2 Pita 2:9 - Ibani New Testament

⁹ Mịnanyẹ mamgba diearị ḅẹ́ Kị́nị́nyánáḅọ ma so nimim ọ Tamuno dighi ḅáláfaapụ ma duaḅọ́rọ́maarị ḅara nna daádighi ḅụ, sị pịghị sii túminị́ ma pa tọ́rụ́siarị ḅụ kóróma ḅẹ́rẹ́kọọ éné la.

2 Pita 2:9 ပူးပေါင်းရင်းမြစ်များ

Matiu 10:15

A karakárányẹ ma dugho ọ pịrịm ḅẹ́ ḅẹ́rẹ́kọ éné ma ḅụ Tamuno tọ́rụ́kụrụkụ́rụ́ nyáná Sodom na Gomora amaapụ pịrị mịná amaapụ ma nẹ́ngịbẹm.

Matiu 6:13

Wa daa pa daádighi bie suu ma, kụ́ma sii tumḅọ ma ḅarabie wa dụaḅọ́rọ́ma.>

Romapụ 2:5

Kụ́ma ọ kụ́rọ kúkúbie na kụ́rọ sịbịbie nyánam gosi, ọmịnị ọmịna fomḅara mịẹm anị gborogboroḅáa, anị éné ma Tamuno ori igani diepágháma bẹ éné sị pịghị karakárá ḅẹ́rẹ́kọọ.

1 Kọrịntịapụ 10:13

Ị arịmáa daádighi gonyẹ́ gonyẹ́ anịị túminị́ sámámgba arịarị daádighi ma. Tamuno o minini nyẹ mịẹbẹm, o minibịgha sị ị́yẹ́ ịnyọ ine daabịgha daádighi ḅoo ị láa. O wáriso sị anị daádighi ma ḅo ọ laarị sáá ọ pịghị ịnyọ pa ọ pịrịbẹm ọ pa ine anị inema, ọ pịghị asọ findibẹm ọ pa ine mangị págháaḅo.

2 Timoti 3:12

Tụ́manyẹ ḅụ Tamuno kịka duma kọọdoghuḅo gonyẹ́ gonyẹ́ Krais Jizọs bie nnị nḅọ pa tọ́rụ́siarịmabẹm.

Taitọs 2:14

Ori ọḅụ pa wa pịrịm sị ori wa duapághámaḅoo bẹ ḅara siiamịẹnyẹ gonyẹ́ gonyẹ́ ḅụ sị mịẹsị wa fíafía, fịnị ori ngéré pịrị túminị́, sị sámámgba dọghụarị ḅẹ́ wa ibifịrị nwángị.

2 Pita 2:4

Siinyẹ mịẹ sookumuapụ ma Tamuno nnị warisogha, ori nnị pa ẹ́kpẹ́duaama fịrịmam, ịkóli suanyẹ na n ḅara na pa kánákáná póghóló kiribie gbii ḅẹ́rẹ́kọọ éné ma kúruarị.

2 Pita 3:7

Kụ́ma mị́sa fịnị so ma na kiri ma, gbẹ́rẹ́ Tamuno ẹ́gẹ́rẹ́ ma anịị nnị pa anị ọlọ warị anị dọ́ghụ́ma bẹ fịnị pịrịnyẹ. Nnị nnị pa ḅẹ́rẹ́kọọ éné ma kuruarị, nnị Tamuno nímighaapụ ma sịbị ḅẹ́rẹ́kọ si pịghị n guluguluma.

Judu 1:6

Ọmịnị sookumuapụ ma pa biekóróma, mịnị nna ḅụ pa nna kụrọ láa kunema angaá ḅụ warighaapụ, kụ́ma nna fịnị yọ warisom: n gbámásó ịkóli pa n suamam sughubie fịnị kánákáná ma bie, Tamuno n pa warị pa anị opu éné ma kúru nna ḅẹ́rẹ́kọ éné nnị n guluguluma bẹ sáá.

Puu Findi 3:10

Ọmịnị a sua ọ pịrị ólóghó ma kokomam gosi sị ngịrịma nyáná, irịsọ pịghị ọ koko warịbẹm tuminikiri ḅoarị ḅụḅáláḅálá sáá ma ḅụ, ḅoo tuminikiri fịnịapụ ma daádighi bẹnyẹ.