2 Pita 1:11 - Ibani New Testament

¹¹ Mị ḅara ma, nnị kụrọ gonyẹ́ gonyẹ́ pa ọ pịrịbẹm sị ọmịnị ine wámịna Nyánáḅọ na wámịna Ḅọ́rọ́máḅọ Jizọs Krais gbámásó amadakiri ma sọ.

2 Pita 1:11 ပူးပေါင်းရင်းမြစ်များ

Matiu 25:34

<

Ibi Oku Ma Jọn Anị Gịẹ Ḅara 10:10

Fúrúḅọ ma go ḅo nyẹ ngéré anịị nyẹ fúrú kị́nị́ḅáa na pịghị nyẹ guluguluma. A ḅomam ḅẹ́ o duma nyána pịghị bii ḅara pa anị nyána.

Romapụ 2:4

Anịgha ị Tamuno opu ibi na ori inema tẹ́mẹ́ na ori ngịrịma pa papanyẹ mịẹbẹ, Tamuno ori ibim, ori ibi ma ọ daa mú sii ḅụ pịghị ḅụ súúarị.

1 Kọrịntịapụ 15:24

Anịsáa kunema ma ḅobẹm, ori amadakiri ma ḅọ́rọ́ma Tamuno Daḅọ ma pịrị sáá, anịị ọ táa kụ́rọ gonyẹ́ gonyẹ́ na ḅẹrẹtọ kụ́rọ na kụrọ gonyẹ́ gonyẹ́ guluguluma fama sáá.

2 Kọrịntịapụ 5:1

Mị́sa wa nimim ḅẹ́ ḅọ́rọ́ wa bie angaá wárị ma mịẹ tuminikiri kaaka, wa Tamuno ḅara saghị ḅo wárị nyánam sobie, túminị́ ḅara pa namaghaa nyẹ, sị fịnị mú gbámásó la bẹnyẹ.

Ẹ́fịsọsapụ 3:20

Mị́sa ipine fịnị Tamuno pịrị, ori opu kụ́rọ wámịna bie fịrịnwangịarị nyẹ, ori ine mịẹ gbánāma bẹḅọ wamịnị ine bii bẹnyẹ anịgha kóróma bẹnyẹ mịẹ bẹḅọ

1 Timoti 6:17

Kụrọ ḅara pa dugho mị tuminikiri ngọ ma nyánáapụ pịrịị ḅẹ́ nnị opuamịẹnyẹ mịẹma, anịgha tẹ́mẹ́ gbánā dima dima koroarị nyẹ ḅụ, anịị tuminikiri ngọ kụma Tamuno ḅụ, nyẹ gonyẹ́ gonyẹ́ pa wásáma wa pịrịḅọ sị wamịnị anị pa wa ḅụ tii.

2 Timoti 4:18

Kị́nị́nyánáḅọ i dua pághámaḅobẹm siinyẹ gonyẹ́ gonyẹ́ bie, si diin ḅụ ị́yẹ́ akị sobie ori amadakiri ma muubẹm. Boma ma fịnị ori ma pịrị muu ḅẹsá ḅẹsá láa. Anị ọkọ fịnịị.

2 Timoti 4:8

Mị́sa sághị bịpị muu karakárá ibiamịẹnyẹ ogunu fịnị ikuruarị anịị Kị́nị́nyánáḅọ ma karakárá ḅẹ́rẹ́kọḅọ ma pa ị pịrịbẹnyẹ anị éné ma, ịrị ngéréghaa, kụma ḅẹlẹma ḅụ ori ḅoo ma kúruarịapụ mamgba.

Hiburuapụ 6:17

Tamuno ọrẹ dima dimagha duma diepágháma ọrẹ awọ o minini nyẹ nyánáakị bẹapụ pịrị dọ́ghụm gosi o minini n pịrịnyẹ ori ọḅọọ fị pa anị mịẹ kụ́rọ́mam.

2 Pita 1:1

Irị Saimọn Pita, Jizọs Krais fịrịnwangịḅọ pịghị Jizọs Krais fịrịmaḅọ anịị mị dii ma gịẹ ọ fịrịmaarịḅọ. A gịẹ pa ọ fịrịmam wamịnị na gbẹ́rẹ́ nyẹ́la minini nyánáapụ, wámịna Tamuno na wámịna dụaḅọ́rọ́maḅọ Jizọs Krais karakárá ibiamịẹnyẹ ḅụ ḅọ́rọ́.

2 Pita 1:5

Mịma go, ọmịnị ọmịna ịnyọ la ḅara mịẹsị ọmịna minini ḅụ ibiamịẹnyẹ pa anị ḅụ sua, ibiamịẹnyẹ ḅụ níminyẹ pa anị ḅụ sua.

2 Pita 2:20

Ḅọ́rọ́ wámịna Dụaḅọ́rọ́maḅọ Jizọs Krais nimi ḅụ ḅọ́rọ́, túminị́ pịonị pághámam tuminikiri kị́nị́ pilemaarị nyẹ ma ḅárabie, mịná kụ́rọ ma sima n kuu pịghị n sọ́ḅa sọ́ḅa, anịapụ ma fịnị ḅára kunema siḅaá, nna fịnị ḅára nẹ́ngịbẹm parị sa.

2 Pita 3:18

Kụ́ma ọ pa senị́ị́ Wányánáḅọ na wámịna Ḅọ́rọ́maḅọ Jizọs Krais tọ́rụ́kụrụkụ́rụ́ na ori níminyẹ ḅụ. Ipine fịnị ọ pịrị mị́sa akị mú ḅẹsá ḅẹsá la. Anị ọkọ fịnịị.

Puu Findi 3:21

<

Puu Findi 5:10

I mịẹmam nnị igwagwaapụ amadakiri sọọ sị n fịrịnwangị wámịna Tamuno pịrị, n pịghị tuminikiri ma ḅụ taábẹm.>>