2 Pita 1:5 - Ibani New Testament

⁵ Mịma go, ọmịnị ọmịna ịnyọ la ḅara mịẹsị ọmịna minini ḅụ ibiamịẹnyẹ pa anị ḅụ sua, ibiamịẹnyẹ ḅụ níminyẹ pa anị ḅụ sua.

2 Pita 1:5 ပူးပေါင်းရင်းမြစ်များ

Ibi Oku Ma Luk Anị Gịẹ Ḅara 16:26

Mịmámgba pa ngapịrị, wamịnị ogboku bie opu póghóló kiri imi, anịgosi mịnga saghị anị ngá ḅo biapụ inegha, aningáa saghị mịnga ḅo dọghụapụ sọ inegha.>

Ibi Oku Ma Luk Anị Gịẹ Ḅara 24:21

wa pịghị pa biekpọmaarị ḅẹẹ ori anịị ḅo Izirẹlị ḅọ́rọ́ma bẹḅọ ma. Mịị mamgba wáriso, mịngba anị tẹ́rẹ́ a dii mịnanyẹ ma kiriakị sáá.

Ibi Oku Ma Jọn Anị Gịẹ Ḅara 6:27

Fịrịnwangị síi bẹ fị́nyẹ ma pịrịma kụ́ma fịrịnwangị fịnị muu gbámásó duma láa bẹnyẹ pịrị, Tumḅọ yii Tụwọ ma pa ọ pịrịbẹnyẹ, tegó ori ma anịị Tamuno Daḅọ ma ḅara pụnụ pịrịmaá ḅọ pa die ḅẹ́ ori anịị kụ́rọ pa ọ pịrịḅọ.>>

1 Kọrịntịapụ 14:20

Ị jẹa mininiapụ ọmịnị awọamaapụ kịkama ọmịna kóróma ḅụ, siinyẹ gbolomanyẹ ḅụ ọmịnị awọamaapụ kịka, kụ́ma ọmịna kóróma ḅụ ọ sẹnịapụ dighi.

Ẹ́fịsọsapụ 5:17

Anịgo oḅoriapụ sọ ma, kụ́ma dọghụ pághámaḅo Kị́nị́nyánáḅọ i ḅara binyẹ sị i mịẹ.

Filipaiapụ 1:9

Tẹ́ghẹ̄ anịị a tẹ́ghẹ̄arị nyẹ ḅẹ́ ọmịna ḅẹlẹma sẹ́nị anịị anị sẹ́nịbẹnyẹ, tụ́ma níminyẹ ḅụ na pịghị kpain akanyaḅo ḅụ.

Filipaiapụ 2:12

Anịgosi, ịyẹa nángwọ́apụ, ọmịnị i bịpị pughuarị ḅara ma a ọ nana fịnị sáá, anị kọkọ ibi ḅẹẹ ọmịnị i bịpị púghú mị ḅara nẹ́ngịma mị́sa a ọ nana ófórigha sáá. Ọ pa ḅáláfá na oju sẹ́ghị pa ọmịna fịrịnwangị sị mịẹsị ọmịna dụaḅọ́rọ́ma káara.

Filipaiapụ 4:8

Kunemaá, ịyẹa nángwọ́apụ ọ mịnanyẹ ma pa ọmịna tẹ́mẹ́bie sua bima, ibi nyẹ gonyẹ́ gonyẹ́ sị túminị́ túminíarị nyẹ, tụ́manyẹ gonyẹ́ gonyẹ́, osigha nyánányẹ gonyẹ́ gonyẹ́, karakárányẹ gonyẹ́ gonyẹ́, fíafía nyẹ gonyẹ́ gonyẹ́, ḅẹlẹma na ibinyẹ na pighi kuu na ibi nyẹ.

Kolosiapụ 1:9

Mịma gosi, wa sághị o gbolomanyẹ náa sa éné éné wamịnị ịnyọsáragha ḅara pa tẹ́ghẹ̄ ọ pịrịarị pịghị Tamuno ḅara biiarị ḅẹ́ Tamuno ori níminyẹ ọ tọ́ọ ḅará pa ọ pịrị bimáa na pịghị ọ Tẹ́mẹ́ sághị ḅoo opúniminyẹ mamgba na akanyaḅo pa ọ pị́rị́.

Kolosiapụ 2:3

Ọ ḅụ anịị Tamuno opu níminyẹ na níminyẹ ngọ gonyẹ́ gonyẹ́ ḅọghu fịnịnyẹ.

Hiburuapụ 11:6

Minini ofori gbẹ́rẹ́ḅọ sọ ine Tamuno tẹ́mẹ́ mịẹḅẹ́lẹ́mabịgha, Tamuno damaḅoarị ḅo gonyẹ́ gonyẹ́ mininibẹm ḅẹ́ Tamuno imi, ori o pịghị ịnyọsua ọ tẹ́ghẹ̄arịapụ gbẹgbẹm.

Hiburuapụ 12:15

Ọmịnị árị ḅẹẹ, ọ Tamuno tọ́rụ́kụrụkụ́rụ́ pa ọḅụgbigha. Gbẹ́rẹ́ḅọ sọ si lakpo nyánáma sị anị wáriso anị sẹnị ḅo opuma ḅẹ́rẹ́ dighi kị́nị́mamgba pịrị.

Hiburuapụ 6:11

Wamịnị opuma biarị nyẹ anịị ḅẹẹ ọmịnị ọmịna tẹ́mẹ́bie o binyẹ ma ọmịnị anị ḅụ sẹ́ mú kunema la si ọmịna tọ́rụ́ dighinyẹ ma ḅo karakárá nyẹ́sọ́beḅara.

1 Pita 3:7

Anị gbẹ́rẹ́ ḅara ma, ọmịnị deeapụ akanyaḅo pa ọmịna taapụ na ngaa, nimi ḅẹ́ nnị kụrọ ọ́ nana gbasịgha, osigha pa n pịrị, tegó nnị sọ pịghị ọ́ nana Tamuno ḅara ọ nyánáḅọ duma ma nyáná bẹ ḅara. Ọ mịma mịẹsị bẹnyẹ bẹnyẹ ọmịna tẹ́ghẹ̄ mgbesẹbịgha ḅara.

2 Pita 1:10

Anịgo ị́yẹ́ ibi mịnaapụ, ọmịnị ibima ḅụ́kọ́rọ́ma árị ḅẹ́, Tamuno pa ọ sị́ sị ma, na pịghị ọ pa ọ sẹ́lẹ́akị sẹ́lẹ́ ma, anị ọ nana fịnị gbámásom. Ọ ḅọ́rọ́ ọkọ mịẹmịẹ, jẹ́ éné jẹ́ éné ọmịnị ọmịna minini pa ọḅụ gbibịgha.

2 Pita 1:11

Mị ḅara ma, nnị kụrọ gonyẹ́ gonyẹ́ pa ọ pịrịbẹm sị ọmịnị ine wámịna Nyánáḅọ na wámịna Ḅọ́rọ́máḅọ Jizọs Krais gbámásó amadakiri ma sọ.

2 Pita 3:14

Anịgo ị́yẹ́ ibi nangwọapụ, ọmịnị anị éné ma kúruarị sáá, ọmịnị ọmịna ịnyọ láa ḅara mịẹsị ọmịna ḅụ mịẹ kpainma warị, bịpị ḅụ laagha pa Tamuno tórúku, pịghị ọ nana diin ḅụ fịnị.

2 Pita 3:18

Kụ́ma ọ pa senị́ị́ Wányánáḅọ na wámịna Ḅọ́rọ́maḅọ Jizọs Krais tọ́rụ́kụrụkụ́rụ́ na ori níminyẹ ḅụ. Ipine fịnị ọ pịrị mị́sa akị mú ḅẹsá ḅẹsá la. Anị ọkọ fịnịị.