2 Pita 1:6 - Ibani New Testament

⁶ Ọmịna níminyẹ ḅụ, ḅụ ọlọ pa anị ḅụ sua, ḅụ ọlọ ḅụ ingịrịma pa anị ḅụ sua, ingịrịma ḅụ Tamuno dighi ḅáláfaa pa anị ḅụ sua.

2 Pita 1:6 ပူးပေါင်းရင်းမြစ်များ

Ibi Oku Ma Luk Anị Gịẹ Ḅara 21:19

Sẹ́ kụ́rọ, anịsáa ị ịḅụ duaḅọ́rọ́mabẹm.

Ibi Oku Ma Luk Anị Gịẹ Ḅara 8:15

Ibikiri ḅụ kóró sịmgbọlụ ma sẹ oku ma naapụ pịrịm sị ibi na pịghị bịpị osii tẹ́mẹ́bie pa anị kokom, anị warị ngịrịma nyáná wárii sị ḅo sịmgbọlụ suam.

Fịrị Ḅara 24:25

Kụ́ma Pọl saghị ibiamịẹnyẹ, na ine ḅụ ọlọ, na pịghị ḅoarị ḅẹ́rẹ́kọ éné ma dughoarị sáá, ḅáláfaa warị Fẹlis ḅụ sọọ, ọ warị ọ ḅẹẹ, <>

Romapụ 15:4

Ḅọ́rọ́maa sa n gịẹnyẹ ma gonyẹ́ gonyẹ́, n gịẹm pa nyẹ pa wa die bẹ ḅara, sị wamịnị tọ́ndiri ma bie saghị ḅo inema na tẹ́mẹ́kụ́rọ, wamịnị ine tọ́rụ́ dighinyẹ nyáná bẹ ḅara.

Romapụ 2:7

Jẹ́apụ ibinyẹ mịẹmịẹ tórúku mú ḅụ boma na kuu na gbámásó duma bim, nnị ma Tamuno duma gbámásó pa n pịrịbẹm.

Romapụ 8:25

Kụ́ma ḅọ́rọ́ wa tọ́rụdighinyẹ nyáná wamịnị arịgha nyẹ ḅụ, wa ingịrịma nyáná sị anị kurubẹm.

1 Kọrịntịapụ 9:25

Ọ ḅụ tẹ́lẹ́ma mangị ti ma pịrịarịḅọ gonyẹ́ gonyẹ́ ọ ḅụ pa opu ḅụọ dáwọ ḅụ suabẹm, ọ mịma mịẹm dii láabịgha ogunu gosi; kụ́ma wamịnị wa mịẹarị si wa ine fịnị gbámásó ogunu nyáná ḅo.

2 Kọrịntịapụ 6:4

Kụ́ma wa mịẹarịnyẹ gonyẹ́ gonyẹ́ ḅụ, wamịnị wa ḅụ diearị ḅẹ́ wamịnị Tamunofịrị nwángịapụ, wa ḅụḅáláḅálá na ḅụ́kụro na ḅụdányẹ ngịrịmaarị ḅara.

Galesiaapụ 5:23

ḅụ sitéréma na ḅụ ọlọ. Mịma nẹ́ngị nyẹ ólóghó bịpị ḅụ ofori.

Kolosiapụ 1:11

Wa pịghị tẹ́ghẹ́arị ḅẹ́ Kị́nị́nyánáḅọ ori ipine kụ́rọ mamgba pa ịnyọ pa ọ ḅụ sua, anị ḅụ ḅọ́rọ́ ọmịnị ine opu ngịrịma na inema nyáná bẹ ḅara, sị bieḅẹlẹ pịghị ọmịna tẹ́mẹ́bie bii.

1 Tẹsalonaikaapụ 1:3

Wa tẹ́ghẹ̄ Tamuno Daḅọ ma pịrị sa gonyẹ́ gonyẹ́, wamịnị ọ pa biekórómáarị pịghị dugho ọmịnị ọmịna míníni pa fịrị ḅụ sua ḅara. Ọmịna ḅẹlẹma mịẹsị ọmịnị ibima fịrịnwangị ḅara. Na pịghị ọmịna tọ́rụ́dighi Wányánáḅọ Jizọs Krais ḅụ kụ́rọ sẹ ḅara.

2 Tẹsalonaikaapụ 1:4

Anịị wa goo ọ pa bịpịkpọ nyẹ Tamuno sọsị sọsị ma ogbobie, wamịnị ọ pa bịpịkpọm ọ sẹ kụ́rọ inema nyána ḅara sị pa minini, nnị ọ pa arịị árị tọ́rụ́siarị mamgba balagha pa.

2 Tẹsalonaikaapụ 3:5

Kị́nị́nyánáḅọ o daa mú sị ọmịnị dụḅaḅá ḅara pa Tamuno ḅẹlẹma akanyaḅo na pịghị Krais pịrịarị ngịrịma.

1 Timoti 2:10

Kụ́ma ibiamịẹnyẹ fịrị pa nna ḅụ́birima, anịị anị karakárá n pịrị ḅara dughoapụ ma ḅẹ́ nnị Tamuno tẹ́ghẹ̄arị ẹrẹ.

1 Timoti 2:2

ámányánáapụ na pịghị sịbịdaapụ mamgba sịbị, si wamịnị ine yaghúu na diin duma kọọ bẹ ḅara osigha nyáná Tamuno pịrị na pịghị karakárá mịẹnyẹ ḅụ.

1 Timoti 3:16

Karakárányẹ ḅụ, wámịna minini ma ḅụ fịnị ḅọghunyẹ opuma dụḅam, Krais mẹnịsua tuminikiri ḅom, Tẹ́mẹ́ ma diepághámam ḅẹ́ siiamịẹnyẹ ọ ḅụ ofori, sookumuapụ ori arịm, sẹ́ sẹ́ sẹ́ ḅụ nnị o gbolomanyẹ dugho wásámam, tuminikiriapụ ọ ḅụ mininim, nnị ipine ḅụ ọsịakị sọ́mum.

1 Timoti 6:11

Kụ́ma ịrịị, Tamuno tumḅọ ịḅụ darịma mịnanyẹ mamgba ḅụ, karakárá ibiamịẹnyẹ dọghụ pa sịbị sághị, Tamuno nimi, minini, ḅẹlẹma, ngịrịma na diin mịẹnyẹ.

1 Timoti 6:3

Jẹ́ kịrị dienyẹ dieḅọ fịnịfịnị sị pịghị wámịna Nyánáḅọ Jizọs Krais karakárá ẹ́gẹ́rẹ́ ma na kuragha nyẹ na pịghị wámịna Tamuno minini dienyẹ ma diegha ḅọ

1 Timoti 6:6

Tamuno nimi na tumḅọ nyánányẹ fúrōbi anịị opu sọnyẹ.

2 Timoti 3:5

Tamuno kịkama duma nyáná kụ́ma ori kụ́rọ ma pighi. Nnị na ḅẹnyẹ ḅẹnyẹ nyáná ma.

Taitọs 1:1

Mịị diri ma ịrị Pọl ḅara saghịḅom, ịrị anịị Tamuno ma ómóniḅọ pịghị Jizọs Krais fịrịmaḅọ, ori i tọọm ḅẹ́ a mú Tamuno sẹlẹakịapụ ma daa karakáráma sị n minini nyáná bẹ ḅara sị pịghị karakárá ma nimi mịẹsị nnị ine ibima Tamuno ma dua,

Taitọs 1:8

Tụ́ma igoniapụ datérémadi, ibinyẹ ḅẹlẹma ḅọ, ine ḅụ ọlọḅọ, karakárányẹ mịẹarịḅọ, oju pa tọ́ntọ́ ḅụ warịḅọ, ḅụ ọlọ karakárányẹ pịrịḅọ.

Taitọs 2:2

Sẹnị owiapụ ma die ḅẹẹ, n tẹ́mẹ́ ọlọ, osigha nyáná nna ḅụ pịrị, ine ḅụ ọlọ, kụ́rọ sẹ nna minini ḅụ, nna ḅẹlẹma ḅụ na pịghị nna ngịrịma ḅụ.

Hiburuapụ 10:36

Í ingịrịma nyáná na ibim, si ị ine Tamuno tọ́nyẹ mịẹbẹ ḅara, si o minini nyẹ mamgba nyánáḅoo.

Hiburuapụ 12:1

Wamịnị, wa mị tọgha túminị́ nyanam, wa gbiri ikelekelé si onyẹ́sẹ wa pịrịapụ, anịgo anị ibim ḅẹẹ wa pa ngása, warịị wa pụ́nụ́marịnyẹ gonyẹ́ gonyẹ́ na pịghị wa fángálámaarị sii ma, sị wa pịghị ingịrịma nyána si wámịnị ine kụ́rọ́ma si wámịna tórúku fịnị mangị ma mangịị.

Hiburuapụ 6:12

Wa bighaa o ḅo ịnyọfaapụ sọ, kụ́ma o ḅo mininiapụ kịkáa, inema na minini ḅụ ḅọ́rọ́ Tamuno minini n pịrịnyẹ ma nyáná ḅo bẹapụ.

Hiburuapụ 6:15

Ebraham inema nyanam anịgosi ori ine Tamuno minini o pịrịnyẹ ma nyánaḅom.

2 Pita 1:3

Tamuno ori kụ́rọ ḅụ ḅọ́rọ́, wa binyẹ gonyẹ́ gonyẹ́ pa wa pịrịmam mịẹsị wamịnị ine kuu pa Tamuno pịrịbẹ duma kọọ. Ori wa sịḅọ ma ori ipine na ori ibi ḅụ ḅọ́rọ́ mịnanyẹ ma pa wa pịrịm wamịnị ori ma nimi ḅụ ḅọ́rọ́.

2 Pita 3:11

Mịnanyẹ ma mị ḅara pa gulugulufama bẹ ḅara ma, ọmịnị anịị tọ́rọ fịnị túminị́ ḅara? Ọ tọ́ntọ́ duma kọọ, pịghị ọmịna ḅụ saghị Tamuno ḅárásua,

Puu Findi 1:9

Irị anịị Jọn, ọmịna mịnaḅọ owitụ́wọ, pịghị Jizọs duaarị gbẹ́rẹ́ḅọ irị ọ́ḅụ gbẹ́rẹ́ḅọ ngịrịma pa ori ásẹ́mẹ́kiriapụ laarị tọ́rụ́siarị ma arịarịḅọ. Nnị i pa Patmọs ogbosúányẹ ḅụ kórómam a Tamuno ẹ́gẹ́rẹ́ ma dugho wásámam na pịghị Jizọs diepágháma karakárá gosi.

Puu Findi 13:10

<>

Puu Findi 14:12

Mịma biiarị ḅẹ́, Tamuno túminị́ inema nyánáa anịị Tamuno ologho ma kokoarịapụ na pịghị sẹ́kụrọ Jizọs pịrịapụ.

Puu Findi 2:2

A ị́yẹ́ mịẹ́nyẹ nimim i kọmaá duma; a nimim ịrị ịnyọsua fịrịnwangịmaá ḅara ị pịghị ngịrịma nyanamaá ḅara. A nimim ḅẹẹ ịrị ine sii túminị́ dighi tọ́rụ́sibịgha, ị pịghị nfịrịmaapụ pa nna ḅụ sịịapụ ma dáadighiman, kụ́ma nnị ọkọ fịnịgha, sị warị dọghụ pághámaḅom ḅẹẹ nnị iruonyẹ dughoapụ.