2 Pita 3:18 - Ibani New Testament

¹⁸ Kụ́ma ọ pa senị́ị́ Wányánáḅọ na wámịna Ḅọ́rọ́maḅọ Jizọs Krais tọ́rụ́kụrụkụ́rụ́ na ori níminyẹ ḅụ. Ipine fịnị ọ pịrị mị́sa akị mú ḅẹsá ḅẹsá la. Anị ọkọ fịnịị.

2 Pita 3:18 ပူးပေါင်းရင်းမြစ်များ

Matiu 28:20

Pịghị a tọ́ọ ọ pịrịmaá nyẹ mamgba pa n diearị. Karakárányẹ, a pịghị ọmịnị na imi sámámgba, akị muu tuminikiri ma kunema sáá.>>

Matiu 6:13

Wa daa pa daádighi bie suu ma, kụ́ma sii tumḅọ ma ḅarabie wa dụaḅọ́rọ́ma.>

Ibi Oku Ma Jọn Anị Gịẹ Ḅara 17:3

Gbámásó duma ma nyáná bẹ ḅara, anịị ịnimii, ịrị ngéré karakárá Tamuno ma, na Jizọs Krais ị fịrịmaḅọ ma nimi.

Ibi Oku Ma Jọn Anị Gịẹ Ḅara 5:23

Kị́nị́mamgba kuu pa Tụ́wọ ma pịrị n pịghị kuu pa Daḅọ ma pịrịarị ḅara. Kuu pa Tụ́wọ ma pịrịghaḅọ pịghị kuu pa Daḅọ ma pịrịgha ọ fịrịma ḅooḅọ.

Romapụ 11:36

Tegó Ori nyẹ gonyẹ́ gonyẹ́ tẹmẹm, nyẹ gonyẹ́ gonyẹ́ pịghị ọ ḅụ ḅọ́rọ́ dumam pịghị duma ọ pịrịm. Boma fịnị Tamuno ma pịrị ákị mú ḅẹsá ḅẹsá láa! Anị ọkọ fịnị.

2 Kọrịntịapụ 4:6

Dugho Tamuno ma ḅẹẹ, <> Mịị gbẹ́rẹ́ Tamuno ma anị mịẹsị ọri baá bia wámịna tẹ́mẹ́bie sọọ nyẹ. Mịma ḅụ ḅọ́rọ́, wa Tamuno ipine nimi ḅụ sághị ḅoarị baá ma nyanam biarị nyẹ Krais tọ́rụ́ ogbo.

Ẹ́fịsọsapụ 1:17

wámịna Nyánáḅọ Jizọs Krais Tamuno ḅara biiarị, ipine nyáná Daḅọ, ḅẹẹ ọ Tẹ́mẹ́ ma pa ọ pịrị, níminyẹ pa ọ pịrịbẹḅọ, sị Tamuno ma pa o die, sị ọmịnị ibima ọ nimi bẹ ḅara.

Ẹ́fịsọsapụ 4:15

Anịmanakaragha wa tụ́manyẹ ma dugho ḅẹlẹma ḅụ, wamịnị ine sẹ́nị sị mú Krais ḅụ káara, ori ma anịị sịbịdaḅọ ma.

Filipaiapụ 3:8

Anịma ngéréghaa; a nyẹ gonyẹ́ gonyẹ́ kiẹm káara bi faá ḅara, a mịma mịẹm ịḅụ opuma nyẹ́la nyẹ ma gosi, anịị Inyanaḅọ Krais Jizọs nimi ma, ọ sịbị goo a nyẹ gonyẹ́ gonyẹ́ gbiḅuumamam, nyẹ gonyẹ́ gonyẹ́ ịḅụ opu ịlọ́lị kpọ dighimam. Sị a nyẹ gonyẹ́ gonyẹ́ nyáná ḅo bẹ ḅara Krais bie.

Kolosiapụ 1:10

Wa mịị tẹ́ghẹ̄ ma kọọarị sị ọmịnị ine Kị́nị́nyánáḅọ bii ḅara pa duma kọọ, pịghị o bieḅẹlẹma asọ mamgba ḅụ: ọmịna duma pịghị mgbọ́lụ suarị ibifịrị gonyẹ́ gonyẹ́ ḅụ, pịghị sẹnịarị ọmịna Tamuno nimi ḅụ.

Kolosiapụ 3:10

ịwọ oju ma sua sị árị ḅẹ́ sámámgba ọmịnị iwọarị, ọ pịghị sẹnịarị ḅara ọmịna Tẹ́mẹ́ḅọ nimi ḅụ sị pịghị ọ fịnị ḅara fịnị.

2 Tẹsalonaikaapụ 1:3

Wámịna Daa awọ, sámámgba wamịnị ịmịẹḅam pa Tamuno ḅẹbẹm ọmịna sịbị goo tegó mịma anị karakáram ḅẹẹ wamịnị ọkọọ mịẹ ọmịna minini opuma sẹnịarị gosi ọ nyáná jụghọ jụghọ pịrị ḅẹlẹma sọ pịghị opuma duḅaarị.

2 Timoti 4:18

Kị́nị́nyánáḅọ i dua pághámaḅobẹm siinyẹ gonyẹ́ gonyẹ́ bie, si diin ḅụ ị́yẹ́ akị sobie ori amadakiri ma muubẹm. Boma ma fịnị ori ma pịrị muu ḅẹsá ḅẹsá láa. Anị ọkọ fịnịị.

1 Pita 2:2

Ọmịnị nnị ịwọma yii awọ fịnị ḅara fịnị, sámámgba karakárá tẹ́mẹ́ju ndomingi ma ọ pụghọ tarị, tegó ọmịnị anị ḅụarị sáá ọmịnị ine sẹ́nị págháḅobẹm ọmịna dụaḅọ́rọ́ma ḅụ,

2 Pita 1:11

Mị ḅara ma, nnị kụrọ gonyẹ́ gonyẹ́ pa ọ pịrịbẹm sị ọmịnị ine wámịna Nyánáḅọ na wámịna Ḅọ́rọ́máḅọ Jizọs Krais gbámásó amadakiri ma sọ.

2 Pita 1:2

Tọ́rụ́kụrụkụ́rụ́ na diin bii ḅara pa ọmịna nyẹ sọọ, o ḅo Tamuno na wámịna Nyánáḅọ Jizọs Krais nimiḅara ma.

2 Pita 1:3

Tamuno ori kụ́rọ ḅụ ḅọ́rọ́, wa binyẹ gonyẹ́ gonyẹ́ pa wa pịrịmam mịẹsị wamịnị ine kuu pa Tamuno pịrịbẹ duma kọọ. Ori wa sịḅọ ma ori ipine na ori ibi ḅụ ḅọ́rọ́ mịnanyẹ ma pa wa pịrịm wamịnị ori ma nimi ḅụ ḅọ́rọ́.

2 Pita 1:8

Mịnanyẹ ma anịị o binyẹ ọmịna duma bie, ọ ḅọ́rọ́ nyáná bima ọmịna duma bie, anị mịẹbẹm ọ gárágárá pịghị sọọ nyẹ ḅụ sọ, ọmịna níminyẹ Jizọs Krais wámịna Nyánáḅọ ḅụ.

2 Pita 2:20

Ḅọ́rọ́ wámịna Dụaḅọ́rọ́maḅọ Jizọs Krais nimi ḅụ ḅọ́rọ́, túminị́ pịonị pághámam tuminikiri kị́nị́ pilemaarị nyẹ ma ḅárabie, mịná kụ́rọ ma sima n kuu pịghị n sọ́ḅa sọ́ḅa, anịapụ ma fịnị ḅára kunema siḅaá, nna fịnị ḅára nẹ́ngịbẹm parị sa.

Judu 1:25

wámịna Kpọ́kpọ́ gbẹ́rẹ́ Tamuno pịghị wámịna dụaḅọ́rọ́maḅọ, Jizọs Krais wámịna Nyánáḅọ ḅụ ḅọ́rọ́, ipine na, pẹrẹ na ịnyọ na kụ́rọ na, ḅọ́rọ́maa kụ́rá gbọrụ mamgba, na pịghị mị́sa akị mú ḅẹsá ḅẹsá láa! Anị ọkọ fịnịị.

Puu Findi 1:6

Warị pịghị igwagwaapụ amadakiri pa wa mịẹsị wa fịrịnwangị ọ Daa na Tamuno ma pịrịị. Boma na ịnyọ fịnị Jizọs Krais pịrị ákị mú ḅẹsá ḅẹsá láa! Anị ọkọ fịnịị.