2 Pita 3:12 - Ibani New Testament

¹² ọ pa Tamuno ene ma kúruarị sa, ọ mịẹnyẹ mịẹsị anị álála ḅoo. Anị éné ma, sotọrụ ma dọghụbẹm fịnịbie pịghị guluguluma, sotọrụ fịnịnyẹ ma gonyẹ́ gonyẹ́ fịnị ọwụ ma anị sanimabẹm.

2 Pita 3:12 ပူးပေါင်းရင်းမြစ်များ

Matiu 16:27

Ḅẹẹ, Tumḅọ yii Tụwọ ma ọ ḅobẹm ọ Daa ma ipine ḅụ na ori sookumuapụ na, anịsáa ori ọ́rụ́ḅọ ọ́rụ́ḅọ gbẹ́bẹm n ḅo nwángịmáa fịrị láa ḅara ḅụ.

Matiu 16:28

A karakárányẹ ma dugho ọ pịrịm, jẹapụ mịnga sẹ́fịnịarịapụ fịịbịgha akị muu n Tumḅọ yii Tụwọ ma árị ḅoarị ori ásẹ́mẹ́kiri ḅụ.>>

Filipaiapụ 1:6

Anịgosi a ibima nimim ḅẹ́ Tamuno mịị ibifịrị ma saghị ḅọ ma ọmịna ḅụ, anị saghị bịpị mubẹm akị mú ori anị mịẹ kárámá sa láa Jizọs Krais éné ma ḅụ.

Taitọs 2:13

wa boma éné ma kúruarị sa, wámịna tọ́rụ́ dighinyẹ nyáná éné ma anịị wámịna opu Tamuno na wámịna Dụaḅọ́rọ́maḅọ Jizọs Krais ipine na ḅo bẹ sa.

2 Pita 3:10

Kị́nị́nyánáḅọ ma pịghịma ḅoo bẹ éné ḅobẹm fúrúḅọ ḅara ma. Anị éné ma ḅụ, so ma ẹmẹẹ́fábẹm, sobie fịnị a nyẹ ma kọrịfịnị ḅụ dọghụfámabẹm, tuminikiri ma na anị bie fịnịnyẹ mamgba paghaḅụ pa fịnịbẹm.

2 Pita 3:11

Mịnanyẹ ma mị ḅara pa gulugulufama bẹ ḅara ma, ọmịnị anịị tọ́rọ fịnị túminị́ ḅara? Ọ tọ́ntọ́ duma kọọ, pịghị ọmịna ḅụ saghị Tamuno ḅárásua,

2 Pita 3:4

Warị pịghị gbíla, Jizọs kọkọ minini ḅẹ́ ọ ḅobẹm, ọ mininigha? Ọ tẹ́ angaá imi, wámịna tádọ́apụ fịị famamam, nyẹ gonyẹ́ gonyẹ́ pa anị fịnị ḅára fịnịm saghị n tuminikiri tẹ́mẹ́ sa éné éné.

2 Pita 3:7

Kụ́ma mị́sa fịnị so ma na kiri ma, gbẹ́rẹ́ Tamuno ẹ́gẹ́rẹ́ ma anịị nnị pa anị ọlọ warị anị dọ́ghụ́ma bẹ fịnị pịrịnyẹ. Nnị nnị pa ḅẹ́rẹ́kọọ éné ma kuruarị, nnị Tamuno nímighaapụ ma sịbị ḅẹ́rẹ́kọ si pịghị n guluguluma.

Judu 1:21

Ọ Tamuno ḅẹlẹma ḅụ ọmịna ḅụ warị ọmịnị Wányánáḅọ Jizọs Krais kụ́rụ́arịsa ḅẹ́ o ḅọ sị duma gbámásó pá ọ́ pịrị ori lolomakúkúbie ḅụ.