2 Pita 1:7 - Ibani New Testament

⁷ Tamuno dighi ḅáláfaa ḅụ, ibitẹ́mẹ́ nyáná mịnaapụ pịrịị, ibitẹ́mẹ́ nyáná mịnaapụ pịrị ḅụ ḅẹlẹma pa anị ḅụ sua.

2 Pita 1:7 ပူးပေါင်းရင်းမြစ်များ

Romapụ 12:10

Ọ mịnaapụ ḅara pa jụghọ jụghọ ḅẹlẹma, osigha pa jụghọ jụghọ pịrị ọ́ ḅụ nẹ́ngịma.

Galesiaapụ 6:10

Anịgosi wa asọ nyáná sa gonyẹ́ gonyẹ́ wa ibinyẹ mịẹ kị́nị́mamgba pịrị, ẹ́rẹ́soma Krais ḅụ mininiapụ ma.

Kolosiapụ 3:14

Mịná mịẹnyẹ mamgba ọgọnọ, ḅẹlẹma nyána, mịma anịị nyẹ mamgba kpọọ pa gbẹ́rẹ́nyẹ mịẹnyẹ anị kpain ḅara ḅụ.

1 Tẹsalonaikaapụ 3:12

Kị́nị́nyánáḅọ ma mịẹsị ọ nyáná jụghọ jụghọ pịrị ḅẹlẹma na ọ nyáná kị́nị́mamgba pịrị ḅẹlẹma opuma sẹnị sị ḅoo wa nyáná ọ pịrị ḅẹlẹma la ḅara láa.

1 Tẹsalonaikaapụ 5:15

Arịị ḅẹ́ gbẹ́rẹ́ḅọ sọ siinyẹ pa siinyẹ gbẹ́gha, kụ́ma sámámgba pa ọmịna mịẹmịẹnyẹ mịẹsị ibi mịẹ jụghọ jụghọ pịrị na pịghị kị́nị́mamgba pịrị.

Hiburuapụ 13:1

Ọ jụghọ jụghọ ḅẹlẹma bịpịmú Krais asọ duaarịapụ ḅara.

1 Pita 1:22

Ḅẹ́ mị́sa ọmịnị ọmịna ḅụ mịẹ yóriyórimamáa ḅara ma karakárányẹ ma mịẹ ḅụ, ọ pịghị mị́sa karakárá ḅẹlẹma nyáná jẹ́ mininiapụ ma pịrịmam, ọmịnị ọmịna tẹ́mẹ́bie gbọrụ pa ibiḅara pa jụghọ jụghọ ḅẹlẹma.

1 Pita 2:17

Ọmịnị osigha nyáná kị́nị́mamgba pịrị, ị jẹa mininiapụ ma ḅẹlẹma, ọ Tamuno dighi ḅáláfaa, kuu pa ámányánáḅọ ma pịrị.

1 Pita 3:8

A kunemaarị: ọmịnị kị́nị́mamgba gbẹ́rẹ́ tẹ́mẹ́ nyáná, ḅụnjịrị nyáná, jụghọ jụghọ ḅẹlẹma mịnaapụ ḅara, ọmịnị ibiamịẹnyẹ nyáná pịghị ḅụ siterema jụghọ jụghọ pịrị.

1 Jọn 3:14

Wa nimim ḅẹ́ wa fịị ḅụ ḅọ́rọ́ mú duma bie sọmam; wa mịma nimim tegó wa mịnaapụ ma ḅẹ́lẹ́mam. Amịna mị́naḅọ ḅẹ́lẹ́maghaḅọ gonyẹ́ gonyẹ́ fịị kụ́rọ ma sughubie imii.

1 Jọn 3:16

Mịị ḅara ma anịị wa ḅẹlẹma pa sị nyẹ nimibẹnyẹ: ḅẹ́ Krais ori duma pa igwagwaá wa pịrịm, wamịnị so wámịna duma pa igwagwaá mịnaapụ ma pịrị.

1 Jọn 4:21

Mịị Krais tọ́ọ wa pịrị ólóghó ḅẹ́ Tamuno ḅẹlẹma ḅọ gonyẹ́ gonyẹ́ pịghị amịna mị́naḅọ ḅẹ́lẹ́mabẹm.