2 Pita 1:4 - Ibani New Testament

⁴ Mịná ipine na mịná ibi ḅụ ḅọ́rọ́, ori ọmịnị wa pịrị opuma dụḅa na nyẹ́la dienyẹ ma pa wa pịrịmam. Mịná diepịrịnyẹ ma ḅụ ḅọ́rọ́, ọ tuminikiri bie fịnị sị tuminiḅaarị pụghọ tarịarịnyẹ ma ḅarabie mangị págháḅobẹm, sị ori tọ́ntọ́ duma ma nyáná.

2 Pita 1:4 ပူးပေါင်းရင်းမြစ်များ

Romapụ 9:4

Nnị anịị Tamuno ma túminị́; ori oyẹ awọ pa nnị mịẹm pịghị ori ipine pa n die, ori nnị na ọḅọọ fịm sị ólóghó ma pa pịrị, nnị karakárá tẹ́ghẹ̄ ḅárá ma nyánam pịghị Tamuno minini nyẹ ma nyánámam.

2 Kọrịntịapụ 1:20

Ori anị <> ma sị pa Tamuno minini nyẹ mamgba pịrị. Mịma go Tamuno Jizọs Krais ḅụ sámámgba <> ḅẹm, wa anị ḅẹ́ pa Tamuno bomaarị.

2 Kọrịntịapụ 3:18

Wamịnị kị́nị́mamgba tórúku gbẹ́gha pa Kị́nị́nyánáḅọ ipine ma arịm anị bia wámịna tọ́rụ́bie sọọ ḅara, wa pịghị dima dima si pịghị okịkaarị ḅara, sámámgba ḅụ sẹnịarị ipine Kị́nị́nyánáḅọ ḅara saghị ḅo nyẹ ori anịị Tẹ́mẹ́ ma.

2 Kọrịntịapụ 6:17

Kị́nị́nyánáḅọ warị nnị ḅẹẹ, <

Galesiaapụ 3:16

Mị́sa Tamuno nyẹ mini pa Ebraham na ọ furobie págháḅo nyẹ pịrịm. Tọ́ndiri ma <> ḅẹgha, kuma o furobie Págháḅo ḅọ, mịma dughoarị gbẹ́rẹ́ḅọ ngéré mịị gbẹ́rẹ́ḅọ ma anịị Krais.

Galesiaapụ 6:8

Tumḅọ ḅọ́rọ́ nḅọ ojumẹnị tárịnyẹ dipi dipi anị ḅụ ḅọ́rọ́ nḅọ fịị sughuḅobẹm, kụ́ma nḅọ ḅọ́rọ́ Tẹ́mẹ́ ma ḅụ dipi dipi nḅọ anị ḅụ ḅọ́rọ́ gbámásó duma sughuḅobẹm.

Ẹ́fịsọsapụ 4:13

sị wamịnị mamgba ḅo bịpị pa ogbo sua gbẹ́rẹ́ minini ḅụ, pịghị bịpị pa ogbo sua Tamuno Tụwọ ma nimi ḅụ, wamịnị sẹ́nịmaapụ ḅara pa nyẹ mịẹbẹm, sẹnị sị mú Krais láa ḅara la.

Kolosiapụ 3:10

ịwọ oju ma sua sị árị ḅẹ́ sámámgba ọmịnị iwọarị, ọ pịghị sẹnịarị ḅara ọmịna Tẹ́mẹ́ḅọ nimi ḅụ sị pịghị ọ fịnị ḅara fịnị.

Hiburuapụ 12:10

Wámịna tuminikiri daapụ kálá sáá tụ́wọ ḅụ wa datụ́ghụ́mam anị nna tọ́rụ́ karakárá ḅara, kụ́ma Tamuno mịẹarị angaá nyẹ ma ọ́ wámịna ibi gosi. Wamịnị ine ọrẹ tọ́ntọ́ duma ḅụ diekiri nyáná bẹ ḅara.

Hiburuapụ 9:15

Krais anị ịwọ ọḅọọ ma ḅara saghị ḅoḅọ, sị Tamuno simaapụ ine o minini gbámásó boma ma nyáná bẹ ḅara. Mịma ine kiriakịbẹm ọ fịịmam go, sị siiamịẹnyẹapụ ḅọ́rọ́ma nna siiamịẹnyẹ ḅụ, parị ọḅọọ ma sọ pa imi sa.

Jems 1:27

Tamuno Daḅọ árị sị kpain pịghị karakárá Tamuno nimi, ọ́ nyingi na daa ófórigha awọ ma tákubiri, na pịghị dee oforighaapụ ma nna tọ́rụ́siarị ḅụ, pịghị minigha sị tuminikiri ma n ḅọ sima.

2 Pita 1:1

Irị Saimọn Pita, Jizọs Krais fịrịnwangịḅọ pịghị Jizọs Krais fịrịmaḅọ anịị mị dii ma gịẹ ọ fịrịmaarịḅọ. A gịẹ pa ọ fịrịmam wamịnị na gbẹ́rẹ́ nyẹ́la minini nyánáapụ, wámịna Tamuno na wámịna dụaḅọ́rọ́maḅọ Jizọs Krais karakárá ibiamịẹnyẹ ḅụ ḅọ́rọ́.

2 Pita 3:13

Kuma wa Tamuno minini nyẹ ma kurum, ịwọ so ma na ịwọ tuminikiri ma, karakárá ibiamịẹnyẹ taa bẹ angaá.

2 Pita 3:9

Kị́nị́nyánáḅọ ma o sa ngumabịgha o minini nyẹ mịẹ, jẹ́apụ si ḅara. Tụ́ma ori ngịrịma nyáná ọ pịrịm, dọghụgha gbẹ́rẹ́ḅọ sọ papa fịịfaa, o bim ḅẹ́ kị́nị́mamgba nna sii ḅụ pịghịị.

1 Jọn 2:25

Mịma anị Krais minininyẹ ḅẹ́ ọ pa wa pịrịbẹm duma gbámásó.

1 Jọn 3:2

Ị́yẹ́ ibi nangwọapụ, mị́sa wamịnị Tamuno awọ, kụ́ma túminị́ na nimigha wa kịka bẹnyẹ, kụ́ma wa nimim ḅẹ́ Krais ọ ḅụ die sa, wamịnị ọ fịnị ḅara fịnịbẹm, tegó wamịnị ori árịbẹm ọ fịnị ḅara.