2 Pita 2:1 - Ibani New Testament

¹ Ḅọ́rọ́maa sáá iruo ikiakoroapụ págháḅom túminị́ ma ogbobie, anị gbẹ́rẹ́ ḅara ma anịị iruo nyẹ́dieapụ so págháḅo bẹ ḅara ọmịna ogboku bie. Nnị ḅọghu ḅara ḅụ kị́nị́ḅáa bẹ na iruo dienyẹ akuo ḅobẹm, n pịghị n dụaḅọ́rọ́ma Nyánáḅọ ma pighibẹm, anị ḅụ ḅọ́rọ́ buapághá ḅara ḅụ kị́nị́ḅáa dighiḅọ nna ḅụ pịrị.

2 Pita 2:1 ပူးပေါင်းရင်းမြစ်များ

Matiu 10:33

Kụ́ma i pighiḅọ gonyẹ́ gonyẹ́ tuminikiriapụ tórúku, a pịghị n ḅo pighibẹm i Daá ma tórúku sobie.

Matiu 24:11

<

Matiu 24:24

Ḅẹẹ epele Krais na epele ikiakoroapụ págháḅobẹm sị opu ilíghíma na ḅụ́gbérépuma fịrịnwangị pa oḅori pa n sẹlẹakịapụ ma sị, ḅọ́rọ́ nnị ine bẹ.

Matiu 24:5

Ḅẹẹ tọghaapụ ḅobẹm ị́yẹ́ ẹ́rẹ́ ḅụ, dughoarị ḅẹẹ, sị pịghị oḅori pa tọghaapụ sịịbẹm.

Matiu 7:15

<<Ọmịnị ọ ḅụ ẹbị epele ikiakoroapụ ma gosi, nnị ọ dámáḅobẹm ánáná oju apara sua kụ́ma sughubie nnị piri obiri.

Ibi Oku Ma Mak Anị Gịẹ Ḅara 13:22

Tegó iruo Messaya na iruo ikiakoroapụ págháḅobẹm. Nnị tọgha ḅụ́gbérépuma fịrị nwángịbẹm sị n pa oḅori pa Tamuno sẹlẹakịapụ ma sị ḅọ́rọ́ nnị ine inee.

Ibi Oku Ma Luk Anị Gịẹ Ḅara 12:9

Kụ́ma túminị́ ogbo ị sịghị ḅọ́ gonyẹ́ gonyẹ́, Tumḅọ yii Tụwọ pịghị Tamuno sookumuapụ fịnị ngaa anị ḅoo sịghịbẹm.

Ibi Oku Ma Luk Anị Gịẹ Ḅara 21:8

Jizọs warị ḅẹẹ, <<Ọ tọ́rụ́ pa kiri lama, o minima kị́nị́ oḅori pa ọ sị, tọghaapụ ḅẹarịapụ ḅẹẹ nnị ẹ́gẹ́rẹ kọọ i pịrịarị, n ḅobẹm ḅo dugho ḅẹẹ, Sị pịghị dugho ḅẹẹ, Ọmịnị n dua ma.

Ibi Oku Ma Luk Anị Gịẹ Ḅara 6:26

Opu kụrụrụ fịnị o kuruarị ọmịnị túminị́ mị́sa túminiariapụ, tegó anịị nna tádọ́apụ ma sọ iruo na ikiakoroapụ ma túminí ḅara.>>

Romapụ 16:18

Ọkọfịnị nyẹ ma mịẹarịapụ fịrịnwangị wámịna Nyánáḅọ Krais pịrịgha kụ́ma nna opu furo. Nna ḅẹ́lẹ̄ bịpị na túminị́ kombo ẹ́gẹ́rẹ́ nnị oḅori pa ḅẹnyẹ ḅẹnyẹ nímighaapụ sịarị.

1 Kọrịntịapụ 11:19

(Pighi bẹnyẹ anị bie ofori, puama ọmịna ogboku bie fịnịbẹm sị karakáráma ḅụ fịnịapụ ma nnị ibima nna árị bẹ ḅara).

1 Kọrịntịapụ 6:20

Ori igbii bịpị pa ọ fẹm, anịgo ọmịna oju ḅụ ọ Tamuno boma.

1 Kọrịntịapụ 7:23

Tamuno nyẹ́la nyẹ pa ọ fẹm; anịgosi ọmịnị omoni sọọ túminị́ pịrịma.

Galesiaapụ 2:4

Karakárányẹ ḅẹ́ jẹ́apụ ọkọ dọ́ghụm, oḅori pa kị́nị́ sịarịapụ sọ́ḅọ́rọ́ nnị sọ mininiapụ, mịnaapụ wámịna ogbobie sọḅom ḅọghu ḅara ḅụ, sị n dọghụ pághámaḅo bẹ ḅara wa nyáná ḅụ́nyana wa ḅo Krais Jizọs na gbẹ́rẹ́nyẹ mịẹ sáá, nnị Juuapụ ólóghó ómóniapụ pa wa mịẹ dọ́ghụm.

Galesiaapụ 3:13

Krais sifịla sọ wa pịrịmaá ḅara ma, ọ wa dụaḅọ́rọ́māmám ólóghó ma akuoo si fị́lā ḅụ; Tọ́ndiri ma dugho ḅara ḅẹ́, <>

Galesiaapụ 4:17

Isiapụ ma mịẹarị so ḅọ́rọ́ọ́ nnị opuma ọ ḅẹlẹma nyẹ, kụ́ma nna tẹ́mẹ́bie fịnịnyẹ ọmịna ḅụ ibighaa. Nnị dọghụarị ọmịnị i wáriso sị n dua bẹ ḅara, sị sághị nnị dughonyẹ mịẹ.

Galesiaapụ 5:20

susi n kara nyẹ pịrị, diri kọrị, kị́nị́ pa ị́yẹ́ iruonaḅọ mịẹ, kamkoro, jughonyẹ mọnị, owi tẹ́mẹ́, ịḅụ ibi ngéré dọghụ, puama dighi kubiri ogbo, ogbo kaa ḅẹlẹma.

Ẹ́fịsọsapụ 1:7

Krais ọmbịnyẹ́ ḅụ ḅọ́rọ́ wa dụaḅọ́rọ́ma nyánam, n wámịna siiḅụḅarasi wa pịrịm ori opu tọ́rụ́kụrụkụ́rụ́ gosi.

Ẹ́fịsọsapụ 4:14

Wamịnị awọamaapụ ḅara pa nyẹ mịẹbịgha, oḅori pa kị́nị́ sịarịapụ dienyẹ ma duaarịapụ, dinọngụ nyẹ dighi ḅara pa dighiarị nyẹ na fọ́rụ nyẹ dighi ikelekelearị ḅara, pa dighi ikelekelearị nyẹ. Mịná túminị́ ma jẹ́apụ túlúma irima nyẹ bie suam n tẹ́mẹ́bie págháḅo aka na egberi na ḅụ.

Filipaiapụ 3:19

Kọ́rịfịnị anịị nna kunema, tegó nna kálá Tamuno anịị nna fúro, n pa ḅụ́gịrịrị bẹnyẹ anịị n pa bịbịkpọarị nyẹ, mị tuminikiri gbolomanyẹ gonyẹ́ gonyẹ́ anịị n sịbịbie kịẹ pịrịarịnyẹ.

Kolosiapụ 2:18

Minima kị́nị́ ḅẹ́rẹ́ pa ọ ḅárá sima, dughoarị ḅọ ḅẹ́, nḅọ nyẹ́nimiḅam, anịị nḅọ múnogha dawọ ḅụ árịarị nyẹ gosi na pịghị nḅọ nyána oḅori pa kị́nị́ sị ḅụ sitéréma ḅụ na pịghị susi soókumuapụ pịrị ḅụ. Mịná túminị́ ma nnị ḅara pụ́nụ́nyẹ nyanagha sị opuamịẹnyẹ mịẹarị nna kóróma ḅụ

Kolosiapụ 2:8

O minima gbẹ́rẹ́ḅọ sọ ofori ofori na oḅori pa kị́nị́ sinyẹ nụná ḅụ ḅọ́rọ́ o kuu pa ịkóli bie sua, anịị tuminikiriapụ nyẹ mịẹmịẹ ḅara ḅụ saghị ḅoarị nyẹ, tuminikiri táarị sitẹ́mẹ́ ḅụ ḅọ́rọ́ kụ́ma Krais ḅara ḅụ saghị ḅogha.

1 Timoti 5:8

Ine amịna mịnaapụ siḅegha ḅọ, anịị taa na awọ pa tórúku tarị, anị tumḅọ ma ọḅụ pa minini ma gbimam, mininighaḅọ ibi anị tumḅọ ma nẹngịm.

2 Timoti 4:3

Sáá ma ḅoarị túminị́ mịnị birifama karakárá dienyẹ ma pịrịbịgha sáá, nnị nna ḅụ tarị nyẹ duabẹm, sị nyẹ́dieapụ táa tụndụrụma nna ḅụ pịrị, nna biri náa dọghụnyẹ pa n die bẹapụ.

Taitọs 1:11

Mịná túminị́ ma árị ḅẹ́ sị n bịpị gbẹm nnị diearịnyẹ ma ḅụ, tegó nnị tọgha wárị gbọrụ daá irimaarị, nnị die na ḅụgbẹ́gha dienyẹ ma ḅụ ḅọ́rọ́. Nnị mịma mịẹarị ḅụ́gịrịrị igbii pụghọ gosi.

Taitọs 3:10

Puama dighiarịapụ ma, n birinụ́nụ́, pịghị jẹ́ pa nna birinụ́nụ́, anịma ḅọ́rọ́ sa mịnị nnị na gbẹ́rẹ́ mịẹnyẹ sọ nyána ma.

Hiburuapụ 10:29

Anị tọ́rọ fịnị n pịrịbẹ, Tamuno Tụ́wọ ma dighisima ḅọ? Si ori ọmbịnyẹ́ ọḅọọ ma pa papanyẹ mịẹ, sii ḅụ n siri pághámaḅo nyẹ, tọ́rụ́kụrụkụ́rụ́ Tẹ́mẹ́ ma wiri ḅọ. Sịbịbie kịẹ anị pịrị n ḅo árị bẹ tọ́rụ́siarị la bẹ ḅara.

1 Pita 1:8

Ọmịnị ọ ḅẹlẹmam, na ọmịnị ori arịgha so, ọmịnị ọ ḅụ mininim na mị́sa ọmịnị ori arịgha sọ, mị́sa ọdurụkụarị opu bieḅẹlẹ na ipine ḅụ bii nyẹ, ẹ́gẹ́rẹ́ bịpị ine anị dugho pághámabịgha nyẹ,

2 Pita 2:3

Nna opu pụghọ gosi, mị iruo nyẹ́dieapụ ma ọ ḅụ sọ́nyẹ mịẹbẹm n gba ọ pịrịbẹ ofori ofori lụghụ gosi. Ḅọlọmaa sa ḅụ, nna ḅẹ́rẹ́pẹ́lẹ́ tẹ́lẹ́ma wárịmam, n ḅa bẹḅọ ma so tọ́rụ́ findi fịnịarị.

1 Jọn 2:26

A mịị diri ma gịẹ ọ pịrịarị, oḅori pa ọ si dọghụapụ ma go.

1 Jọn 4:1

Ị́yẹ́ ibi nangwọapụ, ọ tẹ́mẹ́ gonyẹ́ gonyẹ́ minini ma, kụ́ma tẹ́mẹ́ mamgba daádighi pa nimi ḅọ́rọ́ nnị Tamuno ḅara saghị ḅo, tegó tọgha tọgha epele ikiakoroapụ tuminikiri ma sọmam.

Judu 1:18

Nnị dugho ọ pịrịm ḅẹẹ kunema éné ma ḅomaẹrẹ, túminị́ págháḅobẹm ọ kpọtibẹapụ, Tamuno nimigha sị nna ojumẹnị binyẹ duabẹapụ.

Judu 1:4

Jẹa túminị́ Tamuno nímighaapụ ḅọghu ḅara pa ikirisọḅomam ọ mịnị ogboku bie sị Tamuno tọ́rụ́kụrụkụ́rụ́ oku ma dima, nnị pa nna yáakuu ḅụ ofori nwángị ma kọ, pịghị Jizọs Krais wámịna kpọ́kpọ́ Daḅọ na wámịna Nyánáḅọ sịghị. Ḅọlọmaa sáá Tọ́ndiri ma dugho kórómamam nnị nyanamaá ḅẹ́rẹ́kọ.

Puu Findi 13:14

Anị oḅori pa tuminikiri ngáarịapụ mamgba siim anịị, nnị anị wáriso si anị nwángịarị ḅụ́gbérépuma fịrị ma gosi, parị ḅáláfama nama ma tórúku. O dugho n pịrịm ḅẹẹ nnị n tẹ́mẹ́nyẹ mịẹ sẹ maá, pa nyẹ láa ḅáláfama nama ma pa biekóróma bẹnyẹ mịẹ. Nnị áláápụ́-ágidi pa nyẹ́ pa anị lama nyẹ sị pa dumafịnị nyẹ.

Puu Findi 2:13

A nimim ọmịnị ngaa angaá, anịị Satanị ma ori imine nyáná ngaa. Anịsọ ọ pa sẹ́kụrọ ị́yẹ́ ẹrẹ ma pịrịm ọ pa ịḅụ mininim nnị Antipasi ị́yẹ́ karakárá onyésẹ̄ḅọ ma ḅá sa ọmịna opu ama bie anịị Satanị ma ngaa angaá.

Puu Findi 2:9

A ọmịna ḅụḅáláḅálá nimim; a pịghị ọmịna ịgónyí nimim anịsọ ọ pa ngọ nyánam! A nimim nnị ọ ḅụ ḅụ dugho síí ẹ́gẹ́rẹ́, ḅẹ́eapụ ḅẹẹ nnị Juuapụ kụ́ma nnị Juuapụgha; nnị anịị Satanị kubiri ogbo!

Puu Findi 3:8

A ọ ọmịna mịẹnyẹ nimim, a ḅụ́pọ́ findi ọ pịrịmam gbẹ́rẹ́ḅọ sọ ine ikásịbịgha nyẹ. A nimim ḅẹẹ ọ kálá ịnyọ nyánam; ọmịnị ị́yẹ́ dienyẹ ma duamam, ọ pịghị sẹ kụrọ ị́yẹ́ ẹrẹ ma pịrịmam.

Puu Findi 5:9

Nnị ịwọ núme sum ḅẹẹ: <

Puu Findi 6:10

Nnị warị kụrọ pụghọ pa ilúghú, <>