Matiu 12:36

Kuma a dugho ọ pịrịm ḅẹẹ ḅẹ́rẹ́kọ éné túminị́ dughobẹm nnị nwangikọ ḅara, n papa kọọ ẹ́gẹ́rẹ́ gonyẹ́ gonyẹ́ ḅụ.

Matiu 24:35

So na kiri ḅọ́rọ́sobẹm, kụ́ma ị́yẹ́ ẹ́gẹ́rẹ jẹ́ éné ḅọ́rọ́sobịgha.

Matiu 25:41

<

Ibi Oku Ma Mak Anị Gịẹ Ḅara 6:11

Ọ ḅọ́rọ́ túminị́ ọ datérémagha ama ḅoo ḅoo anịgha túminị́ o pughubịgha angaá ḅoo ḅoo, ama ma wáriso sị ọ ḅụọ sughu fịnị onwo ma gugu kóróma. Anịma birinụ́nụ́ akuoo nnị pịrịbẹm!>>

Ibi Oku Ma Jọn Anị Gịẹ Ḅara 12:48

I sịghịapụ gonyẹ́ gonyẹ́ sị mịnị ị́yẹ́ oku mininiakịgha, nna sịbị ḅẹ́rẹ́kọ bẹḅọ nyánam. A kọmaá ẹ́gẹ́rẹ́ ma nna sịbị ḅẹ́rẹ́kọbẹm kunema éné ma ḅụ.

Romapụ 2:5

Kụ́ma ọ kụ́rọ kúkúbie na kụ́rọ sịbịbie nyánam gosi, ọmịnị ọmịna fomḅara mịẹm anị gborogboroḅáa, anị éné ma Tamuno ori igani diepágháma bẹ éné sị pịghị karakárá ḅẹ́rẹ́kọọ.

1 Kọrịntịapụ 3:13

Tumḅọ nwángị fịrị fịnị ḅara, kị́nị́ anị árịbẹm Krais ḅo ḅẹ́rẹ́kọ bẹ éné. Anị éné ma ḅụ fịnị ọ́rụ́ḅọ ọ́rụ́ḅọ fịrị ḅara diepághámabẹm; fịnị ma anị daádighibẹm sị tụ́ma sị anị fịnị ḅara die.

Filipaiapụ 1:28

Ị́yẹ́ iruonaapụ dighi ḅáláfama, sámámgba kúkúbie kụrọ nyáná, mịma diebẹm ḅẹ ḅẹ́rẹ́ nna ḅara siim ḅẹ ọmịna ḅara ḅẹ́rẹ́ ibim, Tamuno anị sọ́ḅá ma pa ọ pịrịarịḅọ.

2 Tẹsalonaikaapụ 2:3

Mịnị ma gbẹ́rẹ́ḅọ sọ gbẹ́rẹ́ asọ ḅụ sọ oḅori pa ọ sị. Ḅẹẹ anị éné ma ḅobịgha ákị mú opu kụrọsịbịbie éné ma láa, túminị́ saghị Tamuno na kuraghaa duma kọọ bẹ sáá, anịsáa Sisịbịbieḅọ ma sọ ọ ḅụ diepághámabẹm. Tamuno tọ́pẹ́lẹ́mam ḅẹ́ ọ mịị tumḅọ ma gúlúgúlúmabẹm ẹ́kpẹ́duaama.

1 Timoti 6:9

Kụ́ma igbii nyána biiapụ daádighi bie sọsọm n warị pịghị mánámāná ojumẹnị tarịarị oḅori nyẹ na nyẹ pa túminị́ láama bẹ dia ḅụ koro, n nụ́nụ́ kiri kórómaarị nyẹ sị pịghị n guluguluma.

Hiburuapụ 12:29

Tegó wámịna Tamuno ori anịị kị́nị́ dọ́ghụ́ma dọ́ghụ́ma fịnị.

2 Pita 2:9

Mịnanyẹ mamgba diearị ḅẹ́ Kị́nị́nyánáḅọ ma so nimim ọ Tamuno dighi ḅáláfaapụ ma duaḅọ́rọ́maarị ḅara nna daádighi ḅụ, sị pịghị sii túminị́ ma pa tọ́rụ́siarị ḅụ kóróma ḅẹ́rẹ́kọọ éné la.

2 Pita 3:10

Kị́nị́nyánáḅọ ma pịghịma ḅoo bẹ éné ḅobẹm fúrúḅọ ḅara ma. Anị éné ma ḅụ, so ma ẹmẹẹ́fábẹm, sobie fịnị a nyẹ ma kọrịfịnị ḅụ dọghụfámabẹm, tuminikiri ma na anị bie fịnịnyẹ mamgba paghaḅụ pa fịnịbẹm.

2 Pita 3:12

ọ pa Tamuno ene ma kúruarị sa, ọ mịẹnyẹ mịẹsị anị álála ḅoo. Anị éné ma, sotọrụ ma dọghụbẹm fịnịbie pịghị guluguluma, sotọrụ fịnịnyẹ ma gonyẹ́ gonyẹ́ fịnị ọwụ ma anị sanimabẹm.

1 Jọn 4:17

Mịị ḅara ma, ḅẹlẹma anị ḅụ mịẹ kpainmamam wámịna bie, wa pịghị ine tẹ́mẹ́kụ́rọ nyánábẹm ḅẹ́rẹ́kọ éné ma, tegó mị tuminikiri ma ḅụ, ọ fịnị ḅára anịị wa fịnị ḅara.

Judu 1:7

O Sodom na Gomora na nnị na kikia ama gbọrụ, pa biekóróma mịná sookumuapụ ma dua yáakuu ḅụ ofori nwángị na ḅụrụamịẹnyẹ mịẹapụ, n kọrị gbámásó fịnị ma tọ́rụ́siarị arịm, mịma warị birinụ́nụ́nyẹ sọ kị́nị́mamgba pịrị.

Puu Findi 17:11

Ḅáláfáma nama parị dumafịnị nyẹ mị́sa mịnị dumagha nyẹ ma, anịị inine kárámá ámányánáḅọ ma ori pịghị sọ́nọ́ma ámányánáapụ ma ḅụ gbẹ́rẹ́ḅọ ọ muarị nnị o guluguluma.

Puu Findi 17:8

Ịrị arị ḅáláfama nama ma anị dumafịnị sáá imii, kụ́ma ḅọlọgha sáá ḅụ anị págháḅobẹm sughu nyanagha póghóló kiri ma ḅụ sị nnị anị guluguluma. Tuminikiri ngaapụ ma na nnị nna ẹrẹ gịẹghaapụ dumaapụ ma diri bie, anịị tuminikiri ma na saghịgha sa éné éné, n tọ́rụ́ bulubulubẹm nnị ḅáláfama nama ma arị sáá, tegó anị dumafịnị sáá imi: mị́sa anị mịnị dumagha kụ́ma anị pịghị sima págháḅobẹm.

Puu Findi 20:11

Anịsáa a ḅoo opuma dụḅa pị́na imine arịm na pịghị anị ọ́gọ́nọ kpọrọfị́nị́ḅọ. Tuminikiri na so na mangịm ọ fịnị angaá n pịghị mịnị jẹ́ pa fịnịngaa nyanagha.

Puu Findi 21:1

Anịsáa a ịwọ so na ịwọ tuminikiri arịm. Parị so ma na parị tuminikiri ma ẹmẹẹ́famam tọ́rụ́ sọ mịnị oforii.