2 Pita 3:1 - Ibani New Testament

¹ Ị́yẹ́ ibi nangwọapụ, mị mị́sa a gịẹ ọ fịrịma ma mmẹẹ́ kárámá ábálálá. Mịná mmẹẹ́ ábálálá ma ḅụ, a ḅụ́kọ́rọ́mamam si fíafía kóróma timi saghịma ọmịna tẹ́mẹ́bie, a mịnanyẹ ma pa ọmịna biekórómáarị ḅara.

2 Pita 3:1 ပူးပေါင်းရင်းမြစ်များ

Matiu 5:8

Karịiḅi fịnị aka na egberi na duma nyánágháapụ pịrị, tegó nnị Tamuno árịbẹm!

2 Kọrịntịapụ 13:2

A ọ birinụ́nụ́ dọ́ghụm ọmịnị ḅọ́rọ́maa sa siinyẹ mịẹapụ, na pịghị jẹ́apụ jẹ́apụ, a parị ḅo sáá a anị gbolomanyẹ dughom, ị́yẹ́ mmẹẹ́ kárámá ḅo, a pịghị sima anị dughobẹm mị́sa a mịnga ofori sáá: ḅẹ́ a jẹ́ pa ḅo bẹ sáá fomḅara ọ gbarịbịgha.

1 Timoti 5:22

Mangị pa nyẹ mịẹma, anịị ḅara pa kị́nị́ sịbị gbánā ḅụ ị n ḅo sághị Kị́nị́nyánáḅọ fịrị ma pịrịarị sáá. Diekiri nyáná ma jẹ́apụ siiamịẹnyẹ ḅụ; ịḅụ kpainma wárii.

2 Timoti 1:6

Mị ẹrẹ́sị a pa ị biekórómáarị ḅẹ́ Tamuno pa ị pịrị dienyẹ ma a ḅara pa ị sịbị gbánā sa, mịẹsị anị duma.

Hiburuapụ 6:9

Ị́yẹ́ ibi mịnaapụ wa ḅọ́rọ́ nwọpa ẹ́gẹ́rẹ́kọọ sọ, wa biekpọ nyánam ọ fịnị angaá wa nimim ḅẹẹ ọmịnị ibi mịma nẹ́ngị boma nyanam, ọmịna dụaḅọ́rọ́ma na ḅo nyẹ.

1 Pita 1:22

Ḅẹ́ mị́sa ọmịnị ọmịna ḅụ mịẹ yóriyórimamáa ḅara ma karakárányẹ ma mịẹ ḅụ, ọ pịghị mị́sa karakárá ḅẹlẹma nyáná jẹ́ mininiapụ ma pịrịmam, ọmịnị ọmịna tẹ́mẹ́bie gbọrụ pa ibiḅara pa jụghọ jụghọ ḅẹlẹma.

1 Pita 2:11

A ọ tẹ́ghẹ̄m ịyẹa nángwọ́apụ igoniapụ na biaapụ na mị tuminikiri, ọmịnị sa nyána oju bie mẹnị tarịarịnyẹ ma pịrịma, owu pa sámámgba biebẹ duma ma pághámaarị nyẹ.

2 Pita 3:14

Anịgo ị́yẹ́ ibi nangwọapụ, ọmịnị anị éné ma kúruarị sáá, ọmịnị ọmịna ịnyọ láa ḅara mịẹsị ọmịna ḅụ mịẹ kpainma warị, bịpị ḅụ laagha pa Tamuno tórúku, pịghị ọ nana diin ḅụ fịnị.

2 Pita 3:17

Kụ́ma ọmịnị ị́yẹ́ ibi nángwọ́apụ ọ tarị mịma nimimáa sáá, ọmịnị ọ tọ́rụ́ findi si ólóghó kokoghaapụ ma ọ daa irimagha, si o sóórókoro ọ sẹ ibi ngaa ḅụ.

2 Pita 3:8

Kụ́ma ị́yẹ́, ibi nangwọapụ, ọ mịị gbẹ́rẹ́nyẹ pa bieḅárámá ma: ḅẹ Tamuno tórúku gbẹ́rẹ́ éné sọ́ḅọ́rọ́ kụ́rá mmẹẹ́ andẹẹ́ oyia si findi, kụ́rá a mmẹẹ́ ndẹ́ẹ oyia si findi sọ́ḅọ́rọ́ gbẹ́rẹ́ éné.

Judu 1:5

Karakárányẹ ḅẹẹ ọ mị mamgba nimim, a papa ọ biekóróma ḅẹ́ Kị́nị́nyánáḅọ Izirẹlịapụ dụapághámaḅo ḅara Ijipitiapụ ḅarabie kụ́ma anịma ḅọ́rọ́fáma sa, mininighaapụ ma gulugulumam.