2 Pita 1:3 - Ibani New Testament

³ Tamuno ori kụ́rọ ḅụ ḅọ́rọ́, wa binyẹ gonyẹ́ gonyẹ́ pa wa pịrịmam mịẹsị wamịnị ine kuu pa Tamuno pịrịbẹ duma kọọ. Ori wa sịḅọ ma ori ipine na ori ibi ḅụ ḅọ́rọ́ mịnanyẹ ma pa wa pịrịm wamịnị ori ma nimi ḅụ ḅọ́rọ́.

2 Pita 1:3 ပူးပေါင်းရင်းမြစ်များ

Matiu 28:18

Anịsáa Jizọs warị n damaḅo si ḅẹẹ, <

Romapụ 8:32

Ori ọ Tụwọ ma ọlọ ọ ḅụ pịrịghaḅọ, kụ́ma ọ saghị pa wamịnị kị́nị́mamgba pịrịm. Ọ pịghị ọ ḅụ ḅọ́rọ́ ḅara findi nyẹ́ gonyẹ́ gonyẹ́ pa wa pịrịbịgha?

Romapụ 9:24

Wamịnị anịị ọ sịapụ ma, Juuapụ ma bie ngéréghaa kụ́ma Juughaapụ ma bie so.

1 Kọrịntịapụ 1:9

Tamuno anịị ọ ḅụ tẹ́mẹ́ gbánā na ibi ḅoo, Tamuno ori anịị ọ sịḅọ ḅẹẹ o ḅoo wámịna Nyánáḅọ Jizọs Krais, ọ Tụwọ na mịẹgbólóma nyáná.

2 Kọrịntịapụ 12:9

Kụ́ma ori i pagharam ḅẹẹ; <<Ị́yẹ́ tọ́rụ́kụrụkụ́rụ́ anịị ị bii nyẹ, ḅẹ́ iyẹ kụrọ anị ḅụ die kụrọma kụ́rọ́mam, ị́yẹ́ kụ́rọ ịrụ sáá.>> Anịgo i bieḅẹlẹm ḅẹ́ a bịpịkpọ ị́yẹ́ ịnyọ ịrụ la ḅara pịrị sị Krais kụ́rọ i gbẹ́ẹ̄ bẹ ḅara.

Ẹ́fịsọsapụ 4:1

Anịgosi a ọ tẹ́ghẹ̄m ịrị mị́sa ikólinaḅọ a fịrịnwangị Kị́nị́nyánáḅọ ma pịrịarị goo ḅẹ́, ọ duma kọọ Tamuno bi ḅara ḅẹẹ o duma kọọ, ori ọ sị sáá.

Ẹ́fịsọsapụ 4:4

Gbẹ́rẹ́ oju imi, gbẹ́rẹ́ Tẹ́mẹ́ na pịghị gbẹ́rẹ́ tọ́rụ́ dighinyẹ Tamuno go ọ sị nyẹ.

Filipaiapụ 3:8

Anịma ngéréghaa; a nyẹ gonyẹ́ gonyẹ́ kiẹm káara bi faá ḅara, a mịma mịẹm ịḅụ opuma nyẹ́la nyẹ ma gosi, anịị Inyanaḅọ Krais Jizọs nimi ma, ọ sịbị goo a nyẹ gonyẹ́ gonyẹ́ gbiḅuumamam, nyẹ gonyẹ́ gonyẹ́ ịḅụ opu ịlọ́lị kpọ dighimam. Sị a nyẹ gonyẹ́ gonyẹ́ nyáná ḅo bẹ ḅara Krais bie.

Filipaiapụ 4:8

Kunemaá, ịyẹa nángwọ́apụ ọ mịnanyẹ ma pa ọmịna tẹ́mẹ́bie sua bima, ibi nyẹ gonyẹ́ gonyẹ́ sị túminị́ túminíarị nyẹ, tụ́manyẹ gonyẹ́ gonyẹ́, osigha nyánányẹ gonyẹ́ gonyẹ́, karakárányẹ gonyẹ́ gonyẹ́, fíafía nyẹ gonyẹ́ gonyẹ́, ḅẹlẹma na ibinyẹ na pighi kuu na ibi nyẹ.

Kolosiapụ 1:16

Tegó ọ ḅụ ḅọ́rọ́ anịị Tamuno nyẹ gonyẹ́ gonyẹ́ tẹ́mẹ́nyẹ: so na kiri ma bie fịnịnyẹ, túminị́ tọ́rụ́ pa árịnyẹ na túminị́ tọ́rụ́ pa arịgha nyẹ, ḅọ́rọ́ imine anịgha kụ́rọ anịgha táarịapụ anịgha kụrọnyanáapụ; Tamuno ọ ḅụ ḅọ́rọ́ nyẹ gonyẹ́ gonyẹ́ tẹmẹm nyẹ gonyẹ́ gonyẹ́ n tẹ́mẹ́ ọ pịrịm.

1 Tẹsalonaikaapụ 2:12

Wamịnị ọ tẹ́mẹ́ kụ́rọ́mam, wamịnị o bie diinmam, wa pa dugho ọ pịrịarị ḅẹẹ, ọ sị Tamuno ma ḅẹ́ o ḅoo diekiri nyáná ori amadakiri na, ori ipine ḅụ, ọmịnị ọ ḅụḅẹlẹ duma kọọ.

1 Tẹsalonaikaapụ 4:7

Tamuno wa sịgha ḅẹẹ wa ḅo yáakuu ḅụ ofori nwángị kọọ, kụ́ma wa tọ́ntọ́ ḅụ fịnị.

2 Tẹsalonaikaapụ 2:14

Tamuno ọ sị mịma bie suam wa dugho wásáma ibi oku ma ḅụ ḅọ́rọ́; ori ọ sim ḅẹ́ o ḅo ọmịna diekiri akịị wámịna Nyáná ḅo Jizọs Krais ipine ḅụ.

1 Timoti 4:8

Oju jighema ti ma sọnyẹ nyánam, kụ́ma tẹ́mẹ́ju fịrịnwangị ma sọnyẹ sọ́ḅám asọ kịrịkị́rị́ ḅụ tegó anị duma pa wa pịrịbẹm, mị́sa na pịghị ḅoarị sáá.

2 Timoti 1:9

O wa duaḅọ́rọ́mam pịghị wa sị ḅẹ́ wa ḅoo ori a túminị́ sọọ, wa mịẹmáa nyẹ gosigha, kụ́ma ori mịẹ dọghụnyẹ gosi na ori tọ́rụ́kụrụkụ́rụ́. O mịị tọ́rụ́kụrụkụ́rụ́ ma pa wa pịrịm tuminikiri na saghịgha sa éné éné Krais Jizọs sịbị ḅụ ḅọ́rọ́.

Hiburuapụ 1:3

Tụwọ ma anịị Tamuno ipine ma bia ḅára diepághámaarịḅọ, Ọ Tamuno na kịkam asọ gonyẹ́ gonyẹ́ ḅụ, ọ pịghị ori kụ́rọ nyáná ẹ́gẹ́rẹ́ pa so na kiri ma dighi sẹ́mam, ọ wámịna sii sịrị si faá ma sáá, ọ kpọrọfịnịm Tamuno ámáḅara angaá, kụrọmamgba nyánáḅọ sobie.

1 Pita 1:15

Mịma na karagha, ọ tọ́ntọ́ ḅụ fịnị omiẹarị nyẹ gonyẹ́ gonyẹ́ ḅụ, ọ sịị Tamuno ma sọ tọ́ntọ́ ḅụ fịnị ḅara.

1 Pita 1:5

Anị fịnị ọ pịrịm, minini ḅụ nnị Tamuno kụ́rọ pa koko wárịapụ pa mị dụaḅọ́rọ́ma ma pịrị, tẹ́lẹ́mamaá nyẹ si anị ḅụ die bii nyẹ sa kunema ḅụ.

1 Pita 2:21

Mịma sịbị go anịị Tamuno go ọ sị nyẹ ḅẹ́ Krais ọ ḅụgbọrụ tọ́rụ́siarị ọ pịrịm ọ pa ọ ḅarabie nyẹ dáwọ sị ọ ḅụọ dua.

1 Pita 2:9

Kụ́ma ọmịnị anịị n sẹlẹakịmaapụ ma, Ámányánáḅọ ma igwagwaapụ, Tọ́ntọ́ sẹ, Tamuno ḅárákúu túminị́, n sẹlẹakị sị nnị Tamuno ḅụ́gbérépuma fịrị ma dugho págháma, ọ sị ákịḅọ kánákánábie sị o ḅo ọrẹ ḅụ́gbérépuma baá ma bie so.

1 Pita 3:9

Ọ mịnị siinyẹ pa siinyẹ gbẹ́ẹ̄ ma anịgha wirinumo pa wirinumo gbẹ́ẹ̄, anịmanakaragha ọ karịibima pa o wiriapụ gbẹ́ẹ̄. Tegó Tamuno ma osị sa boma anị o minini ọ pịrịnyẹ.

1 Pita 5:10

Ọ kẹ́lẹ́ tọ́rụ́siarị so sáá, tọ́rụ́kụrụkụ́rụ́ mamgba nyáná Tamuno ma, ọ sị ḅo bẹ ọ ḅo diekiri nyáná ọrẹ gbámásó ipine ma ḅụ Krais bie, ori ma pịghị ọ mịẹ kpaimabẹm, pịghị ọ sẹ kụ́rọ́mabẹm pịghị ịnyọ, na pịghị karakárá súghúise pa ọ pịrị.

2 Pita 1:10

Anịgo ị́yẹ́ ibi mịnaapụ, ọmịnị ibima ḅụ́kọ́rọ́ma árị ḅẹ́, Tamuno pa ọ sị́ sị ma, na pịghị ọ pa ọ sẹ́lẹ́akị sẹ́lẹ́ ma, anị ọ nana fịnị gbámásom. Ọ ḅọ́rọ́ ọkọ mịẹmịẹ, jẹ́ éné jẹ́ éné ọmịnị ọmịna minini pa ọḅụ gbibịgha.

2 Pita 1:2

Tọ́rụ́kụrụkụ́rụ́ na diin bii ḅara pa ọmịna nyẹ sọọ, o ḅo Tamuno na wámịna Nyánáḅọ Jizọs Krais nimiḅara ma.

2 Pita 1:5

Mịma go, ọmịnị ọmịna ịnyọ la ḅara mịẹsị ọmịna minini ḅụ ibiamịẹnyẹ pa anị ḅụ sua, ibiamịẹnyẹ ḅụ níminyẹ pa anị ḅụ sua.

2 Pita 1:6

Ọmịna níminyẹ ḅụ, ḅụ ọlọ pa anị ḅụ sua, ḅụ ọlọ ḅụ ingịrịma pa anị ḅụ sua, ingịrịma ḅụ Tamuno dighi ḅáláfaa pa anị ḅụ sua.

2 Pita 1:8

Mịnanyẹ ma anịị o binyẹ ọmịna duma bie, ọ ḅọ́rọ́ nyáná bima ọmịna duma bie, anị mịẹbẹm ọ gárágárá pịghị sọọ nyẹ ḅụ sọ, ọmịna níminyẹ Jizọs Krais wámịna Nyánáḅọ ḅụ.

2 Pita 2:20

Ḅọ́rọ́ wámịna Dụaḅọ́rọ́maḅọ Jizọs Krais nimi ḅụ ḅọ́rọ́, túminị́ pịonị pághámam tuminikiri kị́nị́ pilemaarị nyẹ ma ḅárabie, mịná kụ́rọ ma sima n kuu pịghị n sọ́ḅa sọ́ḅa, anịapụ ma fịnị ḅára kunema siḅaá, nna fịnị ḅára nẹ́ngịbẹm parị sa.

2 Pita 3:18

Kụ́ma ọ pa senị́ị́ Wányánáḅọ na wámịna Ḅọ́rọ́maḅọ Jizọs Krais tọ́rụ́kụrụkụ́rụ́ na ori níminyẹ ḅụ. Ipine fịnị ọ pịrị mị́sa akị mú ḅẹsá ḅẹsá la. Anị ọkọ fịnịị.